Vodafone.is rænt af Kúbverksum tölvuþrjótum

Þurfti að fara inná vodafone.is undir kl 01.00 til að senda SMS en þá blasti við þessi undarlega og óhuggulega sjón.

Þ.e. þessi skjámynd hér til hliðar í stað heimasíðu Vodafone og tilkynnti að kúbverskir tölvuþrjótar hefðu rænt léninu vodafone.is. Ekki aðeins er myndin óhugguleg heldur að þetta merkir að varnir vodafone.is sem hýsir tölvupóstinn okkar og heimasíður fjölmargra eru ekki traustari en svo að unnt var að ræna þeirra eigin heimasíðu, - eða er það ekki? Myndina má stækka upp í fulla stæðr með því að smella á hana og svo aftur og svo aftur. Þá sést t.d. að slóðin er rétt vodafone.is , ég ætlaði vart að trúa því sjálfur.

Er það nú allt... rétt þriðjungur af meðaltali heimsins?

í öllu talinu um stórkostlegan hagvöxt á Íslandi kemur á óvart hér að samkvæmt þessari frétt frá Alþjóðagjaldeyrissjóðurinn (IMF) fyrir árið 2008 náum við rétt góðum þriðjungi af meðal hagvexti heimsins sem er 4,9% þar sem gert er ráð fyrir aðeins 1,9% hagvexti á Íslandi, en 12% viðskiptahalla bæði í ár og 2008 - sem er svakalegt. -Samt er innflutningi vegna framkvæmdanna fyrir austan að ljúka og útflutningur að hefjast, við erum í góðærinu miðju samkvæmt kosningaáróðri ríkisstjórnarflokkanna og aldrei haft það betra, -en náum ekki heimsmeðaltali.
Hinu hræðilega Evrusvæði er spáð 2,3% hagvexti eða talsvert meiri hagvexti en okkur; 2,3% í Japan og 2,2% í Bandaríkjunum. Þ.e. við náum ekki því sem helstu viðskiptaheildir heims hafa og draga okkur gjarnan sjálfkrafa með sér vegna mikilla viðskipta okkar við þær. - Það er nú allt og sumt -árið sem Alcoa fer að flytja út ál með fullum afköstum.

Mesta hagvaxtarskeiðið í rúma þrjá áratugi

Björgólfur Guðmundsson er ótrúlegur höfðingi

Það frábærasta við að vera virkur þátttakandi og starfa á vettvangi samtaka öryrkja og sjúklinga er að uppgötva og kynnast öllu því fólki sem af ósérhlífni og óeigingirni er þrátt fyrir allt tilbúið að leggja þeim lið sem á þurfa að halda. Auðvitað er misjafnt hvað hver og einn getur lagt að mörkum af tíma og fé, og eins og með fátæku ekkjuna í dæmisögu Krists eru sumir þeirra sem leggja smátt til, samt að gefa allt sitt, með það í huga að margt smátt verður eitt stórt.

Af öðrum höfðingjum ólöstöðum er samt vart nokkur annar eins höfðingi og Björgólfur Guðmundsson. Þegar aðrir skemmta sér við að kaupa klukkutíma af Elton John fyrir 75 milljónir eða hálftíma af Tom Jones fyrir 20, þá boðar Björgólfur 75 líknarsamtök á sinn fund og gefur hverju 1 milljón króna eða alls 75 milljónir króna og hrindir af stokkunum sérstakri þjónustu bankans síns undir kjörorðunum "legðu góðu máli lið" til að allir þeir sem hafa smávegis fram að færa geti gert það með greiðum og einföldum hætti beint af reikningum sínum án neins kostnaðar, með það í huga að margt smátt geri eitt stórt.

Í morgun var ég við móttöku Björgólfs og Landsbankans að þessu tilefni. Svo í dag nýt ég þess að dáðst að Björgólfi Guðmundssyni, karakter hans og höfðingsskap.

Ég vildi að Framsóknarflokkurinn væri við völd...

Fyrir utan stóriðjustefnu Framsóknar er fátt hér í kosningastefnuskrá Framsóknarflokksins sem ekki er hægt að taka heilshugar undir og bæta við "ég vildi að þessi flokkur hefði verið við völd undanfarin ár". - En bíðum nú við það hefur hann einmitt verið, hvernig á þá að vera hægt að taka mark á svona plaggi sem lýsir fullkomlega allt öðrum hugmyndum en praktiseraðar hafa verið af sama flokki í 12 ár.

