Lögreglan úðaði á fólk með hendur upp í loft á leið í burtu

Hér má sjá myndir mínar frá atburðum við Hótel Borg. Hér sést vel að fólk er með hendur upp í loft og á leið í burtu þegar 14 sekúndum seinna allt pipar-úðasettið er komið á loft. - Fólkið komst ekki greitt í burtu þar sem sundið er þröngt og þeir sem þar voru tepptu það, auk þess sem lögreglan lokaði sjálf annarri undankomuleiðinni - fyrir ráðamenn.

Sjálfur reyndi ég að benda lögrelgu á að ef hún ætlaði að rýma svæðið yrðu undankomuleiðir að vera opnar og greiðar á meðan.

Ég sá ekki að mótmælendur beittu annað fólk ofbeldi, hvorki sjálfskipaða löggæslumenn Stöðvar2 sem réðust á mótmælendur (sjá video á visir.is) og reyndu með handalögmálum að stöðva skarann sem þrýsti allur Þeim fremstu á undan sér, né þá sem gegna með réttu því vandasama starfi að vera löggæslumenn við þessar erfiðu aðstæður. - Ég saknaði reyndar Geir Jóns - hann kann á fólk.

- Þvert á móti virtist fólkið staðráðið í að greina skýrt á milli þess að það opnaði dyr og hlið og tók á „hlutum“ og svo þess að það legði ekki hendur á annað „fólk“.  Einu sinni sá ég mold úr blómabeði vera fleygt úr fjarlægð í lögreglumenn - og náði mynd af því - en sá aldrei neinu verra en mold fleygt - Hafi einhver hent grjóti er það ekki í takt við þær línur sem ég sá mótmælendur draga svo skýrt sem þeir gátu, og af því sem ég sá langlíklegast að um væri að ræða aðvífandi skeyti úr fjarlægð á meðan á árás lögreglu stóð, ef þetta er rétt - sem væri afleitt.

Sprengingar glumdu eins og endranær á gamlársdag en ég varð ekki var við neinar sem í reynd ógnuðu Hótel Borg, gestum staðarins eða lögreglu í sundinu. - Ég efast þó ekki um að Sigmundur Ernir hefur verið hræddur inni við hvellina og lætin útifyrir.

- Og sumir lögreglumennirnir hafi orðið óttaslegnir þegar fólkið söng fingravísuna í kór - enda kom gasið í beinu framhaldi af vísunni .. um vísifingur og löngutöng .. hvar ert þú .. hér er ég, hér er ég, góðan daginn, daginn, daginn, ...

Mótmælendur settust niður þegar þeir komust inní Hótel Borg og þeir settust aftur úti þegar réttmæt lögregla hafði vísað þeim út. Kokkar Hótel Borgar og tæknimenn Stöðvar2 sem beita fólk ofbeldi (sjá myndband á Visir.is) er alveg jafn rangstætt um ofbeldi sitt og hver annar sem beitir fólk ofbeldi, sérstaklega þar sem lögregla var til staðar til að verja ráðmenn ef um það væri að ræða.

Upptökumenn og ljósmyndarar hafa óáreittir verið innan um mótmælendur alla tíð og það var ekki öðruvísi nú. Mótmælendur komust ekki í tæri við nema snúrur upptökutækjanna svo mig undrar hvernig þeir eiga að hafa eyðilagt tæki fyrir mikla peninga eins og Sigmundur Ernir ásakar þá um, mikilvægt að hann upplýsi það hvaða tjóni þeir urðu fyrir og hvernig það atvikaðist. - Er ekki undarlegt að fréttamaður sem svo aumlega barmar sér sýni okkur ekki sjálft milljónatjónið og hvernig það atvikaðist?

Sjá einnig myndband visir.is og mbl.is

---

Nafn myndanna minna er tímasetning þeirra. Efsta myndin hér fyrir neðan er: mynd_2008-12-31_14-39-00, sem merkir að samkvæmt klukku myndavélarinnar var hún tekin kl 14:39:00 þann 31. des 2008.

Það merkir að  fjórum mínútum áður en lögreglan úðar fólkið er það að syngja fingrasönginn í kór:

„vísifingur, vísifingur .. hvar ert þú .. hér er ég, hér er ég, góðan daginn, daginn, daginn, ... “

Næstu 4 myndir sýna fólk rétta upp hendur og snúa sér út sundið eftir aðvörun lögreglu, en kemst ekki hratt vegna þeirra sem utar eru,  - í kjölfarið kemur árás lögreglu í bakið á fólkinu.

Næstu fjórar myndir eru teknar frá 14:42:54 til 14:43:21 þ.e. á aðeins 27 sekúndna tímabili og  sýna viðbrögð fólksins við aðvörun lögreglunnar og skipun um að fara, fólkið réttir upp hendur, snýr sér undan og eftir því sem sundið og múgurinn leyfir mjakast það í burtu .. en þá á mynd tekin 14 sekúndum  seinna kl 14:43:35 stendur yfir árás lögreglunnar með úða - ekki geta það kallast  varnaraðgerð þegar fólk er á leið í burt með hendur upp í loft.

Hér eru aðeins 14 sekúndur milli þessara mynda hér næst fyrir ofan  þar sem fólk er með uppréttar hendur á leið í burtu, og þessarar næst fyrir neðan þar sem lögregla hefur þegar gefið góðan úða yfir allan hópinn úr mörgum brúsum á lofti.

Hvað sem fólki finnst um aðgerðir mótmælenda þá er skrítið hvernig lögregla beitir „varnarúðanum“ í bakið á fólki með uppréttar hendur, - og í miklu magni við mjög þröngar og tepptar undankomuleiðir, þeir sem næstir eru lögreglu og verða fyrir úðanum komast ekki undan fyrir mannfjöldanum og þrengslunum. 

 

Sjá fleiri myndir - smella hér

Sjá fleiri myndir - smella hér

Gas Gas Gas á gamlársdag

Athugasemdir

[Anna Einarsdóttir, 1.1.2009 kl. 11:37]

Það er ógnvænlegt hvernig lögregla bregst við.  Mér líst ekki á framhaldið eftir að þeir hafa sýnt ítrekað á árinu hvernig þeir virðast "njóta" þess að úða yfir almenning.   

Burt með Björn, burt með Björn ! 

[Isis, 1.1.2009 kl. 11:37]

Takk fyrir góðan pistil... það er gott að það eru þó einhverjir sem vilja sýna fram á sannleikan.

Gleðilegt ár

[Jenný Anna Baldursdóttir, 1.1.2009 kl. 11:56]

Takk kærlega.  Ég tek mér það bessaleyfi að hlekkja á þennan pistil.

[Óskar Þorkelsson, 1.1.2009 kl. 12:12]

Þessar myndir segja meira en 1000 orð. Takk fyrir þessar upplýsingar Helgi jóhann. Þetta er líka í samræmi við það sem aðrir hafa sagt sem voru á staðnum, Heidi, lára Hanna, Egill og fleiri.. ofbeldið var lögreglumeginn og stöðvar 2 megin.

Ég vil fá að linka þetta inn á mitt blogg Helgi. 

[Charlotta R. M., 1.1.2009 kl. 12:28]

Takk fyrir þetta, það þarf að sýna það sanna.

[Ingibjörg Hinriksdóttir, 1.1.2009 kl. 12:48]

Takk fyrir þetta Helgi, sammála Óskari að þessar myndir segja meira en 1000 orð.

Það sem veldur mér áhyggjum er að fjölmiðlarnir virðast standa saman um að ofbeldið hafi aðeins komið frá mótmælendum. Ekki frekar en þú þá réttlæti ég ekki eignaspjöll, þau eru óréttlætanleg. Í einhverju myndbandi, líklega á visir.is, sé ég að einhverju er kastað í starfsmann hótelsins eða Stöðvar 2 þegar mótmælendur eru inni í húsinu. Ég var ekki á staðnum, en ef ég væri að vinna á Borginni og væri að koma í veg fyrir að óboðnir gestir kæmu inní húsið þá yrði ég ekki kát með að verða fyrir aðkasti hvorki í orði né verki, hvort sem það er egg eða eitthvað annað.  Hér er ég alls ekki að réttlæta það sem gerðist í framhaldinu, en allt á sér orsök og afleiðingu.  Hér er það afleiðingin sem er í engu samræmi vð orsökina, þar er ábyrgð lögreglunnar gríðarstór. Áhyggjur mínar beinast að því ofbeldi sem lögreglan beitti mótmælendur og ég óttast að þeirra gjörðir muni eiga sér afleiðingar sem ekkert okkar vill í raun sjá!

Gleðilegt ár annars Helgi minn og þakka þér fyrir þau gömlu.

[Benedikt Jónsson (IP-tala skráð) 1.1.2009 kl. 12:59]

Það fer mjög lítið fyrir friðsemd í þessum mótmælum, og ég skil ekki þann málflutning að reyna halda því fram, ef ég skil rétt þá var það tilgangur þessa mótmæla að stöðva útsendingu stöðvar 2, það tókst! og Ekki á friðsaman hátt! Og þetta tal um lögregluofbeldi er mikið notað í dag, ef ég hefði þurft að velja á milli liða þennan dag þá er alveg ljóst hvort´liðið ég hefði valið.  ég er orðinn mjög þreyttur á fólki sem talar fyrir hönd Íslensku þjóðarinnar. Annars er Eva Hauksdóttir alveg með það á hreinu hvað getur gerst við mótmæli á gráa svæðinu! "Fólk þarf að hafa á hreinu hvaða afleiðingar það getur haft að taka þátt í aðgerðum sem eru á gráu svæði gagnvart lögunum og að læra að bregðast rétt við afskiptum lögreglu, andstæðingum sem reyna að snapa fæting, harklegri gagnrýni og höfnun vina og ættingja. Aktivistar þurfa að læra að taka á eigin ótta og fordómum, þeir þurfa að læra á sérstakt fundakerfi og margt fleira."  Mér sýnist þetta hafa farið eftir bókinni.

[Ómar Ragnarsson, 1.1.2009 kl. 15:27]

Við Rauðavatn í vor voru teknar kvikmyndir sem gáfu góða mynd af því sem gerðist. Í stað þess að rannsaka þær og komast að hinu sanna um það sem gerðist, kallaði þingnefnd aðila á fund í nítjándu aldar stíl til munnlegra upplýsinga.

Ég fullyrði að önnur mynd hefði fengist af atburðum ef tæknigögnin hefðu verið notuð.

