Flottur leiðari Moggans í morgun - Grunnplagg um kosningarnar

Leiðari Moggans í morgun er frá mínum bæjardyrum séð grundvallarplagg um þær kosningar sem fóru fram í Hafnarfirði á Laugardaginn. Þar er af mikilli þekkingu, yfirsýn og raunsæi tekið á kjarna málsins, sem auðvitað er kosningin sjálf og tímamót til lýðræðis fremur en niðurstaðan.

Eitt verða allir að átta sig á en það er að fullkomið "lýðræði" er markgildi sem við stefnum á en náum aldrei. - En aðeins með því að vinna látlaust að því að ná því viðhöldum við því lýðræði sem við búum við um leið og við vonandi nálgumst einnig markmiðið. - Gallar þeirra lýðræðisferla sem við búum við eru oft hrópandi, fulltrúalýðræði er aðeins staðgengill beins lýðræðis þegar það er ekki raunhæft eða mögulegt, peningar, upplýsingaflæði og aðgagnur að  fjölmiðlum mótar svo alltaf niðurstöðu þeirra tækja sem við notumst við í lýðræðislegum ferlum, en gallana megum við aldrei nota sem rök fyrir því að snúa við og hætta að feta okkur nær markgildinu.

Mogginn segir m.a.:

"Frá sjónarhóli Morgunblaðsins, sem um áratugar skeið hefur barizt fyrir því, að fólkið sjálft taki ákvarðanir um veigamestu mál í atkvæðagreiðslum, er kosningin í Hafnarfirði merkur viðburður, sem markar ákveðin þáttaskil"

Sjá leiðarnn hér .

Athugasemdir

[J. Einar Valur Bjarnason Maack , 3.4.2007 kl. 14:20]

"...sem um áratugar skeið hefur barizt fyrir því, að fólkið sjálft taki ákvarðanir um veigamestu mál í atkvæðagreiðslum..."

Mikið rétt, síðan 1997... ekki bar mikið á löngun MBL til þjóðaratkvæðagreiðslu þegar við gengum í NATO í den... reyndar ekki heldur þegar kom að Íraksstríðinu og stuðningi Íslands við það...

Ef mér skjátlast ekki þá var það ekki 1997, þannig að við erum að tala um minna en áratug, en ekki heilan áratug eins og hér er gefið í skyn...