PS Þetta er kannski ekki alveg réttlátt hjá mér í garð Framsóknar án þess að minnast þess að einstaka þingmenn og ráðherrar Framsóknarflokksins hafa vakið sérlega aðdáun mína fyrir ákveðin verk og hugarfar sem samt hefur ekki náð að móta yfirbragð ríkisstjórnarinnar í heild. Sumt jafnvel ekki náð athygli.  Svo fátt sé nefnt má nefna að báðir Páll Pétursson og Finnur Ingólfsson áttu meiri heiður og þakkir skyldar en þeir hlutu fyrir að taka á málum skuldugra fjölskylda, m.a. með stofnun ráðgjafastofu heimilanna og mikið fleiru, Jón Kristjánsson ráðherrann hæglyndi var allra ráðherra duglegastur að mæta allstaðar þar sem mál sjúklinga og öryrkja voru til umræðu og stoppa við og hlusta en ekki bara sýna sig, Halldór Ásgrímsson hafði þrátt fyrir allt kjark til að taka ESB mál á dagskrá þó sumir samráðherrar vildu ekki ræða þau, og auðvitað er ekki réttlátt að ekkert sé virt við Framsókn hve duglegur flokkurinn hefur verið við að setja konur í ráðherrastöður. - Það breytir þó ekki því að heildar yfirbragð ríkisvaldins sl 12 ár þar sem Framsókn hefur haft hlming ráðuneyta hefur verið afar hægrisinnað, andsnúið samhjálp, og nú er mál að linni.

Framsóknarmenn boða áframhaldandi uppbyggingu atvinnulífsins

Geir: 50 milljarða kostar að ná fyrri skattleysismörkum

Ómar kom sterkur út úr Kastljósþættinum í kvöld, sem og Steingrímur J, Ingibjörg stóð sig mjög vel þegar leið á en verr í upphafi, en Guðjón stóð sig bara illa og Jón stóð sig alls ekki neitt. Geir Haarde hefur vaxið meira sem foringi en ég átti von á sem gleður mig um leið og ég hef svolítið blendnar tilfinningar gagnvart því þar sem ég tel mikilvægt að skipt verði um ríkisstjórn eftir næstu kosningar. Vopnin snérust þó í höndum Geirs þegar hann hafði spurt Ómar hvort hann gerði sér grein fyrir hversu feikna dýrt væri að hækka skattleysismörk í 130 – 150 þúsund, það kostaði yfir 50 milljarða en Ómar skaut því að á móti að fyrst við höfðum efni á jafngildi þess fyrir 12 árum, hlytum við að hafa efni á því núna (eftir allt góðærið).

Þá segir þetta okkur nákvæmlega hvað þeir hafa hækkað mikið álögur á lægsta hluta tekna á þessum tíma, eða samkvæmt orðum Geirs um 50 milljarða króna.

Frjálslyndir styðja stóriðjuþensluna en eru á móti útlendingunum sem þenslan þarfnast.
Umræður flokksforingjanna í Kastljósi í kvöld marka upphaf hinnar formlegu kosningabaráttu. Um margt óljós og óvenjulega staða flokkanna samkvæmt skoðanakönnunum setur óhjákvæmilega svip sinn á kosningabaráttuna, en einnig er augljóst að þau mál sem litlu flokkarnir Frjálslyndiflokkurinn og Íslandshreyfingin hafa sett á oddinn móta núna umræðuna. Stóriðjumál og útlendingamál voru meginmál umræðunnar,  en lítið sem ekkert fór fyrir menntamálum, velferðarmálum eða samgöngumálum svo eitthvað sé nefnt. Í þessum málaflokkum kristallast þó hrópandi mótsögnin í málflutningi FF sem setur sig á móti útlendingunum en með stóriðjunni og þenslunni.
En eins og allir vita sem vilja er þenslan og stóriðjuframkvæmdirnar helsta ástæða eftispurnar eftir erlendu vinnuafli. Í raun merkir þetta að annaðhvort meinar FF ekki það sem þeir segja eða þeir vita ekkert hvað þeir eru að segja. Þeir geta ekki  stutt stóriðjuframkvæmdir en lokað á vinnuaflið sem framkvæmdirnar og þenslan kallar eftir. Það leiðir augljóslega af sér óðverðbólgu eins og þensla gerði á fyrri tímum, þ.e. víxlhækkanir kaupgjalds og verðlags vegna umframeftirspurnar eftir vinnuafli.

ÍH (Ómar) og FF stýra umræðunni
Óháð spurningunni um fylgi flokkanna sem þrátt fyrir allt er ekki alltaf aðalatrið þá sakna ég þess núna að flokkurinn minn Samfylkingin, jafnarðamannaflokkurinn á Íslandi sé ekki að stýra umræðunni, í það minnsta til jafns við þá sem bera fram vanheilugu útlendingamálin og háheilögu umhverfismálin, og þá helst með sterkri innkomu um “endurreisn velferðarkerfisnins” eða viðlíka. Afhverju er umræðan nú öll um FF og ÍH og þeirra málefni? -Af því þeir hafa sett málin á dagskrá knúið fram viðbrögð og fengið þau. Flokkur á umtalsvert erindi ef honum tekst að fá mál á dagskrá svo ekki sé talað um þegar öll umræðan og stefnuskrár hinna flokkanna taka mið af henni, en það er það sem Ómari hefur tekist.

Frelsi, jafnrétti, bræðralag
Það er í raun allt í lagi að Samfylkingin tapi fylgi ef hún er að mjaka grundvallarmálum áleiðis - ná árangri um það sem stjórnmál fjalla um þ.e. stefnumótun. Eftir 12 ára íhaldsstjórn er fátt brýnna en endurreisn verlferðarkerfisins með klassískar hugsjónir jafnaðarmanna að leiðarljósi; frelsi, jafnrétti, bræðralag; þar sem bræðralag vísar til samhjálparinnar, samtryggingarinnar og velferðarkerfisins og hjartaþelsins sem að baki þess býr; jafnrétti, ekki bara stytting úr “jafnrétti kynjanna”, heldur á öllum sviðum; og frelsi sem okkur öllum ber, og ber samfélagsleg skylda til að skapa öðrum sem geta ekki notið þess vegna skorts á nauðþurftum og heilsu.

Verst væri að ná ekki af alvöru þessum grundvallarsónarmiðum inn á dagskrá íslenskra stjórnmála, og helst sem leiðarljós við ríkisstjórnarmyndun. 15, 20 eða 30 % er í raun aukatriði ef tekst að móta dagskrá umræðunnar og réttar ákvarðanir.

Önnur fyrirheit og loforð verða að skoðast í ljósi þessa

Ég á létt með að skrifa undir draumsýn um lága skatta, -en þó ekki fyrr en tryggt er að við sjáum vel fyrir samfélagslegum skyldum okkar við hvert annað, börnin, komandi kynslóðir, sjúka og aldraða, og byggjum upp sameiginlega grunnþætti svo sem samgöngur þannig að komi öllu samfélaginu sem best til áframhaldandi velfarnaðar. - Ekkert sérstakt bendir til að nú sé tími eða tækifæri til að lækka skatta. Í öllu falli væri skárra að borga niður skuldir og eftir það að safna og koma upp sjóðum en að lækka frekar skatta því skattalækkun nú ýtir undir þenslu sem er stóri vandinn sem við glímum við.

Örorkumatsályktunina, sem annað, verður því að lesa með formerkjum niðurskurðar.
Ríkisstjórnin samþykkti nýlega álit nefndar forsætisráðherra um nýtt örorkumat og endurhæfingu - án þess að því fylgdi neitt fyrirheit um fé. Þær ályktanir er reyndar mjög auðvelt að lesa þannig að  tilgangurinn sé sá einn að skerða bætur og svelta öryrkja til vinnu sem þeir "þykist" ekki geta unnið, þó svo forystu öryrkja langi til að skilja það öðruvísi og forsætisráðherra langi líka til að öryrkjar skiji það öðruvísi framyfir kosningar.

Álitið er í raun um tvennt, ný og mikil endurhæfingarkerfi sem kosta mikið og langan tíma tekur að koma á ef þeim verður nokkru sinni komið á og svo nýtt örorkumat og bótakerfi sem tæki gildi strax og felur m.a. í sér að 75% öryrki sem nú nýtur 100% bóta fær bara 75% bætur óháð því hvort einhver vill ráða hann í 25% vinnu eða ekki, auk þess sem fram að þessu hefur verið litið þannig á að 75% öryrki þurfi 25% orku til að annast um sjálfan sig, orka hans sé í öllu falli ekki til skiptanna með þeim hætti að hann geti beitt 100% orku 25% af tímanum (til fjórðungs vinnu) og því látið sér duga 0% orku 75% af tímanum. 

