Þið eruð bara of sein -en dómsmálin mætti flytja til Samfylk.

Nýjustu myndir hérhér og hér.

Mynd 2009 01 25 00 47 49

Mér er algerlega hulið hvernig ráðherrar og þingmenn Samfylkingarinnar hafa gersamlega dottið úr takti við raunveruleikann. Hvernig datt þeim í hug fyrir jól að það mætti fresta breytingum þangað til þær hentuðu af persónulegum ástæðum eins ráðherranna eftir jól, - þegar 13.000 manns voru þegar atvinnulausir og 10 þúsund útlendingar farnir úr landi, 4 milljarðar voru teknir beint af bótum lífeyrisþega en ekki má setja á hátekjuskatt, - og enn sést ekkert til aðgerða til að sækja fé og auð þeirra sem tæmdu sjóði spilavítisins Ísland né þeirra sem breyttu íslandi í spilavíti.

Þess virði ef dómsmálaráðuneyti skipti um flokk

Það væri þó til einhvers ef Samfylkingin tæki við Dómsmálaráðuneytinu og léti hefja heildarrannsókn á aðferðum lögreglu gagnvart mótmælendum og fólki annarra skoðana en Björn Bjarnason. Bæði rannsókn á lögregluofbeldi sem hann hefur fyrirskipað og rannsókn á því hvernig lögregla safnar upplýsingum um mótmælendur sem ekkert hafa til sakar unnið annað en að tjá skoðun sína.

Nú verjið þið dómsmálaráðherra sem sigaði lögreglu á eignalausa hælisleitendur til að haldleggja hverja krónu sem hjá hælisleitendum fannst en getur ekki nú kyrrsett eða snert við auði þeirra sem grunaðir eru um að hafa sett Ísland á hausinn og nú síðast grunaðir um gervisölur á hlutabréfum banka fyrir tugi milljarða og annað eftir því.

- Og þið berið alla ábyrgð á aðferðum lögreglunnar gangvart mótmælendum við þinghúsið á meðan dómsmálaráðherra situr í skjóli ykkar. Yfirlýstur tilgangur mótmælanna sem tilkynnt voru löngu fyrirfram var að skapa hávaða. En dómsmálaráðherra/þið fóruð á taugum af hávaðanum og sögðuð óeirðalögreglunni að koma og beita nú fullri hörku gegn hávaðaseggjunum með eldhúsáhöldin.

Ég Mynd 2009 01 20 13 37 13Mynd 2009 01 20 13 37 14kynntist því á eigin skrokk á leið sveitar óeirðalögreglunnar frá bílastæðinu norðan við Skálann yfir í Alþingisgarðinn á auðu svæði norðan við Skálann, kl um 13:30 rétt eftir að mótmælin hófust, áður en sveitin sá einu sinni vettvang en þá hrinti einn þeirra mér mjög harkalega fyrir það eitt að ég mundaði myndavélina mína og fylgdi þeim fremstu eftir með myndvélaauganu. - Skyndilega var eins og keyrt hefði á mig vörubíll en þá lagði einn lögreglumaðurinn sem á eftir fylgdi lykkju á leið sína til þess eins að hrinda mér. Með því hugarfari mætti sú sveit á vettvang - og gerði strax allt vitlaust. - Hvernig annars átti hún að geta sýnt meiri hörku eins og pantað var nema af handahófi gagnvart hverjum sem fyrir varð þar sem hún hafði þegar beitt meira en réttlætanlegri hörku við óverjandi aðstæður og án réttætnalegs tilefnis við Hótel Borg

- Við Alþingishúsið var ekkert ofbeldi fyrr en lögreglan hafði gengið fram af óverjandi offorsi að kröfu ríkisstjórnar ykkar - þið verðið að taka ábyrgð á þessu og krefjast rannsóknar hæfra erlendra mannréttindasamtaka á aðförum og framgöngu lögreglu. - Við erum ekki enn búin að bíta úr nálinni með bakslagið sem reiðin af ofbeldi lögreglu og rangur og villandi fréttaflutningur í garð mótmælenda orsakar. - Dómsmálaráðherra ykkar keyrir upp reiðina með lögregluofbeldi og skiptinum um meira lögregluofbeldi.

Mynd 2009 01 22 01 44 23Hér er ekkert tilefni til að taka á málum öðruvísi en þegar verkfallsaðgerðir standa yfir, ef ekki væri fyrir vopnavæðingu og Floridaþjálfun og innrætingu herja Björns Bjarnasonar.

- Flestir upplifa það vera hámark alls óréttlætis heimsins þegar lögreglan sem á að verja þjóð sína beitir það sjálft tilefnislausu ofbeldi, - og það er tilefnislaust ofbeldi að meisa það, gasa eða berja með kylfum við annars friðsamar mótmælaaðgerðir. - Fréttir og upplýsingar frá lögreglu eru stórkallega rangar frá því sem maður sjálfur verður vitni að, og nú horfa margir á það líka eigin augum.

- Munið það að lýðræðið sjálft er heilagra en alþingi og alþingi er einskisvert án táningafrelsisins og frelsis til að mótmæla. Ef fólkið fær ekki að eiga orðastað við þingið jafnvel þó fólkið geri það með hávaða einum er alþingi ekki lengur hluti af hinu heilaga lýðræði heldur þvert á móti stendur því fyrir þrifum.


mbl.is Vilja taka að sér verkstjórnina
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Villi Asgeirsson

Gott að heyra frá vitni. Til þess er bloggið, að vera mótvægi við litaðan málflutning fjölmiðla. Takk fyrir frásögnina og myndirnar.

Villi Asgeirsson, 26.1.2009 kl. 09:41

2 Smámynd: Kristján Logason

Hey HEYR félagi

Kristján Logason, 26.1.2009 kl. 11:38

3 identicon

Athugaðu Helgi að nú er lögreglan að hóta úrsögn úr BSRB vegna þess að þeim finnst formaður þess ekki vera að líta eftir sínum hagsmunum því að hann vill "rannsaka meint ofbeldi lögreglu".

Semsagt, þeir "lögreglan" leitast nú eftir að koma pólitísku höggi á þá sem vilja rannsaka málin. Ef þeir hefðu ekkert að fela myndu þeir fagna slíkri rannsókn. Sem sjónarvottur að átökunum við þinghúsið veit ég að framkoma lögreglu þar stenst enga skoðun, þeir einfaldlega slepptu kolóðum sérsveitarmönnum á mótmælendur í þeim beina tilgangi að koma af stað óeirðum.

Það mistókst reyndar og mótmælin fóru ótrúlega siðsamlega fram miðað við framgöngu lögreglu. En að ætla að streitast á móti rannsókn og kljúfa sig út frá öðrum ríkisstarfsmönnum er vísir að gífurlega hættulegri þróun og tilraunum til að koma hér á herveldi. Ég hræðist þessa þróun mun meira en nokkrar aðrar tilfærslur á pólitíska sviðinu.

http://eyjan.is/blog/2009/01/25/logregluvardstjori-vill-kanna-ursogn-logreglumanna-ur-bsrb-vegna-hagsmunaareksturs-ogmundar-formanns/

bogi (IP-tala skráð) 26.1.2009 kl. 11:38

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband