Eigin reglur og rök ESB eru okkar beittustu vopn

Peter Örebech sleppir mörgu mikilvægu t.d. að Eystrasalt er innhaf og því eru þar „sérstakar aðstæður“ og þar gilda því „sérstakar reglur“ sem fólu meðal annars í sér að Eystrasaltsráð stjórnaði fiskveiðum, eins og Miðjarðarhafsráð á Miðjarðarhafinu.

Einnig að Malta er eyja á innhafi og fiskistofnar umhverfis Möltu eru allir sameiginlegir fiskistofnar með öllum öðrum Miðjarðarhafsríkjum.

Það er hinsvegar kjarni sérstöðu okkar að helstu nytjastofnar eru ekki sameiginlegir með öðrum ríkjum, því er sjálf grunnforsenda fiskveiðistefnu ESB „sameiginlegur vandi krefst sameiginlegra lausna“ ekki til staðar hér.  - Að auki eru allar meginreglur sem skipta máli sem rök fyrir okkur nú þegar rök ESB fyrir helstu stefnum og ákvörðunum þeirra sjálfra, við notum því þeirra vopn gegn þeim.

Ekki aðeins er sjálf forsenda fiskveiðistefnunnar þessi: „sameiginlegur vandi krefst sameiginlegra lausna“ og því ekki til staðar hér, heldur eru hér líka „sérstakar aðstæður krefjast sérstakra lausna“  rök ESB fyrir sérstöku og aðskildu kerfi á Miðjarðarhafinu og Eystrasalti, sem og afskiptaleysi ESB af fiskveiðum fjarlægra eyja og lenda í eigu ríkjanna svo sem eyjum Frakka í Karabíska hafinu, og hér eru einnig „sérstakar aðstæður“. 

- Þá er „nálægðarregla ESB“ ein sú mikilvægast sem aftur eru mikilvæg rök fyrir því að fyrst hér er ekki sameiginlegur vandi ESB-ríkja heldur sérstakar aðstæður sem krefjist sérstakra lausna þá ber samkvæmt reglum ESB að fara með þær ákvarðanir eins nærri vettvangi og unnt er.

- Um Íslandshaf gildir þá að ákvarðanir varðandi það beri að taka á Íslandi.

Hér er því ekki um neinar undanþágur að ræða heldur útfærslu á megin hugmyndum ESB byggð á rökum og forsendum ESB.

Sérstaða okkar er allt önnur og eindregnari en Norðmanna og Færeyinga vegna vistfræðilegs aðskilnaðar hafsvæðanna, en til viðbótar þessu ber okkur að vitna til þess að EB lofaði Færeyjum á sínum tíma að finna ásættanleg lausn fiskveiðimála þeirra kysu þeir að verða aðilar og að Norðmenn hafi tvisvar fellt samning vegna fiskveiðimálanna og því sé nú komin tími til að ESB sýni fiskveiðiþjóðum norðursins alvöru samkomulagsvilja.

ESB er viðkvæmt fyrir sínum eign grunnreglum og ef við leggjum upp okkar mál með þeirra eigin grunnreglur að vopni kæmi mér það á óvart að það opnaði ekki leiðir til lausna.

Með þessari leið værum við að virkja staðfestu þeirra um eigin forsendur og grunnreglur okkur í vil.

ESB myndi stjórna hafsvæðinu

Athugasemdir

[Óskar Þorkelsson, 12.1.2009 kl. 00:05]

takk fyrir mig :) mjög góð færsla og upplýsandi.

[Sigurður Þórðarson, 12.1.2009 kl. 00:21]

Þetta kemur allt í ljós félagi. Það kom skýrt fram í máli sjávarútvegsráðherra að þeir ætla í viðræður. Ég hef sjálfur miklar efasemdir um þennan félagsskap og treysti Bretum varlega enda var ég í þorskastríðunum og lærði inn á hugsunarhátt þeirra.  Við viljum báðir landi okkar vel og vonum að hið rétta komi í ljós og síðast en ekki síst að besta ákvörðunin verði tekin fyrir Ísland.

Svo ætla ég að hæla þér fyrir þessa fróðlegu pistla þína, því þú hefur sett þig vel inn í málin. Við verðum að velta við hverjum steini við höfum ekki efni á einu Icesave ruglinu í viðbót.

[Sigurður Þórðarson, 12.1.2009 kl. 00:29]

P.s. Það var ýmislegt sem koma þarna fram á fundinum eins og að við þurfum gríðarlegan fjölda manna í allar þær nefndir sem þarna eru. Og ef við ætlum að gæta hagsmuna okkar þurfum við að manna hundruð undirnefnda og her lobbyista.

Varðandi flökku- og deilistofna þá getur það breyst og er að breytast með örlít illi breytingu á hitastigi.  Það er að mörgu að hyggja.

[Gunnlaugur B Ólafsson, 12.1.2009 kl. 00:43]

Helgi, frábærir pistlar hjá þér. Látum ekki hræðslumaskínur og hávaðaseggi setja herping í þjóðarsálina heldur stefnum óhikað að samstarfi við frændþjóðir og aðra um samvinnu í álfunni okkar. Mbk, G

[Helgi Jóhann Hauksson, 12.1.2009 kl. 01:31]

Já, mér finnst það nú kjarni málsins Gunnlaugur.

Sigðurður, ég held nú að við endum saman í liði um þetta eins og margt annað þegar við tökum upp ú rpakkanum og sjáum hvernig mál munu standa. - Auðvitað er margar flóknar lausnir sem þarfnast úrvinnslu, hugsanlega þarf eitthvað að bíða heildarskoðunar kerfisins og þá skiptir máli hvernig það væri orðað og tryggt. Þá er ég að hugsa um þeir vilja nota okkar rök til að fara útí ferkari svæðaskiptingar sinna svæða með svæðisbundinni stjórnun eins og talað hefur verið um.

[Sigurður Þórðarson, 12.1.2009 kl. 11:39]

Við sjáumst kannski næsta laugardag.