Hvað um það, loforð um skattalækkun núna segir okkur hvað raunverulega er á bak við önnur loforð og fyrirheit, þar á meðal hverju á að hrinda í framkvæmd af ályktun örorkumatsnefndar og hverju ekki þ.e. ekkert bendir til annars en að aðeins sé stefnt að niðurskurði útgjalda í þeim málaflokki í reynd.

Sjálfstæðisflokkur stefnir að frekari skattalækkunum

Hva...! Um helmingur þess sem Karl græðir við sölu Glitnis.

Þetta er þó ekki nema helmingur þess sem Karl Wernersson er sagður græða eftir viðskipti sín með bréf í Glitni sem samkvæmt fréttum hann stofnaði til fyrir rúmu ári. - Það sýnir kannski best hvað þetta er orðin mikil bilun hér á landi að Bandaríkjamenn undrast og hneykslast á upphæð sem er helmingur þess sem einn maður fær af viðskiptum á íslandi. Gróði Karls samsvarar eftir 10% fjármagnstekjuskatt að einhver hefði 4,5 miljónir króna eftir skatt í árslaun í 10 þúsund ár.

(Myndin er af Bjarna Ármannssyni máta gamlan bankastjórastól á sögusýningu Íslandsbanka)

27 milljarðar króna í árslaun

Tölurnar í fréttinni standast ekki

I þessari frétt er sagt að 50% aðspurðra meldi sig jákvæða gagnvart Steingrími J Sigfússyni, en svo segir orðrétt aðeins neðar: "Af þeim sem voru jákvæðir gagnvart Steingrími J. Sigfússyni kváðust 93% ætla að kjósa Vinstri græna". - Þetta stenst ekki því ef það væri rétt ætluðu 93% af 50% að kjósa Vinstri græn eða með öðrum orðum að VG hefði 46,5% fylgi. Það eru þó varla réttar tölur - enn sem komið er í það minnsta.

Geir nýtur mestra vinsælda

Eldur í Paradís! - Lærdómur af háhýsabruna á Spáni.

Mér þótti þau hálf hrikaleg húsin á Spáni sem voru í byggingu þegar ég kom þar fyrst sumarið 1976, múrsteinsgólf í margar hæðir á örmjóum steinsteyptm súlum og svo léttir hlaðnir útveggir. Það var svo ekki fyrr en eftir að Spánn og Portúgal gengu í ESB 1986 að teknar voru upp boðlegar byggingareglur þar og staðlar.
Þetta rifjaðist upp fyrir mér þegar ég varð vitni að því í ágúst 2005 að eldur varð laus í 20 hæða íbúðahóteli í Benidorm á Spáni. Á aðeins örfáum mínútum dreifðist eldurinn niður eftir húsinu með brennandi sóltjöldum og sundfötum af svölum á svalir frá 16. hæð og niður, eldurinn náði líka að teygja sig upp eftir húsinu. Sem betur fer var ekki vindur svo logandi klæðin dreifðust ekki mikið til hliðar.

Myndirnar sem ég hef sett hér inn í albúmið “Eldur í Paradís” sýna ef vel er að að gáð hvernig eldurinn dreifir sér, en einnig að þegar slökkviliðið kom á staðinn ná þeir strax að sprauta vatni á neðstu svalatjöldin og stöðva útbreiðsluna eldsins þar, þ.e. uppá 6. hæð en lengra náðu slöngurnar ekki að sprauta, og þó slökkvilið kæmi greinilega víða frá á þeim 5 klukkustundum sem lökkvistarf stóð yfir sást aldrei körfubíll eða bíll með dælubyssur og reyndar komust engir slökkvibílar að svalahlið hótelsins þar sem eldurinn dreifði sér. (-Til að stækka myndir smellið á þær og svo aftur.)

Þegar slökkvistarfi lauk kom í ljós að gólfin sem voru byggð með gamla laginu með múrstenum voru við að hrynja eftir brunann. Það sést vel á einni myndanna.

Enginn lést í þessum bruna en 17 manns voru laðgir á sjúkrahús með grun um reykeitrun, þar af einn slökkviliðsmaður.