Á tækniöld er nauðsynlegt að nota fáanleg gögn til þess að upplýsa mál. Það er ekki gert og þess vegna er hluti upplýsinga um mál rangur. Þetta er ótækt.

[Kristmann (IP-tala skráð) 1.1.2009 kl. 16:13]

Það er furðuleg fullyrðing að um fullkomlega friðsöm mótmæli hafi verið að ræða þegar það sést í beinni útsendingu að verið er að vinna skemmdir á tækjum stöðvar 2

Gerir það þá að sjálfskipuðum löggæslumönnum að vilja verja eigur sinna vinnuveitenda?

Og svo er ég nokkuð viss um að þrif eftir fjöldamótmæli er ekki í starfslýsingu starfsmanna hótel borgar, hvað þá að varna slíkum lýð inngöngu á þeirra vinnustað

Það varð það öllum ljóst í gær að þessir mótmælendur eru EKKI rödd þjóðarinnar, því stærsti hluti hennar hegðar sér ekki svona

[Kristmann (IP-tala skráð) 1.1.2009 kl. 16:20]

Mótmælendur settust niður þegar þeir komust inní Hótel Borg og þeir settust aftur úti þegar réttmæt lögregla hafði vísað þeim út.

Afar athyglisverð fullyrðing... á hvaða lagagrundvelli byggir þú þá skoðun þína að mótmælendur séu í fullum rétti á að koma sér fyrir hvar svo sem þeir kjósa og vera þar þangað til lögreglan vísar þeim í burtu?

[Helgi Jóhann Hauksson, 1.1.2009 kl. 17:25]

Takk fyrir innlegg gott fólk,

Nei Kristmann, ég segi ekkert um að mótmælendur hafi verið í neinum beinum rétti, heldur hitt að það gerist hér margt og kjarni mótmælenda var merkilega agaður um ákveðnar skýrar markalínur. Ég get heldur ekki staðhæft að ég hafi séð allt. - En ég sá örugglega það sem myndirnar sýna.

[Hans Haraldsson (IP-tala skráð) 1.1.2009 kl. 17:42]

Kokkar Hótel Borgar og tæknimenn Stöðvar2 sem beita fólk ofbeldi (sjá myndband á Visir.is) er alveg jafn rangstætt um ofbeldi sitt og hver annar sem beitir fólk ofbeldi

Þetta er nú ljóta dellan hjá þér. Hvernig passa eiginlega dyraverðir á skemmtistöðum við þessar lögskýringar hjá þér?

Skríllinn ruddist inn á vinnusvæði starfsmanna Hótel Borgar og Stöðvar 2, svæði í einkaeign þar sem eru innanstokksmunir og tækjabúnaður. Stafsmenn höfðu allan rétt til þess að reyna að varna þeim inngöngu.

Hverslags hugsunarháttur er það menn hafa einhverskonar rétt til þess að vaða innum allt og yfir allt og alla ef þeir eru með mótmælaspjald?

[Theódór Norðkvist, 1.1.2009 kl. 18:18]

Sigmundur Ernir hefði átt að rjúfa útsendinguna fyrr. Hann ber ábyrgð á sínu starfsfólki og var að stofna þeim í hættu með því að halda þættinum áfram svona lengi.

[Rósa Aðalsteinsdóttir, 1.1.2009 kl. 20:15]

Christian Glitter by www.christianglitter.com

http://birgirsm.blog.is/blog/birgirsm/entry/758469/#comments

Kær kveðja/Rósa

[Helgi Jóhann Hauksson, 1.1.2009 kl. 20:52]

Takk Rósa fyrir frábæra sendingu.

Það er rétt Theodór að Stöð2 ber þarna talsverða ábyrgð, m.a. vegna þess að Visir.is og fleiri fjölmiðlar sögðu frá þessum fyrirhuguðum mótmælum daginn áður og að tilgangurinn væri að trufla spjall ráðamanna og helst að „stöðva leiksýninguna“ eins og það var kallað - og það var gert.

Það er fráleitt við þessar aðstæður að siga starfsfólki Hótel Borgar og Stöðvar2 á mótmælendur enda á það engan lögvarinn rétt til að beita aðra ofbeldi. Ekki síst þar sem lögreglan var til staðar en hélt sér til hlés og hindraði ekki för fólks. - Spurning hvort það hafi verið markmiðið að hleypa unga fólkinu svona langt til að réttlæta meiri hörku. - Þessi hópur sem fór fremstur gerir mjög skýran greinarmun á að ryðjast um dyr og hlið eða ráðast á fólk - og lögreglan veit það mjög vel, hún hlýtur að hafa fylgst a.m.k. jafn vel með og ég. - Lögreglan veit að fólki er ekki hætta búin af þessum þrönga hópi einum útaf fyrir sig.

- Þeir sem slást í för og þekkja ekki markalínur borgaralegrar óhlýðni og líkamlegs ofbeldis geta vafalaust sumir verið vanstilltir og varsamir. - Það er mesta hættan fyrir mótmælendur.

[Gunnar Helgi (IP-tala skráð) 1.1.2009 kl. 20:56]

Er ekki bara komið nóg? Hafið þið hugleitt að margir íslendingar vilja mótmælendur burt. Það er allanvega nóg að mótmæla bara á austurvelli og leyfa þeim sem nenna að vinna að gera það í friði.

[Helgi Jóhann Hauksson, 1.1.2009 kl. 21:04]

Sæll Gunnar

Margir mættu hugleiða hvað margir Íslendingar vildu - t.d. kosningar í vor.

[Einar Þór Strand, 1.1.2009 kl. 21:11]

Núna er komið nóg, réttur manna til mótmæla nær ekki nema að nefi næsta manns og þetta er farið úr böndunum.  Helgi ertu svo vitlaus að bera blak af fólki sem telur sig hafið yfir allt og alla og þurfa ekki að fara að leikreglum, heldur hafi það rétt til alls í nafni almennings?  Málið er að þetta fólk er ekki almenningur heldur ömurlegur skríll.  Það er komið nóg og vonandi verður tekið á þessum ofbeldisskríl og hann látinn finna fyrir eigin meðulum.

Helgi, í Kína til forna fengu menn senda silkisnöru þegar þeir sýndu slæma dómgreind, hér með sendi ég þér eina.

[Kristmann (IP-tala skráð) 1.1.2009 kl. 22:01]

Það er fráleitt við þessar aðstæður að siga starfsfólki Hótel Borgar og Stöðvar2 á mótmælendur enda á það engan lögvarinn rétt til að beita aðra ofbeldi.

Þeim var ekki sigað á einn eða neinn, þau voru þarna í fullum rétti að vernda eigur sinna vinnuveitenda, alveg á sama hátt og dyraverðir skemmtistaða gera slíkt hið sama... hvernig í ósköpunum færð þú það út að þau séu ekki í fullkomnum rétti til þess?

Það er hlægilegt að þú talir um rétt þeirra til að verja sig og eigur einkaaðila í sömu andrá og þú reynir að verja menn sem klárlega brutu lög með því að brjóta sér leið inn á svæði í einkaeign

Það fer mönnum aldrei vel að vitna í lög og reglur ef þeir þekkja ekki það sem þeir eru að vitna til

Starfsmenn hótel borgar og stöðvar 2 voru í fullkomnum rétti í öllu sem þeir gerðu í gær... það voru mótmælendur ekki

Þessi hópur sem fór fremstur gerir mjög skýran greinarmun á að ryðjast um dyr og hlið eða ráðast á fólk

Það er ekki í lagi að ryðjast inn um dyr eða hlið einkaaðila, það er jafn ólöglegt og að brjótast inn til nágranna þíns

Þessi skkýri greinarmunur hefur eitthvað verið óljós hjá þeim mótmælanda sem gaf starfsmanni s2 hnefahögg í andlitið.. og líka hjá þeim sem kastaði grjóthnullungi inn í hóp fólks og kjálkabraut með því lögregluþjón

Segð þú mér, heldur þú að þetta fólk sé að þessu í umboði almennings hér á landi?

[Helgi Jóhann Hauksson, 1.1.2009 kl. 22:04]

Kristmann, dyraveðri hafa mjög takmarkaða heimild til að beita ofbeldi en kokkar alls enga.

[Helgi Jóhann Hauksson, 1.1.2009 kl. 22:30]

Einar, Franska byltingin gaf þér málfrelsið og „þjóð“ inntak og stjórnkerfi lýðræðis gildi. - Það voru nú engin smá mótmæli.

Eftir að hafa orðið vitni að atburðum gærdagsins og séð viðtöl við Ara Edvald og viðbrögð Sigmundar Ernis og ISG finnst mér ekki spurning hvejir telji  sig hafna yfir allt og alla ef slíkir eru til - og það eru ekki mótmælendur.

Atburðarás gærdagsins er sett saman úr mörgum atvikum þar sem hugsanlegt er að aðilar úr báðum hliðum hafi í mismunandi köflum hlaupið á sig, og eins og uppá Norðlingaholti virðist hér sem utnaðkomandi skipun hafi verið gefin um beitingu „varnarúða“ og hann því notaður þegar engin slík hætta var frá þeim sem fyrir urðu, þ.e. þeir snéru baki í lögreglu með uppréttar hendur og voru á útleið, - á það bendi ég hér að myndir mínar sýna það vel.

Fréttaflutningur Stöðvar2, tal forstjóra stöðvarinnar um mótmælendur vegna taps á auglýsingatekjum, dramatísering Sigmundar Ernis sem sjálfur var ekki vitni að neinum atvikum en talaði dauðhræddur við áramóthvellina, hrópin og rúðbankið, og svo því miður tal Utanríkisráðherra er í engu samræmi við það sem menn vita að þarf til að sefa reiði heldur þvert á móti, kallar aðeins á meiri reiði þar sem fólkið sjálft heyrir yfurvöld og auðstéttina ætla því allt annað en það er og fólk sagt hafa gert allt annað en það gerði - því miður.

Ef maður horfir á atburði frá sjónarhóli róttæks ungs fólks sést vel í tali ISG og þessum atburðum í gær og umfjöllun Stöðvar2 hvernig „valdastéttin“ vanvirðir fullkomlega valdalausan almúgann og hefur í hótunum við hann, lýgur uppá hann og slítur úr samhengi - valdsherrarnir og yfirstéttin er samt nú sjálf dauðhrædd, reið og vanstillt fólk - ráðmenn eru sjálfir orðnir eins og þeir segja mótmælendur vera. - Nema ráðamenn fara með einkaleyfi til að beita ofbeldi á landsvæðinu Íslandi - það gerir vanstillta og hrædda valdsherrana því hættulegri en mótmælendur.

