Mótmæli við hvert hús á Kársnesi

Kársnesið:

Í góða veðrinu fór ég í göngutúr strandleiðina um Kársnesið (í Kópavogi). Hér fylgja nokkrar myndir því mér til mikilar undrunar voru mótmælaborðar á nær annarri hverri lóð en ef það hefur verið sagt frá því í fjölmiðlum hefur það algerlega farið fram hjá mér.

Ég hafði heyrt af skiljanlegri óánægju á Kársnesinu en af einhverjum ástæðum gera fjölmiðlar miklu meira með mótmæli vegna einnar íbúðar við Njálsgötu í Reykjavík en með allsherjar mótmæli íbúa á Kársnensi vegna uppfyllinga fyrir stórskipahöfn og bryggjuhverfi. Undanfarin ár hefur verið of freistandi einfalt að vísa á Gunnar Birgisson um ábyrgð á verktakavæðingu bæjarins, en svo virðist sem aðrir í bæjarpólitíkinni sem einnig tengjast verktökum og húsabyggingaiðnaðinum skýli sér bak við Gunnar.

Frá mínum sjónarhóli bera allir bæjarfulltrúar og nefndarmenn viðkomandi nefnda jafna ábyrgð á þessum málum ef þeir hafa ekki gert skýra, heiðarlega og auðsýnilega tilraun til að stöðva þau eða færa til betri vegar (smellið á myndir til að stækka - og svo aftur til að stækka meira).

 

Athugasemdir

[Anna Karlsdóttir, 17.7.2007 kl. 11:52]

Vonandi er íbúalýðræði í Kópavoginum vaxandi segji ég nú bara. Eru forsvarsmenn bæjarins nokkuð blindir?

[Bragi Þór Thoroddsen, 17.7.2007 kl. 12:03]

Gott framtak - hef verið að velta þessu fyrir mér.  ÉG bjó áður við Nýbýlaveginn og séð umferðina vaxa þarna frá því 1998.

Gott að vekja máls á þessu.

vcd

[Valur (IP-tala skráð) 17.7.2007 kl. 15:21]

Ætla rétt að vona að bæjarfuttlrúar fylgist með síðunni þinni, þörf ábending að allir bera þeir ábyrgð á þessu skipulagsklúðri sem öðrum sem ekki hafa greitt í bæjarstjórn skýrt atkvæði gegn þessu og reynt að sannfæra hina um það sama. - Ekki láta þá skýla sér bak við Gunnar I Birgisson lengur.

[Halldór Sigurðsson, 17.7.2007 kl. 18:31]

Ég hélt að þar sem sjálfstæðismenn stjórnuðu,væri bannað að mótmæla ?

[Helgi Jóhann Hauksson, 17.7.2007 kl. 19:32]

Halldór, ég held þetta snúist á engan hátt um flokkspólitík.

[Kidda (IP-tala skráð) 17.7.2007 kl. 21:24]

Þetta er rétt hjá þér, það er ekki lengur hægt að kenna GB einum um alla þessa vitleysu sem hefur viðgengist í bænum undanfarin ár. Það eiga allir jafnmikla sök á þessu.

Að engin, sem kemur nálægt bæjarpólitíkinni skuli hafa manndóm í sér til að segja hingað og ekki lengra.

[Letilufsa, 19.7.2007 kl. 12:42]

Hey Heyr!!!

Kv Fjóla Borg (Íbúi á Kársnesi)

[Betri byggð á Kársnesi (IP-tala skráð) 22.7.2007 kl. 15:10]

Kærar þakkir, Helgi, fyrir þessa umfjöllun og myndirnar.  Góð samlíking þetta með Njálsgötuna, en sem betur fer hafa fjölmiðlar verið að sýna okkar máli aukinn áhuga.  Við á Kársnesinu finnum til samkenndar með íbúum á Nónhæð og styðjum þá í baráttunni.

Íbúar á Kársnesi hafa stofnað samtök og hvatt íbúa til að sýna hug sinn í verki með því að setja upp mótmælaborða með góðum árangri eins og myndirnar þínar sýna. Við höfum gengið í hús í hverfinu og allir sem einn hafa þeir íbúar sem við höfum rætt við lýst andstöðu við hugmyndir bæjarins.  Fyrir þá sem vilja kynna sér málin betur bendi ég á vefsíðuna okkar www.karsnes.is (við tókum okkur það bessaleyfi að vísa í bloggfærsluna þína á vefsíðunni okkar ;-)

Baráttukveðja frá Betri byggð á Kársnesi