Ég er nokkuð viss að enginn annar var í aðstöðu til að taka boðlegar myndir af eldinum á meðan hann var enn að dreifa úr sér, og mér hefur fundist síðan þetta var að aðrir þyrfti að geta séð hvernig eldurinn dreifðist í þessum bruna á örfáum mínútum með sóltjöldum og sundfötum á svalasnúrum, og hvernig að brunavörnum er staðið í háhýsaborginni Benidorm. Slökkviliðsmennirnir stóðu sig frábærlega en aðstaða þeirra bæði hvað varðar  aðgengi að svalahlið hússins sem var ekkert og tækjabúnaður virtist í engu samræmi við verkefnið.
Ef ég færi eftur til Benidorm myndi ég því velja mér hótel sem örugglega væri byggt á seinni árum og hefði ekki sóltjöld framaf svölum.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Fjórar myndir í röð hér sem þegar betur er að gáð má sjá að eru allar af sama stað á húsinu og eins klipptar, sýna þróun frá því glóð berst á milli með sóltjöldum þar til meira en klukkutíma seinna að slökkviliðsmaður  er kominn í gegn  en þá er íbúðin fyrir ofan alelda.

Mikið að gera hjá Slökkviliði höfuðborgarsvæðisins í kvöld

Úr þessu verður að túlka vafann í þágu lífsins á jörðinni.

Það má vel vera að seinna eigi eftir að koma í ljós að hlýnun lofthjúps Jarðar nú hafi einfaldlega stafað af eðlilegum sveiflum í varmageislun sólar, en þegar um það er verulegur vafi og raunverulegur möguleiki að við mennirnir séum að eyðileggja jafnvægið í lofthjúpnum sem stjórnar loftslaginu í lífhvelinu þ.e. þar sem allt líf þrífst sem við vitum um að er til í alheiminum, þá höfum ekki efni á að okkur skjátalst um það en ríku þjóðir heims svo ekki sé talað um USA hafa vel efni á að rifa seglin og vernda lofthjúpin þó svo kæmi í ljós seinna að það hefði verið óþarft.

Deilt um innihald skýrslu um afleiðingar loftslagshlýnunar

Eðlilegt að einhverjir hafi gengið rökslegar til flutnings lögheimilis

Ekkert er eðlilegra en að einhverjir gangi rökslegar til flutnings lögheimilis þegar líður að svona kosningum en annars væri. Fólk sem hvort sem er þarf að flytja lögheimili og hefur skoðun á málinu drífur sig að ganga frá pappírum til að fá að kjósa - ekkert er eðlilegra en það. Til að fá að kjósa þurfti samt að eiga lögheimili í Hafnarfirði fyrir 10. mars 2007 eða þremur vikum fyrir kjördag (ekki allan mars eins og skilja má af féttinni). Svo þeir sem hafa drifið sig eftir það hafa ekki kosið í þessum kosningum.  Það er hins vegar í það minnsta jafn líklegt að stuðningsmenn sem andstæðingar álversins sem hugðu á flutning til Hafnarfjarðar hafi flýtt lögheimilsflutningi. - Ekkert bendir til annars auk þess sem í mesta lagi er verið að tala um að alls hafi nokkrir tugir flutt lögheimli sitt fyrstu 10 daga mars, þ.e. þar til kjörskrá var lokað.

Hagur Hafnarfjarðar kærir ekki

Skyldi hún setja upp slæðu?

Það virðist ótrúlegur dugur og kraftur í Nancy Pelosi, reyndar er hún að því mér skilst á ferð með nokkrum þingmönnum úr báðum flokkum, þó Bush gagnrýni hana eina fyrir að fara þessa ferð. - En það er ekki að sjá að hún setji upp slæðu þarna  þar sem hún hittir ráðamenn Sádí Arabíu, en skyldi hún gera það áður en hún mætir þeim formlega í opinberum byggingum stjórnvalda eins og íslenska þingkvenna-nefndin gerði?

Nancy Pelosi komin til Sádí-Arabíu

Ættu sektir ekki að vera tengdar tekjum og eignum?