- Frásagnir fréttastofu Stöðvar2, Sigmundar Ernis og Ara Edvald eru kapítuli útaf fyrir sig sem sýnir að sú fréttastofa er aðeins PR-stofa fyrir „sitt fólk“ og sína hagsmuni. - Hvaða miljóna tjóni á tækjum ollu t.d. mótmælendur - af hverju skyldi fréttastofan ekki sýna slík ummerki? - eða hvernig það atvikaðist? - enn er það ekki skýrt og því á meðan ekki annað en áróður úr Sigmundi Erni. - Heyrði hann um milljóna tjón af missi auglýsingatekja en breytti því í tjón á tækjabúnaði? - Þetta verður að skýra.

[Kristmann (IP-tala skráð) 1.1.2009 kl. 22:31]

Helgi... dyraverðir hafa ekkert heimildir til þess að beita ofbeldi frekar en barþjónar, kokkar og uppvaskarar - það eina sem þeir hafa umfram vinnufélaga sína er að þeir fá trúlega áhættuálag ofan á sín laun

En allir þessir aðilar hafa rétt til þess að varða fólki inngöngu á sína vinnustaði svo lengi sem það er ekki gert í nafni einhvers sem brýtur í bága við t.d. jafnréttislög eða annað þvíumlíkt og svo lengi sem þeir beita ekki til þess meira harðræði en þeir sjálfir eru beittir.

Þú ert hér annaðhvort að misskilja lögin eða þá að þú veist einfaldlega ekki um hvað þú ert að tala..

Það er ekki undir neinum kringumstæðum í lagi að ryðja sér leið inn á einkaeign og taka á þeim sem reyna með lögmætum hætti að hindra það

Sem er nákvæmlega það sem mótmælendur gerðu í gær

[Helgi Jóhann Hauksson, 1.1.2009 kl. 22:37]

Sæll Kristmann. Ég hef aldrei réttlætt það eða sagt það í lagi að ryðja sér leið um lokaðar dyr enda finnst mér það ekki. Ég geri hinsvegar mikinn greinarmun á tjóni á dyrum og tjóni á fólki. - Og ég horfði á mótmæelndur gera mikinn mun á því einnig. - Ég réttlæti ekki aðgerðir mótmæelnda heldur dreg fram hvernig lögreglna beitir úrræðum sínum og ofbeldi - og undrast það svo vægt sé til orða tekið. Og vel að merkja þetta atvik átti sér stað fyrir utan húsið.

[Gísli Sigurðsson, 1.1.2009 kl. 22:43]

Ég vil meina að mistökin liggi fyrst og fremst í því að senda ekki þennan þátt annarsstaðar frá en frá Hóel Borg. Það var búið að boða til þessara aðgerða með nokkurra daga fyrirvara og vitað að þeir heitustu myndu mæta.

[Heiða B. Heiðars, 1.1.2009 kl. 22:50]

Takk Haukur... frábær pistill og myndir.

Var á staðnum og akkúrat svona var þetta.... hvað sem fjölmiðlamenn reyna svo að gera úr þessu

[Kristmann (IP-tala skráð) 1.1.2009 kl. 22:54]

http://visir.is/article/20081231/FRETTIR01/888977318

Á myndskeiðinu með þessari mynd sést greinilega hversu friðsöm þessi mótmæli voru

Þetta gerist inni Helgi, ekki úti - og mér er alveg nákvæmlega sama hvað þessi vanvitar sem þarna eru að verki fengu í augun á sér seinna meir... hefðu þeir brotist svona inn til mín þá hefðu ekki liðið margar sekúndur þar til ég væri búinn að tæma úr slökkvuitækinu mínu framan í þá.

Svo fannst mér alveg stórkostlegt að sjá eitt hirðfíflið að segja frá friðsömum mótmælum sínum á sama tíma og hann segir frá því að hann hafi tekið með sér lauk til að vinna gegn áhrifum piparúðans

Það er nefnilega ekki notaður piparúði á friðsama mótmælendur

Þú segir að mótmælendur geri greinarmun á tjóni á dyrum og fólki?  Hvernig útskýrir það hnefahögg og önnur meiðsl sem starfsfólk varð fyrir þarna? Og hvernig útskýrir það kjálkabrot lögreglumanns?

Þessir menn urðu sjálfum sér.. og því miður okkur hinum sem höfum verið að mótmæla síðustu vikur til skammar... og gerðu ekkert annað en að færa þeim sem verið er að mótmæla vopn í hendur, því um leið og mótmælendur breytast í ofbeldisfullan skríl þá missa þeir trúverðugleik og að ég tali nú ekki um stuðning almennra borgara

[Magnús Helgi Björgvinsson, 2.1.2009 kl. 00:04]

Þú gerir þér væntanlega ljóst að fólk mætti þarna með  lauk og sítónu sem og mjólk til að nota gegn áhrifum táragas. Sem bendir til þess að þau ætluðu í læti. Þau ruddust inn í húsið og voru komin að salnum þar sem stjórnmálamennirnir voru. Þetta hús er ekki almenningseign heldur fyrirtæki í fullum rekstri með hótelgestum í hundraðatali. Í frétta á stöð 2 í kvöld sést hvar maður er að reyna að opna glugga með engum smá hníf. Þannig að þarna var vopnað fólk. Eins þá henti fólk múrsteinum að lögreglu.

Ég hefði kosið að lögreglan hefði komið fyrr og leyst þetta upp. 

Þarna var líka lögfræðinemi sem hélt ræðu á Austurvelli og hótaði að bera ráðamenn út úr húsum og þaðan af verra.

Verður að afsaka að á þessu fólki verður að taka áður en það veldur óafturkræfu slysi.

[Arnór Valdimarsson (IP-tala skráð) 2.1.2009 kl. 00:07]

Helgi Þetta sem skeði inni á Hótel Borg voru ekki mótmæli heldur skrílslæti!

Það er sorglegt að mótmæli gegn stjórnvöldum skuli snúast upp í húsbrot og glæpamennsku gegn þegnum sem sitja alveg eins í súpunni og aðrir.

Það gera starfsmenn Hótelsins sannarlega og sömuleiðis Stöðvar2. Og ef óður skríll sem brýtur og bramlar hluti ryðst inn á vinnustað þess, eru þeir í fullum rétti að varna skrílnum inngöngu. Þó ekki væri nema sjálfum sér til varnar. Þetta er hótel, fullt af erlendum og innlendum gestum, og þessi skríll var með vasa fulla af flugeldum, hnífum og öðru. Fullkomið ábyrgðaleysi. 

Það hlýtur að vera æskilegra fyrir mótmælendur alla, að hafa fjölmiðla með sér en ekki á móti. Og að skemma búnað þeirra og tæki takmarkar getu þeirra og vilja í framtíðinni til að fjalla hlutlaust um mótmæli. Gleymum ekki því að ef ekki hefðu fjölmiðlar verið við önnur mótmæli eins og við Norðlingabraut værum við ansi berskjölduð fyrir Lögreglu og stjórnvöldum. Fjölmiðlar eru okkar öryggisventlar. Virðum það og vinnum með þeim til að fella rotin stjórnvöld. 

Þeir sem vilja róttæk mótmæli ættu alla vega að hafa vit og þor að beina þeim beint á þær persónur sem eiga það skilið. Farið frekar í Stjórnarráðið eða Ráðherrabústaðinn. Eða sækið Ráðherra heim. Það er bara að skemmta skrattanum að draga aðra þegna í ykkar mótmæli með valdi.

[Eyjólfur (IP-tala skráð) 2.1.2009 kl. 00:35]

Þessi fyrirlitlegi skríll talar ekki mínu máli.

Hvernig ættum við að búa saman í samfélagi ef allir ynnu skoðunum sínum brautargengi með þessum hætti? Flestir eru jú væntanlega á því að þeirra skoðanir og gildi séu réttari en annarra.

Ps. það er merkilegt hversu mörgum tókst að fá gusu í andlit/augu, snúandi baki í lögguna... :)

[Unnsteinn (IP-tala skráð) 2.1.2009 kl. 01:01]

Jú mikið rétt eitthverjir mættu með sítrónur og lauk, einn eða tveir.  Löggan mætti með sjúkrabíla með sér.  Var búið að ákveða það fyrir fram að það ætti að nota piparúða á fjöldann?

Á lögreglan ekki að reyna að tala fólk til áður en það beitir þessum úða?  Er í lagi að spreyja á fólk sem er að reyna að forða sér í burtu?  Er í lagi að ráðast á sitjandi fólk?

Geir Jón er greinilega eina löggan í borginni sem kann að höndla svona mál. Friðsamlega!  

Að ein snúra hafi skemmst er alveg svakalegt mál.

Ég man þegar skyrslettumálið var á Álráðstefnunni um árið.  Þar var talað um margra milljóna tjóna á teppi og tækjum.  Fólk var handtekið og kom fyrir rétti.  Þegar beðið var svo um upplýsingar frá Hótelinu um skemmdirnar og hverssu margar millur ætti að rukka handteknu fyrir. Komu engar upplýsingar og enginn borgaði neitt.  

 Vísir er auðvitað nú að senda út allskonar frétt, vegna þess að þeir misstu tekjur af auglýsingum vegna þess að útsendingu var rofið.  

Allt í einu varð Kryddsíldin vinsælasti þáttur Íslands og greinilegt að allir voru komnir saman heima hjá sér með popp og kók til að horfa á stjórnmálafólkið hampa sér og hverssu frábær þau öll saman eru. 

Ég líð ekki ofbeldi!  Ekki frá mótmælendum og ekki frá lögreglumönnum.  En mikið andlegt ofbeldi á sér stað hér á landi, enginn hefur enn tekið á sig ábyrgð, ekki er búið að boða til kosninga, ekki sýnist mér að ríkisstjórnin ætli að gera neitt til að forðast enn fleirri uppsagnir.  Hvenær ætla þau að fara að hypja upp um sig brækurnar? Maður spyr sig?  Kannski eins og þau "björguðu" námsmönnum erlendis, 3 mánuðum of seint og alveg þessum 7! Það er bara komið nóg af þessum skrílslátum í pólítíkusunum.

Það eru allir svo hneykslaðir yfir þessum rosalegu "aktivistum" við skulum bara vera fegin að þetta er enn á friðsömunótunum. Já á friðsömunótunum. Það er ekki langt síðan að það brutust út mjög alvarleg átök í Köben, þar sem allt varð vitlaust, horfið til Aþenu, mótmælin eru mjög friðsamleg og yfirveguð.

