Set hér inn slatta af myndum frá í gær en vísa á Nei. um umfjöllun þar til mér vinnst betri tími til.
Ég get þó sagt að ég kynntist því strax í upphafi dags í gær að sumir lögreglumenn vissu ekki hvert þeir ættu að beina dagskipun Björns Bjarnasonar og Ara Edwald um aukna hörku annað en af handahófi á hvern sem fyrir var enda ekki aðrir til að verða fyrir henni. Því kynntist ég á eigin beinum, án slysa þó, en greini betur frá því seinna með meiru. Nefndi líka við ýmsa að mér virtust þeir sérstaklega önugir við myndvélar og þá sem bæru þær.
- Ég var reiður allan daginn eftir þá reynslu og fann á sjálfum mér hvernig ruddaskapur sumra lögreglumanna hlýtur að æsa fólk, ég hélt mér þó við myndvélina en lét eftir mér að skammast yfir þessu í nokkrum lögreglumönnum sem virtust af alvöru vera tilbúnir að hlusta.
- En tuttugu handteknir eftir klukkutíma hávær en friðsamleg mótmæli og tugir urðu fyrir piparúða strax í upphafi - það var ekki glóra í þessu sem sést best á því að þegar einhverjir voru orðnir virkilega óþekkir um nóttina voru ekki „nema“ 4 handteknir.
Þeir handteknu eru áberandi í þessum myndapakka sem ég set inn en það er m.a. vegna þess að ég var spurður hvort ég ætti myndir sem sýndu tímasetningar atburða varðandi þá. Nafn myndanna er tímasetningin og allir sem eru að vinna þessu fólki vel mega notast við myndirnar til þess, - eins ef það þyrfti stærra frumrit má hafa samband á netfangi hehau@internet.is. Margir þeirra handteknu fengu á sig piparúða en nutu engrar aðlynningar heldur eru með hendur bundnar aftur fyrir bak og gátu því ekki einu sinni sjálfir nuddað framan úr sér. - Það hefur marg oft reynst mjög hættulegt. (Sjá eldri færslu: Engar nornaveiðar segir Björn og pikkar upp mótmælendur)
- Munum það að mótmælendur eru ekki einn massi heldur þúsundir einstaklinga þar sem hver ber ábyrgð á sér einum og sínum gerðum, lögregla getur ekki hrint eða barið aðra fyrir óhlýðni eða vanvirðingu einhverra mótmælenda.
Slatti af myndum frá í gær ATH! -tvísmella á mynd í albúmi til að stækka
Flokkur: Stjórnmál og samfélag | Miðvikudagur, 21. janúar 2009 (breytt kl. 14:10) | Facebook
RSS
Athugasemdir
Þetta eru frábærar myndir hjá þér Helgi Takk fyrir þær og þessa góðu færslu.
Samkvæmt mínum heimildum sem ég tel mjög áreiðanlegar er stjórnarsamstarfið að liðast í sundur og einungis á eftir að tilkynna það opinberlega..
Sigurður Þórðarson, 21.1.2009 kl. 13:59
p.s. Má ég nota eina mynd á bloggfærslu hjá mér?
Sigurður Þórðarson, 21.1.2009 kl. 14:01
Þó það nú væri félagi Sigurður
Helgi Jóhann Hauksson, 21.1.2009 kl. 16:03
Leyfði mér að setja tengingu inn á þessa grein og þá nýjustu hjá mér
Ævar Rafn Kjartansson, 22.1.2009 kl. 13:34
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.