Svo rakst ég á þennan ref yst á Snæfellsnesinu

Það var heldur tekið að rökkva þegar ég sá ref trítla yfir veginn nokkuð fyrir framan mig og leggjast í vegkantinn eins og til að bíða þess að bíllin færi hjá. Ég stöðvaði hinsvegar bílinn, skrúfaði í snatri niður farþegarúðuna og mundaði myndavélina. Refurinn starði beint framan í mig í forundran eins og hann hefði vart átt von á þessu. Hálf fannst mér hann eymdarlegur með einhverjar síðar silfurlitaðar lufsur af vetrarfeldinum en annars móbrúnn og með dapurt augnatillit. Eftir augnabliks fyrirsætustörf stóð rebbi upp og rölti í burtu og leit aldrei til baka.

 

 

Athugasemdir

[Óskar Þorkelsson, 23.7.2009 kl. 10:15]

.. þetta er óargadýrið sem yfirvöld greiða bændum fyrir að eyða :)  Flottar myndir hjá þér Helgi.

[Finnur Bárðarson, 23.7.2009 kl. 16:39]

Glæsilegar myndir. Þetta er dýrið sem íslendingar óttast mest af öllum dýrum. Það er hamingja heimsins að Íslendingar fluttust aldrei að ráði til Afríku. Öllu ferfættu hefði verið útrýmt á nokkrum árum.

[Gísli Baldvinsson (IP-tala skráð) 23.7.2009 kl. 21:17]

Var rebbi pólitískur?

[Kjartan Pétur Sigurðsson, 23.7.2009 kl. 21:50]

Flottar myndir

[Helgi Jóhann Hauksson, 24.7.2009 kl. 13:02]

Takk fyrir, en ég bendi áhugafólki á myndirnar hans Kjartans Péturs sem á næstu athugasemd hér fyrir ofan. Myndir gerast ekki flottari en hjá honum. Smellið á nafnið hans og tékkið á honum.

[Lára Hanna Einarsdóttir, 25.7.2009 kl. 11:13]

Svakalega flottar myndir, Helgi. Og rebbi fallegur. 

[Ingimundur Bergmann, 26.7.2009 kl. 13:11]

Glæsilegar myndir Helgi! Göngum öll í Tófuvinafélagið og hættum refaveiðum! Ég rakst á einn á Hellisheiðinni í fyrra og við gátum fylgst töluvert lengi með honum, en ekki tókst okkur að ná myndum af greyinu sem eru neitt í líkingu við þetta.

[Óskar Þorkelsson, 27.7.2009 kl. 01:17]

Ég sá einn rebba í kvöld rétt fyrir ofan geysir.. var að koma ofan frá gullfossi með farþega þegar hann skaust yfir veginn.. ég stöðvaði rútuna og allir í bílnum gátu fylgst með honum um hríð.. hann var eiginlega nákvæmlega eins rytjulegur og fyrirsætan hans Helga :)

 já göngum í tófuvinafélagið