Annars vil ég segja það að við Íslendingar (ekki þjóðinn hennar ISG, veit ekki alveg hverjir eru hennar þjóð) förum að reyna að breyta til sjálf, búum til og byggjum saman betra samfélag, hættum að hlusta á þetta hyski á þingi og tökum höndum saman og reynum að vinna saman að Nýju og betra Íslandi, með bjartsýni að vopni, við getum allt.  Það er nefninlega greinilegt að það fólk sem ætti að vera að vinna í þessum málum er algjörlega vanhæft og ekki hægt að treysta þeim til eins né neins.

Yfir og út

[Gunnlaugur B Ólafsson, 2.1.2009 kl. 02:52]

Sæll Helgi

Ég er ósammála ofbeldistúlkun þinni. Þú segir dyraverði og starfsfólk Stöðvar 2 hafa farið í hlutverk sjálfskipaðra lögreglumanna og beitt mótmælendur ofbeldi. Þarna var hópur fólks sem ruddist inn á vinnustað og húsnæði í einkaeign. Það er ofbeldið. Fólk sem er öskrandi með löngu töng á lofti, sumt grímuklætt og ryðst áfram er ekki neinn bekkur úr biblíuskóla. Starfsfólk sem var þar að störfum reyndi eðlilega að verja sitt athafnasvæði. Sammála þér hinsvegar að lögreglan gekk of harkalega fram eftir að fólkið hafði snúið við eftir viðvörun.

Þú setur þetta í samhengi við baráttu fyrir mannréttindum, eins og til dæmis tjáningarfrelsi. En í slíkar byltingaraðgerðir var farið af fólki sem hafði llifað við aðstæður kúgunar, hafði ekki mat eða helstu nauðsynjar sem við skilgreinum sem forsendur þess að vera manneskja. Það eru orðnir fjölmennir hópar fólks sem hafa misst vinnuna og húsnæðið á síðustu mánuðum. En þú veist það jafnvel og ég að það var ekki þetta fólk sem mætti öskrandi niður við Hótel Borg. Það voru líka margir sem þurftu á stuðningi frá Hjálparstofnun kirkjunnar og Mæðrastyrksnefnd að halda fyrir þessar hátíðir. En þú veist það jafnvel og ég að þeir voru ekki mættir með löngutöng á lofti fyrir utan Hótel Borg.

Þetta fólk sem að þarna mætti hefur (trúi ég) aldrei liðið neitt nema huglægan skort. Eigin skort. Það finnur þarna útrás fyrir pirring, vanmetakennd, óöryggi, fíkn, spennu, streitu. Það er vissulega þörf fyrir róttækt endurmat og því ber að fagna að rétti tíminn til þess er núna. Við eigum sem þjóð meira en nóg af allskyns veraldlegu góssi. Um 3000 íbúðir standa tómar, bílasölurnar eru yfirfullar. Við gætum lifað góðu lífi árum saman með því að láta nágranna og samlanda fá hluti sem við erum hætt að nota. Barnaföt, húsgögn, reiðhjól, tölvur, síma o.s.frv.

Bankakreppa innleiðir ekki skort í landi sem er stútfullt af öllu sem að fæst fyrir peninga. Nú er runninn upp tími til að vinna úr tilfinningalegum, hugmyndatengdum, siðferðislegum og andlegum skorti. Við höfum fulla möguleika á því að haga málum þannig að við séum öll í sönnu ríkidæmi en hettugengi miðborgarinnar mun ekki leiða okkur að slíkum þroska eða góðri tilveru. Mbk, G

[Helgi Jóhann Hauksson, 2.1.2009 kl. 03:30]

Ef þú vilt Gunnlaugur þá er allur skortur huglægur og þar á meðal skortur á skorti.

Nei það er ekki svo að menn geti gripið til ofbeldis til að varna fólki inngöngu þó ólögleg sé.

Sjálfur var ég kennari á heimavistarskóla á sínum tíma með umsjón með heimavistinni. - Heimildaleysi okkar kennaranna og umsjónarmannanna til að „snerta“ nemendur sem ekki létu segjast t.d. að taka í öxl á þeim sem ekki hlýddi og færar milli herbergja, er svo algert að í reynd þyrfti að kalla til lögreglu í hvert sinn sem eitthvað bjátar á þó höfðum við ákveðna umsjón með unglingunum. - Hvað þá að þú getir sigað verkamönnum þínum á mótmælendur sem ekki láta segjast.

Sama á við um alla aðra. Hvorki þú eða aðrir geta beitt fólk ofbeldi til að koma fram vilja sínum - og það gildir í báðar áttir.

Gunnlaugur þú getur ekki beitt virku ofbeldi til að varna manni inngöng á vinnustað þinn - þú verður að kalla til lögreglu.

Hitt er svo annað mál - hversvegna var ekki lögregla þarna fyrir innan dyrnar? - hversvegna sigaði Stöð2 kokkum og tæknimönnum á mótmælendur.

Ég hef myndað nokkuð af þessum mótmælum og veitt því athygli að mótmælendur láta lögregluna stöðva sig - þeir slást ekki við lögregluna að eigin frumkvæði.

Sjá myndbönd hér.

[Gunnlaugur B Ólafsson, 2.1.2009 kl. 03:56]

Helgi, það tekur enginn réttinn af fólki að verja sig þegar mörkum þess er ógnað líkamlega, það á við um starfsfólk Hótels Borgar og Stöðvar 2.

Eiga mótmælendur ekki að kalla til lögreglu og láta fara yfir spillingu og afglöp. Mega þeir vaða svona fram eins og einhverjir rétthafar sannleika eða þjóðarinnar? Af því að þú segir "það gildir í báðar áttir".

Mér finnst allt of margir meðvirkir með þessu hettugengi. Þetta er einfaldlega dýrlseg hegðun, sem er án nokkurs markmiðs, líklegs árangurs eða niðurstöðu. Hvetur til sundurlyndis og upplausnar.

Tilfinning eða upplifun á skorti er banvæn. Það sýndi nýsjálensk rannsókn þar sem fólk var beðið um að fylla út í "skortskala". Tuttugu árum síðar var dánartíðni þeirra sem skoruðu hátt á kvarðanum mun hærri heldur en þeirra sem upplifðu lítinn skort. Það sem meira var þessi tilfinning var óháð hefðbundnum veraldlegum viðmiðum.

Heldurðu ekki að það sé tilraunarinnar virði að fá þessa með hetturnar til að opna "hjartastöðina" aðeins betur? Eða útskýra aðeins betur hvernig og hverju þeir vilja breyta? Ekki bara "focking fock ..."

Góða nótt (nú verður maður að fara að rétta sig af í sólarhringnum) 

[Helgi Jóhann Hauksson, 2.1.2009 kl. 04:36]

Gunnlaugur, ég get alveg sagt þér hvað ég vildi - og það væri að Innhverf íhugun (TM) og Jóga væri tekið upp sem val við alla skóla á öllum skólastigum - fyrir bæði nemendur og kennara. - Ég sé þó ekki fram á að neinn ansi því nú ferkar en undangengna árartugi.

- Ég myndi vilja að við gætum leyst þetta allt átakalaust, - en þessi pistill fjallar ekki um minn vilja heldur hvað gerðist og hvað myndir mínar sýna - og hvernig valdi er framfylgt og beitt á Íslandi í dag - og jafnvel um að Stöð2 hafi ætlað að nýta sér mótmælendur til að auka áhorf í stað þess að skapa tryggt umhverfi fyrir útsendingu þáttarins þó ljóst hafi verið í tvo daga að þessi mótmæli yrðu og markmið þeirra væri að trufla þáttinn.

[Helgi Jóhann Hauksson, 2.1.2009 kl. 05:03]

Góður pistill Unnsteinn.

Það merkir ekki neinskonar stuðning við ofbeldi að gagnrýna lögregluofbeldi. Þarna var margt athugavert í gangi t.d. það hversvegna það voru ekki lögreglumenn sem mættu fólkinu þegar það opnaði hliðardyrnar heldur  tæknimenn og kokkar - Svo fer allur fréttaflutningur Stöðvar2 í að óhreinka mótmælendur til að réttlæta sitt eigið tómlæti um að tryggja vettvang.

-Fréttir voru fluttar af þessum áformum 2 dögum fyrirfram - og að markmiðið væri að trufla eða stöðva þáttinn, -  Hversvegna kaus Stöð2 að láta sem ekkert væri. - Átti að nota mótmælin til að auka áhorfið í stað þess að tryggja vettvang, - en svo bara tóku mótmælendur kapalinn í sundur og þá fuku auglýsingarnar út í buskann. 

-

Þetta er stóra spurningin sem Stöð2 verður að svara, ætlaði Stöð2 að hagnast á mótmælunum með auknu áhorfi? - eða hvað voru þeir að hugsa?

[Gunnar L. (IP-tala skráð) 2.1.2009 kl. 08:21]

Já Helgi, það er ótrúlegt að mörgum skuli enn ekki einu sinni detta í hug að fjölmiðlarnir geti mögulega verið annað en hlutlausir, meira að segja þegar þeir eiga STÓRAN hlut að máli sjálfir, og þrátt fyrir að hafa hver á fætur öðrum orðið uppvísir að hreinum og klárum lygum að undanförnu!

En það er þó ánægjulegt að þeir virðast amk allir vera að sýna sín réttu andlit svo ekki verður um villst fyrir flest okkar, og öll okkar sem höfum viljað opna augun. Ég mæli þó með netmiðlunum Smugan.is, this.is/Nei. og Eyjan.is. Aftaka.is getur líka verið skemmtileg.

Sama hvað fjölmiðlarnir reyna að sverta þetta þá vitum við sem þar vorum stödd að þessi mótmælaaðgerð var ofboðslega vel heppnuð og æðislega flott, þrátt fyrir lögregluofbeldið og fyrir utan þetta grjót sem einhver einn sem missti stjórn á sér kastaði. Enginn beitti tæknimenn eða kokka ofbeldi, engir mótmælendur beittu hnefunum á nokkurn mann! 

Útsending á þessum viðbjóðslega snobbþætti á síðasta degi ársins 2008 hefði verið hrein og bein móðgun við alla landsmenn og ég vil þakka þeim fyrir sem stuðluðu að því að komið var í veg fyrir það!

Gleðilegt ár 2009!