Refsingar og sektir eru víða á Norðurlöndum tengdar tekjum og eignum. Hér var í haust brugðist við sögum af því að sumir litu á sektir fyrir hraðakstur sem smáaura og eðlilegan kostnað við að komast greitt á milli þannig að sektir voru hækkaðar á alla línuna til að þeir ríku finndu aðeins meira fyrir þeim, -en afhverju ekki sektir eftir eignum og tekjum? Afhverju á að svipta fátækann eignalausan mann heilum mánaðarlaunum fyrir sama brot og efnamenn og jafnvel þeir sem löggan vildi sérstaklega ná til á flottu kraftmiklu bílunum gjalda með virði örfárra vinnustunda eða mínútna jafnvel, og örbroti eigna þeirra fyrir sama brot. – Er refsingin sú sama fyrir þann ríka og fátæka þegar sektað er um 150 þúsund krónur, afhverju að gera resfingu hins fátæka svo harklega til að refsingin nái mögulega að hreyfa við hinum ríka þegar hægt væri að tengja refsinguna við eignir og tekjur? Sekt sem næmi janfgildi einna mánaðrlauna beggja myndu samt ekki svipta þann ríka peningum  fyrir brauði og mjólk - hann ætti nóg fyrir en sá efnalitli gæti verið skilinn eftir án alls.

Eru Íslendingar nískir á réttlæti og fé?

Ég held að það séu engar ýkjur þó ég segi að það sé hluti af sjálfsmynd okkar Íslendinga að við sjáum okkur sem réttsýna og réttláta þjóð, -en stenst sú mynd nánari skoðun?

Að slepptum innflytjenda-málunum sem ég nenni ekki að fjall um í bili hafa undanfarið vakið mig til umhugsunar kröfur um hertar refsingar, þyngdar sektir, skortur á mannsæmandi fangelsum, og svo fréttir af stöðu öryrkja, aldraðra og barna, og loks hefur afstaða okkar til Evrópumálanna vakið mig til umhugsunar í bland við fréttir af Þróunarsamvinnustofnun og þróunarhjálp. Þegar öll þessi mál summeruðust upp í huga mér stendur eftir að kannski sé þjóðin hvorki örlát, samúðarfull né réttsýn, jafnvel frekar nísk og óréttlát í samanburði við aðrar Norður-Evrópuþjóðir.  – Getur t.d. verið að andstaða okkar við ESB mótist af því að við getum ekki til þess hugsað að leggja meira til stuðnings vanþróðari ríkja Evrópu en við fáum frá ESB?  Leitum við allra leiða til að komast hjá því að leggja okkar eigin minnstu bræðrum lið og sameinumst helst í því að finna rétlætingu fyrir því? Afhverju tökum við ekki eftir því að þegar samdráttur hefur verður í efnhagslífinu og við höfum kallað atvinnulausa "letingja sem nenni ekki að vinna" að þegar efnahagslífð réttir við sér rennur fólkinu letin og atvinnleisið hverfur, þ.e. "letinn" er sjúkdómur sem hjaðnar um leið og efnahagslífið réttir við sér, -en þá förum við að tala með sama hætti um sjúka og fatlaða, þ.e. öryrkja.

Álíka og fótbrotinn kenni gifsinu um þegar FF kennir útlendingum

Það er svona álíka eins og fótbrotinn maður kenni gifsinu sínu um veikindi sín þegar Frjálslyndi flokkurinn bölsótast út í útlendinga sem við höfum laða til okkar til að vinna þau störf sem við höfum ekki mannafla til að sinna í þenslunni sem verið hefur.

Þenslan nú er nákvæmlega sami sjúkdómur og á verðbólguárunum nema núna er verðbólgan með magabelti svo þenslan leitar annarrar útrásar.
Í stað þess að eftirspurnin eftir vinnuafli sem fylgir þenslunni leiði til vixlhækanna kaupgjalds og verðlags og óðaverðbólgu sem engum raunverulegaum auknum verðmætum skilar í launaumslögin fær hún nú útrás með innflutningi fólks sem er í atvinnuleit;.
EN alveg eins og þenslan en ekki verðbólgan var raunverulegi sjúkdómurinn og verðbólgan var aðeins afleiðing hennar -einkenni, þá höfum við sama sjúkdóm nú aftur og eins og áður skapar hann umfram eftirspurn eftir vinnuafli en einkennin birtast þar sem auðveldast lætur undan og nú er það með innflutningi vinnuafls. Ef innflutningurinn yrði stöðvaður með þvingandi úrræðum myndi eftirsprunin eftir vinnuafli leiða til vixlverkanna kaupgjalds og verðlegas þ.e. til verðbólgu.

