Eldur í Paradís! - Lærdómur af háhýsabruna á Spáni.

Mér þótti þau hálf hrikaleg húsin á Spáni sem voru í byggingu þegar ég kom þar fyrst sumarið 1976, múrsteinsgólf í margar hæðir á örmjóum steinsteyptm súlum og svo léttir hlaðnir útveggir. Það var svo ekki fyrr en eftir að Spánn og Portúgal gengu í ESB 1986 að teknar voru upp boðlegar byggingareglur þar og staðlar.
Þetta rifjaðist upp fyrir mér þegar ég varð vitni að því í ágúst 2005 að eldur varð laus í 20 hæða íbúðahóteli í Benidorm á Spáni. Á aðeins örfáum mínútum dreifðist eldurinn niður eftir húsinu með brennandi sóltjöldum og sundfötum af svölum á svalir frá 16. hæð og niður, eldurinn náði líka að teygja sig upp eftir húsinu. Sem betur fer var ekki vindur svo logandi klæðin dreifðust ekki mikið til hliðar.

Myndirnar sem ég hef sett hér inn í albúmið “Eldur í Paradís” sýna ef vel er að að gáð hvernig eldurinn dreifir sér, en einnig að þegar slökkviliðið kom á staðinn ná þeir strax að sprauta vatni á neðstu svalatjöldin og stöðva útbreiðsluna eldsins þar, þ.e. uppá 6. hæð en lengra náðu slöngurnar ekki að sprauta, og þó slökkvilið kæmi greinilega víða frá á þeim 5 klukkustundum sem lökkvistarf stóð yfir sást aldrei körfubíll eða bíll með dælubyssur og reyndar komust engir slökkvibílar að svalahlið hótelsins þar sem eldurinn dreifði sér. (-Til að stækka myndir smellið á þær og svo aftur.)

Þegar slökkvistarfi lauk kom í ljós að gólfin sem voru byggð með gamla laginu með múrstenum voru við að hrynja eftir brunann. Það sést vel á einni myndanna.

Enginn lést í þessum bruna en 17 manns voru laðgir á sjúkrahús með grun um reykeitrun, þar af einn slökkviliðsmaður.

Ég er nokkuð viss að enginn annar var í aðstöðu til að taka boðlegar myndir af eldinum á meðan hann var enn að dreifa úr sér, og mér hefur fundist síðan þetta var að aðrir þyrfti að geta séð hvernig eldurinn dreifðist í þessum bruna á örfáum mínútum með sóltjöldum og sundfötum á svalasnúrum, og hvernig að brunavörnum er staðið í háhýsaborginni Benidorm. Slökkviliðsmennirnir stóðu sig frábærlega en aðstaða þeirra bæði hvað varðar  aðgengi að svalahlið hússins sem var ekkert og tækjabúnaður virtist í engu samræmi við verkefnið.
Ef ég færi eftur til Benidorm myndi ég því velja mér hótel sem örugglega væri byggt á seinni árum og hefði ekki sóltjöld framaf svölum.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Fjórar myndir í röð hér sem þegar betur er að gáð má sjá að eru allar af sama stað á húsinu og eins klipptar, sýna þróun frá því glóð berst á milli með sóltjöldum þar til meira en klukkutíma seinna að slökkviliðsmaður  er kominn í gegn  en þá er íbúðin fyrir ofan alelda.

Mikið að gera hjá Slökkviliði höfuðborgarsvæðisins í kvöld

Athugasemdir

[Kristján P. Gudmundsson, 7.4.2007 kl. 05:06]

Helgi Jóhann, ég hefi áhuga á Spáni m.a. Ég kom fyrst þangað 1969, reyndar á Kanarí. Ég er ekki fróður um byggingar húsa nema ég starfaði í byggingarvinnu á mámsárum mínum í Reykavík og víðar, en mér blöskraði, þegar ég sá byggingu margra hæða hótela á Ensku Ströndinni á þessum árum. Flest þessarra hótela eru enn í notkun!

Hafðu þökk fyrir myndbirtingar þinar. Gleðilega Páska.

Með kveðju frá Siglufirði, KPG.

[Ólafur Þórðarson, 8.4.2007 kl. 04:25]

Man eftir þessum myndum.

Er þetta þá ekki byggt á FRANCO árunum? Spánverjar höfðu það ekkert voða gott peningalega séð, er það? Eðlilegt að byggingar séu hrákasmíð við lítinn fjárhag.

Það er áhugavert að sóltjöldin beri eldinn svona. Hér í USA er notast við spandrel panels til að hefta hægja á elddreifingu milli hæða. Þar sem spandrel panell er ekki til staðar verður glerið að standast ákveðin eldvarnarpróf.