[Birgitta Jónsdóttir, 2.1.2009 kl. 08:32]

Takk kærlega fyrir góða lýsingu á því sem gerðist við Borgina og þín góðu svör. Finnst síðasti punkturinn þinn afar mikilvægur og krefst svara við honum líkt og þú.

[Arnbjörg (IP-tala skráð) 2.1.2009 kl. 08:36]

"Það er vissulega þörf fyrir róttækt endurmat og því ber að fagna að rétti tíminn til þess er núna. Við eigum sem þjóð meira en nóg af allskyns veraldlegu góssi. Um 3000 íbúðir standa tómar, bílasölurnar eru yfirfullar. Við gætum lifað góðu lífi árum saman með því að láta nágranna og samlanda fá hluti sem við erum hætt að nota. Barnaföt, húsgögn, reiðhjól, tölvur, síma o.s.frv."

 ----

Gunnlaugur, þetta er akkúrat sumt af því sem mótmælendur vilja að landsmenn komist í skilning um og sjái, og líka þeir sem voru við hótel borg. Að við getum vel komist af, en ekki eins og landinu er stjórnað og gæðum er dreift. Ekki á meðan stjórnvöld komast upp með að láta mótmælendur og mótmælendur halda að þeir séu á móti hvor öðrum, þegar þeir vilja í grundvallaratriðum sömu hlutina, en eru ekki sammála um í hvers konar klæðnaði skal koma skilaboðunum á framfæri.

Ég er þess fullviss að þú hefur ekki verið þar sjálfur og fyrst þú hefur skoðun á hvað gerðist þar er það skoðun sem var mötuð ofan í þig! Mættu næst og vittu til, þetta er allt miklu fallegra en það virðist í gegnum linsu valdsins, þar á meðal "hettugengið"

[Gullvagninn (IP-tala skráð) 2.1.2009 kl. 09:18]

Takk fyrir, það er ljóst að almenningur verður sjálfur að sjá um fréttamennsku ef við viljum lesa eitthvað annað en áróður og lygar.

[Agnes Reynisdóttir (IP-tala skráð) 2.1.2009 kl. 10:40]

Takk fyrir þessa færslu Helgi, og myndirnar.

Það er gott að geta lesið lýsingar þeirra sem voru á staðnum og skoðað myndir og  þar sem ég var ekki á staðnum. ( því miður)

Það er fjölmiðlum til mikillar minnkunar hversu mikið þeir hafa ritstýrt , klippt til og hagrætt hlutunum í sínum fréttflutning  af málinu.

Og megnið af fólki gleypir það hrátt, því er nú verr og andskotans miður.

[Unnsteinn (IP-tala skráð) 2.1.2009 kl. 10:58]

Hér er mjög góð heimildarmynd um fjölmiðla. Fyrir þá sem vilja.

THE REVOLUTION WILL NOT BE TELEVISED

Nema hvað, það er ekki hægt að eyða endalausum tíma í að reyna að skýra fyrir sumum, hvernig lögreglan hagar sér, því það er víst þannig að löggan hefur alltaf rétt fyrir sér.  Tökum sem dæmi þegar þau reyndu að keyra niður mótmælenda niður fyrir austanfjall.  Kærðu hann svo fyrir að hafa skemmt bílinn.  Ef þið eruð svona dugleg að lesa mbl.is þá vitið þið hvernig það mál fór. 

En reynum nú að brosa og hætt að rífast, nú er þetta búið, kryddsíldina á að taka upp á huggulegum, "friðsamlegum" stað. 

Breytingin, byltingin verður að koma frá okkur, að innan frá.  Fólkið sem fékkjólagjafir frá bönkunum og orkufyrirtökjunum, (stjórnmálafólkið) er ekki lengur treystandi og þau ætla fyrst að tryggja að þeirra rassgat bjargist vel, áður en almenningur fær að finna fyrir nokkrum "björgunar aðgerðum"

2009 með Bjartsýni

[Hlynur T (IP-tala skráð) 2.1.2009 kl. 13:02]

Ég var á staðnum og ljósmyndaði atburðarásina og myndirnar má sjá hér.

Mér finnst lýsing Helga Jóhanns mjög trúverðug og lík minni upplifun af þessum mótmælaaðgerðum. Ég sá ekki þegar þeir fyrstu í hópi mótmælenda fóru inn á Hótel Borg, en af myndbandinu á visir.is og hennar Þóru á mbl.is urðu einhverjar stympingar á því augnabliki.

þegar eg kom í dyragættina var hópurinn ekki með neitt ofbeldi, heldur sat þar og lét í sér heyra, sem jafngildir ekki ofbeldi. Ég var kominn út í portið þegar lögreglan sprautaði piparúðanum yfir hópinn inni á hótelganginum og ég myndaði mótmælendurna og ljósmyndara flýja út í portið.

þegar búið var að rýma hótelið stóð hópurinn í portinu og margir voru reiðir vegna notkunar lögreglunnar á piparúðanum. Það voru gerð hróp að lögreglunni, en ég varð ekki vitni af ofbeldi mótmælenda. Ég gat ekki séð betur en að lögreglan bara missti þolinmæðina og færi skyndilega að sprauta piparúðanum yfir hópinn án mikils tilefnis í portinu. Þessi piparúði er mjög andstyggilegt efni og kvalarfullt að verða fyrir því. Lögreglan ætti aðeins að beita því ýtrustu neyð og til að verjast, en mér finnst lögreglan í þessu tilfelli hafa gengið of langt í notkun piparúðans.

Varðandi skemmdir á búnaði: ég sá skemmdir á kaplinum sem lá út í útsendingarbílinn, en ég vil fá nánari skýringar á öðrum skemmdum sem eiga að nema milljónum króna, s.s hvaða annar búnaður skemmdist og með hvaða hætti.

Það er ömurlegt að heyra að lögreglumaður hafi slasast og fullkomlega óverjandi að kasta grjóti inn í mannfjöldann. Mótmælendur verða að þekja mörkin. Mér finnst það er í lagi að vera fastur fyrir, hávær og valda truflun, því það er jú markmið kröftugra mótmæla, en því miður getur einn hættulegur heimskingi eyðilagt mjög fyrir málstað mótmælenda með grjótkasti eða ofbeldi.

[Helgi Jóhann Hauksson, 2.1.2009 kl. 14:11]

Takk fyrir innlegg - bæði þau sem málefnalega færa rök gegn mínum sjónarmiðum og ekki síður hin sem fylla í myndina eins og þeir sem voru á staðnum segja söguna. Það er merkilegt að allir sem voru á staðnum segja sinn part sögunnar í fullkomnu samræmi við það sem aðrir segja þó enginn einn hafi yfirsýn yfir allt sem gerðist.

Hlynur þakka þér þína viðbót og fyllingu í myndina. Ég hef einnig rætt við nokkra sem voru þarna og ég treysti vel og heildar myndin hefur ekki breyst við það - allir segja sögun í grundvallaratriðum eins hvar sem þeir voru staddir.

Enginn var vitni að beinu líkamlegu ofbeldi mótmælenda eða vísvitandi skemmdarverkum - nema að snúrur voru „aftengdar“, en aðgerðir lögreglu voru öfgafullar og ýktar, fólk var rifið upp þar sem það sat á gólfi og stétt og því hrint án þess að vera einfaldega beðið að færa sig. Það og piparúðanotkun á svæði þar sem eina rýmingarleiðin var þröngt sund og lögregla lokar hinni leiðinni (út á Lækjargötu) til að koma ráðamönnum þar strax í stað þess að láta þá bíða, gat orsakað lífshættulegan troðning og panik, - en lögreglan virtist skeytingalaus um allt slíkt.

- Fyrir almennan borgara sem verður vitni að slíku er það eitt útaf fyrir sig mjög alvarlegt og ámælisvert - hvað svo sem einstakir mótmælendur gerðu. Miklu alvarlegra en það sem ungir blóðheitir og ábyrgðalausir (án formlegarar  ábyrgðarstöðu) mótmælendur gera.

[Pétur (IP-tala skráð) 2.1.2009 kl. 15:40]

Ég er einn af þeim sem vill að kosningum verði flýtt og er mjög ósáttur við stjórnvöld. En fyrr mun ég verja stjórnvöld með kjafti og klóm en að leyfa stjórnlausum þann SKRÍL sem stóð fyrir uppákomunni inni á Hótel Borg, fá að ráða.

Síðan er málflutningurinn og öfugmælin hérna með ólíkindum. Starfsmenn meina grímuklæddum skríl inngöngu inn á vinnustað sinn og þá eru fyrir bragðið kallaðir sjálfskipaðir löggæslumenn sem beita ofbeldi!?!

Og þegar lögreglan margbiður fólk fyrst um að yfirgefa svæðið, hótar síðan táragasi mörgum sinnum og gefur lokaaðvörun og úðar síðan þannig að allir höfðu góðan tíma til að forða sér. Við hverju býst fólk? Er þetta fólk ekki með heila?

Ég er gjörsamlega búinn að fá mig fullsaddan af hálfvitum sem haga sér svona og koma óorði á mótmælendur.

[Isis, 2.1.2009 kl. 17:41]

Hvenær skildi það gerast á Íslandi að fólk segi "ég er búin að fá mig fullsaddan af lögreglum sem haga sér eins og hálfvitar" ? skildi það einhverntíman gerast?

Skildi það einhverntíman gerast á Íslandi að fólk horfi gagnrýnum augum á eitthvað og spyrji sig gagnrýninar  spurninga í staðinn fyrir að kokgleypa við öllu sem fjölmiðlar (sem nota bene báðir ganga erinda eigenda sinna í flestum tilvikum, á ekki bara við um mótmæli) matreiða ofan í þá?

Hvenær ætlar fólk að sjá þá sögufölsun sem þeir stunda? Eða bara yfirhöfuð að afla sér upplýsinga sjálft og sjá hlutina óritskoðaða?

...líklega aldrei, fyrst þetta stórslys fær okkur ekki til þess þá er ég afsakplega svartsýn á að nokkur skapaður hlutur breytist hérna.

[Helgi Jóhann Hauksson, 2.1.2009 kl. 17:53]

Pétur, þarna voru mótmælendur bæði „íslenska þjóðin“ og fólk en hvorki skríll né stjórnlaust, heldur þvert á móti merkilega agað í aðgerðum sínum og markmiðum.

Þetta var hinsvegar klukkutíma löng atburðarás sem hentað hefur Stöð2 að klippa og rangfæra ótrúlega - og með því gerir fréttastofa Stöðvar2 sig sjálfa að „skríl“. T.d. skemmdust engin tæki þó Sigmundur Ernir segði tæki hafa skemmst fyrir milljónir. Um þetta hef gengið úr skugga um sjálfur á Stöð2.

- Jafnvel lögreglan var óagaðri en mótmælendur og missti einfaldlega stjórn á sér í heild utan við Hótel Borg en mótmælendur gerðu það ekki.  - Er lögreglan þá ekki skríll? - Þeir einu sem ég sá beita fólk ofbeldi voru kokkar og tæknimenn, lögreglan og tveir hægri ofstopamenn utan við Hótel Borg sem vel að merkja Mogginn sýnir núna vel á Video-skoti sínu hér. 

[Arnór Valdimarsson (IP-tala skráð) 2.1.2009 kl. 18:07]

Já Pétur ég er sammála þér. Og ég er glaður að Helgi Jóhann er ekki að kenna mínum börnum, því hér er hann að kenna anarkiu.

Rangfærslur hér ofan eru nægar t.d. "Ég sá ekki að mótmælendur beittu annað fólk ofbeldi, hvorki sjálfskipaða löggæslumenn Stöðvar2 sem réðust á mótmælendur (sjá video á visir.is) og reyndu með handalögmálum að stöðva skarann sem þrýsti allur Þeim fremstu á undan sér"  

Þú hefur þá væntanlega ekki séð þegar skríllinn klifraði yfir lokað hlið að einkalóð og braut sér leið gegnum bakdyr Hótels sem var fullt af saklausu fólki? M.a. ferðamönnum með fjölskyldur og börn.

Fólk sem var klætt eins terroristar og með með jafnvel skotelda, blys og  hnífa að vopni, ryðjast áfram inn með ofbeldi og hnefa á lofti þrátt fyrir tilmæli starfsmanna? Kastandi lauslegum hlutum í starfsmenn?

Nei þetta fólk var í fullum rétti að verja sig og eigur hótelsins og stöðvar2. Skríllinn réðst á starfsmennina en ekki öfugt. Skríllinn braust inn og setti sig á lægra plan en stjórn þessarar þjóðar og útrásarþjófarnir. Lögreglan klúðraði sínum málum, hún var ekki á staðnum.

[Arnór Valdimarsson (IP-tala skráð) 2.1.2009 kl. 18:19]

 Helgi Jóhann þú sagðir:

 Kokkar Hótel Borgar og tæknimenn Stöðvar2 sem beita fólk ofbeldi (sjá myndband á Visir.is) er alveg jafn rangstætt um ofbeldi sitt og hver annar sem beitir fólk ofbeldi, sérstaklega þar sem lögregla var til staðar til að verja ráðmenn ef um það væri að ræða.

Þetta er alrangt því það tók lögreglu allavega 10min. að koma á svæðið. Lögreglan var ekki þar. Starfsmenn þurftu að hringja á Neyðarlínuna eftir þeim. Sem er skandall! Í ljósi þess að anarkistar í stórum hópi er að brjótast inn á Hótel fullt af fólki.

Þú ert að predika að fólk hafi fullan rétt til að gera húsbrot hér á landi. Og að fólk sem er að vinna sína vinnu sé ekki í rétti að stöðva það!

Ég er mest hissa á Lögreglunni að hafa ekki gert skildu sína, og handtaka alla þá sem fóru inn, og frömdu þetta húsbrot.

[Helgi Jóhann Hauksson, 2.1.2009 kl. 18:39]

Hvorki eigur eða fólk var í hættu ef völdum mótmælenda enda hefur nú komið í ljós að Sigmundur Ernir skrökvaði því að upptökutæki hefðu skemmst. - Það er mikilvægasta lexía öllum börnum „að segja satt“ - og eina leiðin til að þau læri hana er að fullorðna fólkið segi satt - hvort sem sannleikurinn er hentugur eða ekki.

Nei, kokkar og tæknimenn mega ekki beita fólk ofbeldi, sú lexía er jafnvel mikilvægari en að segja satt (ég réttlæti ekkert annað ofbeldi þó ég gagnrýni lögregluofbeldi) - og vel að merkja lögreglan var þarna þegar ég kom sem var áður en neitt gerðist og áður en neinn fór yfir hliðið. - Ég á myndir af lögreglu á 5 mótorhjólum á einni mynd við Hótelið/kirkjuna og það voru fyrstu myndirnar sem ég tók á staðnum, - áður en neitt annað gerðist.

[Arnór Valdimarsson (IP-tala skráð) 2.1.2009 kl. 19:23]

þarna voru mótmælendur bæði „íslenska þjóðin“ og fólk en hvorki skríll né stjórnlaust, heldur þvert á móti merkilega agað í aðgerðum sínum og markmiðum.

Helgi Jóhann. Þér getur ekki verið alvara?

Fannst þér þetta agaðar aðgerðir að brjótast inn í Hótel klædd eins og hryðjuverkamenn, með  blys, reykbombur og hnífa.

Og hver voru "Markmiðin"  brenna hótelið eða eitthvað verra?

Í guðana bænum einbeitið ykkur að því að mótmæla þar sem saklaus almenningur verður ekki fyrir ykkur. Og eignatjón hlÿst ekki af

[Arnór Valdimarsson (IP-tala skráð) 2.1.2009 kl. 19:33]

Þú segir Sigmund skrökva, en ég verð að telja þig skreytnari

Segðu nú satt, sást þú þegar  skríllinn braut sér leið inn. Og ef þú sást það tókstu myndir af því?

Og var lögreglan stödd í sundinu þá?

Eða var hún við kirkjuna handan við götuna að aðhafast ekkert?

[Arnór Valdimarsson (IP-tala skráð) 2.1.2009 kl. 19:40]

Hvorki eigur eða fólk var í hættu ef völdum mótmælenda enda hefur nú komið í ljós að Sigmundur Ernir skrökvaði

Hvernig hefði þér liðið sem Hótelgestur að horfa niður úr gluggum hótelsins. Með börn þín þér við hlið, á atgang hryðjuverkaklæddra manna að brjóta sér leið inn? Með blys í hönd og grýtandi öllu lauslegu.

Þér getur ekki verið alvara að verja svona anarkista. 

Over and out.

[Óskar Þorkelsson, 2.1.2009 kl. 20:15]

vælukjói ársins.. Arnór Valdimarsson

[Arnór Valdimarsson (IP-tala skráð) 2.1.2009 kl. 20:29]

Æi sorry Óskar, ekki vera sár en síðan þín var bara alls ekki orði á eiðandi.

[Tinna Gunnarsdóttir Gígja, 2.1.2009 kl. 21:18]

"Þú gerir þér væntanlega ljóst að fólk mætti þarna með  lauk og sítónu sem og mjólk til að nota gegn áhrifum táragas. Sem bendir til þess að þau ætluðu í læti."

Þú gerir þér grein fyrir því að löggan mætti með kylfur og táragas. Sem bendir til þess að hún ætlaði í læti.

Þú gerir þér grein fyrir því að mammaðín setti á sig öryggisbelti áður en hún ók af stað. Sem bendir til þess að hún hafi ætlað að klessa á. 

[Georg P Sveinbjörnsson, 2.1.2009 kl. 22:15]

Arnór stimplar sig vissulega sterklega inn sem vælukjói. Smáborgarar landsins sem láta taka sig í görn án þess að æmta né skræmta munu hnussa og hneysklast á fólkinu sem þorir að standa með sjálfu sér lengi enn....átti einhver von á öðru, sumir eru til í að kyssa vöndinn út í eitt og hneysklast um leið með helgislepjusvip á þeim sem berjast fyrir réttlæti og óspilltu samfélagi. Sumt fólk er einfaldlega minna í sniðum en annað og leggst hundflatt fyrir valdi að ofan við hvert tilefni.

[Jens Guðmundur Jensson, 3.1.2009 kl. 01:43]

Þakka þér fyrir.

Ég er sérstaklega ánægður með að ´maður í mínum aldurshópi skuli

styðja við bakið á æsku landsins. Mér blöskraði svo að ég skráði mig á bloggið, eingöngu út af þessari fréttamennsku stöðvar 2, annars er ég vanur að bölva í hljóði.

Skrifaði reyndar mitt fyrsta blog um þetta mál á jenje.blog.is

Stöndum með börnum okkar og barnabörnum, þau eru verðmætari en Ingibjörg Sólrún og Geir, og eiga það inni hjá okkur eftir allt sem við höfum látið viðgangast.

[Das Kapital (IP-tala skráð) 3.1.2009 kl. 02:00]

http://army.is/?prodcat=48

Bara smá hugmynd.

[Das Kapital (IP-tala skráð) 3.1.2009 kl. 02:07]

Finnst bara fyndið að engum hafi dottið þetta í hug!

[Das Kapital (IP-tala skráð) 3.1.2009 kl. 02:09]

Og btw ég er ekki hlyntur ofbeldi og sérstaklega ekki móti lögreglunni.

[Þór Jóhannesson, 3.1.2009 kl. 03:51]

Það er stórmerkilegt að úrtöluraddirnar hanga á einhverjum staðföstum hugmyndum sínum um hvað átti sér stað þarna og beita til þess ýmsum rökleysum - þegar Bloggarinn sjálfur var þarna á staðnum sem óháður blaðamaður með myndavélar og beint vitni af atburðarrásinni. Hann bendir á mikilvægasta atriðið af þeim öllum - að lögreglan beitti (ólöglegu) vopni á fólk sem sat og söng og svo elti hún fólkið og sprautaði því í andlit þeirra sem ekki komust undan. Þetta er bara ofbeldi og þetta ætla úrtöluraddirnar að réttlæta á þeim rökum að fólkið hafi ekki átt rétt á því að opna hurðina og setjast inn í ganginn á húsinu. Vissulega en er það virkilega það mikilvægasta í þessu öllu saman.

Með sömu rökum væri hægt að segja að ég hafi rétt á því berja mann í hausinn með kylfu sem brotist hefur inn til mín - þó hann hafi gefist upp og sitji á gólfinu með uppréttar hendur. Er það í lagi sem sagt?

Stundum er ég bara svo hissa á þessu fólki sem hér ver allt sem yfirvöld gera eða - láta lögreglun um að gera.

Mér finnst þessi umfjöllun hér að ofan vera svo hlutlaus og svo langbesta sem ég hef lesið af þessum atburðum að ég vona að maðurinn sem hana skrifar verði einhverntíma ritstjóri í framtíðinni því þá mun ég treysta því blaði eða fjölmiðli sem hann vinnur á - eitthvað sem ekki er hægt að segja un neinn fjölmiðil landsins í dag.

[Guðjón (IP-tala skráð) 3.1.2009 kl. 04:12]

Þetta er komið út fyrir allan þjófabálk.
Vinsamlegast hættið að tala um að þetta glæpahyski tali fyrir þjóðina!!!

Þjóðin velur sjálf! Þess vegna mætum við ekki á þessa glæpafundi, því við viljum alls ekki láta bendla okkur við ykkur.

Þið sem mætið á þessar samkomur talið eingöngu fyrir ykkur sjálf og enga aðra.

Íslenska þjóðin styður aldrei glæpamenn.

Virðið rétt þeirra sem ekki taka þátt í brjálæðinu.

[Hermann (IP-tala skráð) 3.1.2009 kl. 04:42]

Ég mun líklega seint mæta á mótmæli þar sem kreppan fer ekki illa með mig í augnablikinu, en ég held barasta að smá "chaos" geri ráðamönnum gott á þessum tímun en auðvitað á ekki að sjást í eld eða vopn(vasahníf) þar sem hópur manna mótmæla.Ástandið á íslandi er mun verra en því sem mótmælt hefur verið í Frakklandi,Rússlandi eða jafnvel grikklandi og þar er kveikt í bílum og hvaðeina!

[Þór Jóhannesson, 3.1.2009 kl. 04:52]

Góður puntur Hermann.

En þó þú sjálfur sitjir ekki í súpunni eru þá ekki neinir ástvinir þínir sem koma illi undan ógnaröldinni sem þú sérð e.t.v. að myndu hafa það mun betra ef spillingarvöldin færu frá og réttlát yfirvöld kæmust hér að sem m.a. myndu ekki skuldsetja þjóðina vegna glæpa óreiðumannanna og jafnvel fara fram á að þeir yrðu sóttir til saka og eignir þeirra gerðar upptækar?

[Hermann (IP-tala skráð) 3.1.2009 kl. 05:10]

Að sjalfsögðu er ég ósáttur með marga ráðherra og alþingismenn og mun ég setja mitt atkvæði í næstu kosningum annað en það fór seinast.Ósáttastur er ég með að stór félög og fyrirtæki hegðuðu sér líkt og Enron gerðu en fá ekki dóm á sig en eftir nokkur mómæli fannst mér þau engu breyta og vonast ég því bara eftir kosningum sem fyrst svo spiilingar-öflin geti tekið pokann sinn.

[Gunnar (IP-tala skráð) 3.1.2009 kl. 06:20]

Það verður að kjósa sem fyrst.

-

ISG og auðvaldið Ari Edvald birtu nú sitt rétta andlit  - óttann við fólkið og mannfyrirlitninguna og fullkomið virðingarleysi við sannleikann.

-

- Óttinn er stórhættulegur félagi valds og auðs.

-

Þetta fólk lýgur blygðunarlaust uppá mótmælendur og þjóðina af einskærri hræðslu og gaf í sjónvarpi lögreglu bein fyrirmæli um stóraukið lögregluofbeldi.

-

Svona fólk verður að hverfa frá völdum sínum strax - það er ekki þjóðin.  - Við verðum að fá að kjósa  STRAX svo þjóðin komist til valda!

-

- það verður að koma hræddu ofbeldisfólki eins og þarna talaði um munn ISG og Ara Edvald eins langt frá völdum og hægt er.

-

Ari Edvald og Ingibjörg Sólrún verða að víkja hvort úr sínum valdastól.

[Gullvagninn (IP-tala skráð) 3.1.2009 kl. 11:57]

Þakka þér aftur Helgi fyrir að flytja fréttir af þessum atburðum og þola árásir einhverra ofstækismanna sem gera aðsúg að þér og þínum starfsheiðri.  Ég vildi allavega gjarna  að þú værir kennari míns sonar.

Meðan ég man - piparúðinn er oftast kallaður "varnarúði" á síðum mbl og annarra miðla sem vilja stýra sannleikanum inn á "réttar" brautir.  Bara smá dæmi um hvernig hinn sterki hefur rétt fyrir sér.  Lesið komment Ómars Ragnarssonar hér að ofan.

[Kristín (IP-tala skráð) 3.1.2009 kl. 13:45]

Andstyggð , ef satt er .Og ég trúi þessu á lögregluna og Sigmund.

Hann er athyglissjúkur .

Hefur ekki oft verið sagt að ofbeldismennn , sæki í lögregluna ?

Nýlegt dæmi í USA .

[óli (IP-tala skráð) 3.1.2009 kl. 16:52]

þú ert ótrúlegur Helgi! Helduru virkilega að fólk sé ekki í rétti til að verja eigur sýnar? Ég get sagt Þér Það að ef Þú mundir reyna Þetta við mig og minn vinnustað mundi ég berja Þig sundur og saman og sofa vel á eftir!

[Þór Jóhannesson, 3.1.2009 kl. 17:53]

Það kemur ekki á óvart að nanlausir Sjálfstæðismenn hóti þér með ofbeldi Helgi þar sem við höfum nú fengið fordæmi frá þeim eldri og virtari í flokknum þagar bræðurnir gengu inn í hóp fólks sem vara að mótmæla spillingunni og reyndu allt hvað þeir gátu til þess að fá fólk til þess að slást við sig - hrintu t.d. konum um koll og réðust með hnefa á lofti gegn mönnum. En þeim varð ekki kápan úr því klæðinu því fólkið hafði ekki áhuga á ofbeldi eins og þeir. Sama á við um fólkið sem sat á rassinum - með handur uppi í loft - og vissi ekki fyrr en piparúðinn var komin framan í það!

Þetta er valdbeiting og úrtöluraddirnar (oftast nafnlausar að hætti fasisma) eru iðulega nafnlausar.

[Magnús H Traustason, 3.1.2009 kl. 19:18]

Skil ekki hvapð er að fólki. Týnið ykkur í að rífast innbyrðis um smávægilegar riskingar Þega ísland er gjaldþrota rotþró, spillingar og einkahagsmunapólitíkur..

[Þorður Ingi (IP-tala skráð) 3.1.2009 kl. 20:33]

Sa nokkur vidjo af þessu i dag a siðu Salvarar. Þetta folk var ekkert a leið ut og fekk alveg næga viðvörun. A myndböndunum ma m.a. heyra orðin "það er buið að segja gas" og motmælendur halda kyrru fyrir. Og heyra lögreglu segja "þetta er lokaviðvörun" og motmælendur fara niður a hnen i motþroa.

[Þór Jóhannesson, 3.1.2009 kl. 20:56]

Fann þannan pistil á umræðuþráð á eyjan.is frá manni sem kallar sig Pétur K:

Veit fólk að “piparúði” (Oleoresin Capsicum eða OC) er talið til eiturefnavopna
og notkun þess í hernaði bönnuð samkvæmt Alþjóðasamningi um lífefna- og eiturefnavopn sem Ísland skrifaði undir 10. apríl 1972 og staðfesti 15. febrúar 1973. Þrátt fyrir að bannið nái ekki til notkunar heima fyrir hafa yfirvöld víða verið mjög aðhaldssöm varðandi notkun efnisins. Evrópuþingið gaf út samantekt og álitsgerð um aðferðir við pólitíska stjórnun á íbúum árið 1998. Þar er m.a. fjallað um “mannfjöldastjórnun” og pyntingar og eindregið mælt gegn notkun piparúða, m.a. vegna hættu á dauðsföllum. http://jya.com/stoa-atpc.htm

Mjög áhugavert og væri auðvitað fréttamatur í landi þar sem fjölmiðlar eru ekki geldingartæki yfirvalda!

Þórður Ingi

Það að fara niður á hnén er kallað borgalega óhlýðini og er í and Ghandi og Martin Luther King - en þeir voru vissulega fanglesaðir og margir dóu áður en barátta þeirra við þess tíma spillingarvöld töpuðu fyrir réttlætinu.

Þú ert sem sagt að samþykja það að beita líkamlegu ofbeldi ef fólk sýnir borgalega óhlýðni?

[Helgi Jóhann Hauksson, 3.1.2009 kl. 20:57]

Sæll Þórður

Áttu við að myndir mínar sýn ekki það sem þær sýna?

Ég vísaði á videóið á visir.is strax í upphafsinnleggi mínu hér og það er ekkert þar sem ekki er í samræmi við mína lýsingu aðeins frá öðru sjónarhorni og svo skreytt með orðum og klippingum.

-

Upptökumaður Stöðvar2 kýs að vera í skjóli lögreglunnar og þar heyrist því vel það sem lögreglan segir í gjallarhorn þar fyrir aftan þó strax nokkra metra til vinstri þar sem ég stóð þar heyrðist hreinlega illa og svo er allt sundið þar utar stútfullt og teppt af fólki sem ekkert heyrði nema hávaða. - Það var því ekkert hlaupið í burtu sí svona fyrri þá sem næst voru lögreglunni - og þetta var þó úti og það sat enginn þar þegar þeir gerðu árásina - fólk var staðið upp.

-

Inni úðuðu þeir hinsvegar nokkru fyrr á fólkið sitjandi jafnt sem standandi og þessvegna sjást margir skríða út.

[Þorður Ingi (IP-tala skráð) 3.1.2009 kl. 21:49]

Var ekki a nokkurn hatt að segja að þessar myndir syndu eitthvað annað en þær syna (hvaðan kom þetta eiginlega?)
Það sem eg a við er að samkvæmt þeim myndböndum sem eg sa var folkið ekki að fara neitt eins og þu heldur fram i skrifum þinum.

Þor, hversu viðtækt hugtak er borgaraleg ohlyðni? Nu sjast motmælendur (allavega 2) sla lögreglu með skiltum sinum, fleiri hrinda þeim og þetta með steinana er staðfest, þeir sjast meira að segja a myndböndum. Hversu langt er leyfilegt að ganga i borgaralegri ohlyðni? Eg samþykki aldrei likamlegt ofbeldi, það er einmitt kveikjan að gagnryni minni a þessi akveðnu motmæli.

[Þór Jóhannesson, 3.1.2009 kl. 22:24]

Ég fordæmi þann sem ver sig fyrir piparúða árásinni með því að berja skilti í lögregluna - ég kysi frekar að láta lögregluna úða mig og berja en að beita ofbeldi til baka en það hugsa ekki allir eins þegar þeir eru að verja sig.

En þú svaraðir ekki spurningunni um hvort þú sért tilbúinn að réttlæta notkun piparúða þrátt fyrir að hann sé bæði fordæmdur og alþjóðleg ályktun og samþykt sem utanríkisráðherra hefur skrifað undir liggi fyrir að hann sé ólöglegur?

[Þórður Ingi (IP-tala skráð) 3.1.2009 kl. 22:44]

Þór, ég bara get ekki myndað mér endanlega skoðun á því þar sem ég hef ekki næga þekkingu á málinu. Það er ekki nóg að vísa í heimildir síðan 1972 - '73. En piparúði er saklausari en t.a.m. kylfur eða rafbyssur. Það er allt saman spurning um hvaða tól standa lögreglunni til boða þegar allt fer úr böndum.

Þannig að er ég tilbúinn til að réttlæta notkun hans? Já, þar til önnur og betri tækni er í boði. Ég vil náttúrulega helst ekki sjá neitt meiðandi, enda hippi uppi á vitlausum tíma og vil bara njóta ásta en ekki piparúða eða einhvers þaðan af verra

[Þór Jóhannesson, 3.1.2009 kl. 23:28]

Gott að heyra Þórður Ingi - þú ert sem sagt búinn að segja það að það sé í lagi að beita líkamlegu ofbeldi með banvænum piparúða á innbrotsþjóf sem þegar hefur rétt upp hendur og gefist upp af því að hann braust inn.

Þetta er ekki einu sinni leyfilegt í Bandaríkjunum en hér virðist múgurinn tilbúinn að verja slíkar gjörðir lögreglu fram í fingurgóma. Gott að vita þetta svona frá fyrstu hendi frá þér. Hef þetta núna staðfest og skjalfest á þessu ágæta bloggi hans Helga því fæstir vilja viðurkenna að þeir styðji við svona glæpi í leit sinni að réttlætingu á því að það sé í lagi að berja fólk ef það er ekki nægilega stillt.

[Kristinn Svanur Jónsson, 4.1.2009 kl. 01:41]

Ég var þarni inni í portinu, ekki sem mótmælandi, heldur sem forvitið vitni. Lögreglan sagði að hún væri að fara að sprauta gasi og þá fór ég, það var ekkert mál að komast út úr portinu, löggan sagði mörgum sinnum að þetta væri síðasti séns til að fara... svo eru einhverjir að tala um að fólk hafi rétt upp hendur... af því sem ég sá var fólk með hendurnar uppi til að veifa fólki sem var ekki í portinu, og segja þeim að koma inn í portið... sem skilaði sér í því að fullt af fólki fór inn í portið rétt áður en sprautað var... af því það vissi að  löggan var að fara að sprauta, eða var bara forvitið ... allir hafa fullan rétt á því að taka þátt í mótmælum, en það er fáránlegt að fara síðan að væla yfir afleiðingunum... punkturinn er að það var ekkert mál að fara út úr portinu ...

[Helgi Jóhann Hauksson, 4.1.2009 kl. 03:29]

Þetta er afar mótsagnakennt hjá þér Kristinn,t.d. þetta:

„Lögreglan sagði að hún væri að fara að sprauta gasi og þá fór ég, það var ekkert mál...“

og svo þetta:

„löggan sagði mörgum sinnum að þetta væri síðasti séns til að fara“

Hvort fórstu hlýðinn strax eða beiðst og hlustaðir á lögguna margendurtaka skipunina?

- eða ertu bara að skrökva? - varstu kannski ein löggan og gafst þér að ekkert mál væri að komst í burtu sí svona, og notaðir „varnarúðann“ sem „hlýðnipísk“ á óþekku krakkana?

Voru ekki allir bara forvitin vitin og enginn þátttakandi? - Eða hvað merkir þátttakandi. - Hvað gerði „þátttakandi“ annað en forvitið vitni eins og þú?

Kíktu á myndirnar mínar í heild í möppunni - ef þú hefur verið þarna ertu á einhverri þeirra, segðu okkur hvar, svo sjá megi mun á „forvitnu vitni“ og „þátttakanda“.

[Kristinn Svanur Jónsson, 4.1.2009 kl. 03:50]

ég segi bara haha Helgi... ég hljlóp ekki upp á hlemm.. ég var þarna við hliðin á þér og sjón manna er meiri en 2 metrar, ég forðaði mér en horfi á áfram... og já ég viðurkenni það fullkomnlega að ég vildi ekki að einhver tæki mynd af mér... ef ég hefði verið að mótmæla þá hefði ég samþykkt það... en ég var þarna í alvörunni til að fá áð sjá sjáflur hvað væri í raun í gangi... ekki dæma mig fyrir það að vilja vera vitni... ég er ekki í neinum flokk...

Lögreglan hefði getað sleppt því að sprauta! ég tek undir það... en það var í alvörunni eins og þeir sem fengu þetta í augun vildu það... ekki sá ég þig á bakinu biðjandi um mjólk og sítrónu í andlitið, ekki sá ég 45 ára konu úr vesturbænum liggjandi í götunni, njótandi aðstoðar.... nei, þeir forðu sér, eða snéru andlitinu í burtu sem vildu það og hinir fengu það því þeir vildu það...

[Hermann (IP-tala skráð) 4.1.2009 kl. 09:52]

Málið er kannski að gas-úðun var aldrei nauðsynleg, stundum er alveg eins og löggan geri þetta bara til að gera þetta?En þó var ég ekki á staðnum og get ekki vitnað í að þetta var að stefna í "riot" eða einhvað álíka...

[Helgi Jóhann Hauksson, 4.1.2009 kl. 14:10]

Hermann, það er einmitt mitt mat einnig að lögreglan hafi oft staðið sig vel í þeim vandasama ólgusjó sem gengið hefur yfir undangengnar 13 vikur en í þessu tilviki hafi verið sem ráðist væri á mótmælendur til að píska þá fyrir óhlýðni - úðinn var notaður sem tyftunarpískur en alls ekki sem varnar- neitt, þó lögregla kjósi sjálf að kalla hann „varnarúða“, og á tímapunkti þegar það var algerlega óþarft og getur alls ekki talist „varnaraðgerð“.

Á myndbandi visir.is má sjá ef glöggt er skoðað að það kemur fljúgandi eitthvað sem gæti verið steinn framar úr sundinu eftir að seinni árás lögreglu er gerð - ekki fyrir hana og getur því ekki verið tilefni árásar lögreglu, og eignspjöllin á köplum með blysi voru einnig gerð eftir seinni árás lögreglu og utan við vettvang átakanna sbr fréttamyndband RÚV 1. jan. Mótmælendur unnu ekki önnur tiltekin eignaspjöll t.d. engin á tækjum eða öðrum búnaði né á innanstokksmunum Hótel Borgar eins og staðhæft var.

Komið hefur líka í ljós að enginn gaf starfsmanni Stöðvar2 hnefahögg eins og sagt var heldir telur starfsmaðurinn nú að hann hafi fengið skaft af handblysi í sig - þ.e. hann veit ekki hvað gerðist og við skoðun Stöðvar2 á myndbandsupptökum sést enginn gefa neinum högg. - Hann gæti hafa rekið sig í eitthvað við sína eigin árás á mótmælendur.

Samt eru „eignaspjöll“ og meiðingar samkvæmt viðtali RÚV við stjórnanda lögreglu á staðnum ástæða lögreglu fyrir árásum hennar.

Reyndin er sú að lögreglan var að „sýna“ hörku eftir fyrirmælum og því á tímapunktum þegar það var óþarft nema til að „sýna“ hana, og að reyna bæta fyrir þau mistök lögreglu í augum ráðamanna og þar á meðal ISG og Ara Edvald sem hrópuðu á meira lögregluofbeldi að hafa ekki verið strax innanhúss til að mæta mótmælendum í stað kokka og tæknimanna, þó lögreglan hafi sannanlega var á staðnum við Hótel Borg í talsverðum fjölda á lögreglubílum og á mótorhjólum.

-Það eru til myndir af því fyrir hliðklifur mótmælenda.

[Þór Jóhannesson, 4.1.2009 kl. 15:05]

Kristinn Svanur Jónsson þú segir "Lögreglan hefði getað sleppt því að sprauta! ég tek undir það... en það var í alvörunni eins og þeir sem fengu þetta í augun vildu það..."

1) Hárrétt og um það snýst þetta allt saman - lögreglan sprautaði banvænu eitir sem hefur verið samþykkt á alþjóðavettvangi utanríkisráðherra samþykkt og staðfest það bann! LÖGREGLAN HEFÐI GETAÐ SLEPT ÞVÍ AÐ SPRUTA!

2) Ertu að meina þetta? Heldurður að einhver vilji láta útað eitri í augun á sér? Í hvernig veruleika lifir maður sem dregur slíka ályktun?

Ég var þarna til að mótmæla spillingunni á landinu sem þrífst augljóslega í ríkisstjórninni eins og víðar. En ég var þarna til að taka þátt í friðsamlegum mótmælum. Fór aldrei yfir neitt strik - hvorki raunverulegt né ímyndað af lögreglunni. Samt átti ég í mestu vandræðum með að standa upp þar sem ég sat úti á gangstétt (borgareign) og fékk yfir mig hóp af fólki að flýja undan eitrinu banvæna.

En þú heldur því fram að ef lögreglan segir "jump" að þá eigi ég að segja "how high" - ertu að meina að þá sé ég að biðja um að láta úða eitir í augun á mér?

Slíkt kallast borgaleg óhlýðini og er fullkomlega í anda Ghandi og Dr. Martin Luther King - en þú vilt e.t.v. að fólk hlýði yfirvöldum og lögreglu í einu og öllu í landi þar sem EKKERT raunverulegt yfirvald er lengur og umboðið sem þau fengu frá þjóðinni hefur verið dregið til baka. Liðið starfar umboðslaust og það er skilda hvers manns að krefjast réttlætis og lýðræðis - og eina leiðin er með borgaralegri óhlýðni en ekki ofbeldi (eins og lögreglan og örfáir anarkistar virðast vilja).

Þessi seta og söngur var ekki ósvipuð borgaralegu óhlýðninni í Tælandi þar sem þúsundir fólks lokaði flugvöllum landsins - með því að stitja INNI í byggingunum og sýndi þannig borgalega óhlýðini. Og hvernig endaði það? Kom Tælenska löggan eða herinn og beitti ofbeldi? Nei, ríkisstjórnin sagði af sér!

Held þú ættir bara að koma fram og viðurkenna að þú ert að horfa á hlutina með gleraugu úr Valhöll - svona bull frásögn stenst engin rök og er uppspuni að mestu.