Það verður því að lækna þensluna, þá verður hvorki óðaverðbólga né óviðráðanlegur innflutningur vinnuafls vandamál. Þenslan leiðir til umframeftirspurnar eftir vinnuafli og birtist nú með innflutningi fólks . -Alveg eins og þegar fótbrotinn maður birtist með gifs eftir fótbrotið en ekki öfugt, - það væri augljós heimska að kenna gifsinu um fótbrotið, - en það er einmitt það sem FF er að gera þegar þeir snúa sér að útlendingunum en ekki þenslunni.

Ef FF vildi lækna meinið þá snéru þeir sér að því að draga úr þenslunni en ekki að skammast út í sáraumbúðirnar, það undarlegasta er þó að í gær heyrði ég Guðjón Arnar lýsa yfir stuðningi við virkjanaáform og álversverksmiðju í Húsavík - Þó er þar einmitt sjálft meinið á ferð.

Flottur leiðari Moggans í morgun - Grunnplagg um kosningarnar

Leiðari Moggans í morgun er frá mínum bæjardyrum séð grundvallarplagg um þær kosningar sem fóru fram í Hafnarfirði á Laugardaginn. Þar er af mikilli þekkingu, yfirsýn og raunsæi tekið á kjarna málsins, sem auðvitað er kosningin sjálf og tímamót til lýðræðis fremur en niðurstaðan.

Eitt verða allir að átta sig á en það er að fullkomið "lýðræði" er markgildi sem við stefnum á en náum aldrei. - En aðeins með því að vinna látlaust að því að ná því viðhöldum við því lýðræði sem við búum við um leið og við vonandi nálgumst einnig markmiðið. - Gallar þeirra lýðræðisferla sem við búum við eru oft hrópandi, fulltrúalýðræði er aðeins staðgengill beins lýðræðis þegar það er ekki raunhæft eða mögulegt, peningar, upplýsingaflæði og aðgagnur að  fjölmiðlum mótar svo alltaf niðurstöðu þeirra tækja sem við notumst við í lýðræðislegum ferlum, en gallana megum við aldrei nota sem rök fyrir því að snúa við og hætta að feta okkur nær markgildinu.

Mogginn segir m.a.:

"Frá sjónarhóli Morgunblaðsins, sem um áratugar skeið hefur barizt fyrir því, að fólkið sjálft taki ákvarðanir um veigamestu mál í atkvæðagreiðslum, er kosningin í Hafnarfirði merkur viðburður, sem markar ákveðin þáttaskil"

Sjá leiðarnn hér .

Fyrirséður rógur tapsárra

Ég varaði við því hér á hádegi kjördag að báðir aðilar álversmálsins virtust vera að búa sér til stöðu til að gengisfella kosninguna ef þeir töpuðu. Ég bað menn um að leyfa ekki tapsárum að komast upp með að lítilsvirða sigur lýðræðsins sem í kosningunni og kjörsókninni felst, hvernig sem færi.

Nú er það að rætast og það kom í hlut Hags Hafnarfjarðar. Að slá því fram að 700 manns hafi flutt til Hafnarjarðar bara til að kjósa gegn álverinu er ekkert nema slíkur rógur, - örþrifaráð tapsárra.

-Fyrir það fyrsta er talan sjálf augljóslega ekki byggð á nákvæmnisvísindum heldur slegið fram með óvissuna á heilu hundraði.
-í annan stað er skrítið að þetta skuli koma fram núna þegar enn er helgi og skrifstofur lokaðar fyrst það var ekki ljóst fyrir kosninguna en nær mánuður er liðinn síðan hægt var að flytja til að komast á kjörskrá.
-Í þriðja lagi jafnvel ef það hefur fjölgað um allt að 700 á kjörskrá í aðdraganda kosninganna getur það verið af fullkomlega eðlilegum ástæðum. Einfaldlega vegna þess að þegar um svo umtalað mál er að ræða ganga menn rösklega til þess verks sem þeir hafa hugsanlega vanrækt að skrá sig á sitt rétta heimili í Hafnarfirði. Þar sem ekki er samtímis verið að kjósa annarsstaðar flyst fólk hinsvegar ekki að sama skapi af skrá í Hafnarfirði.
-Loks ef einhverjir hafa látið móðinn leiða sig í gönur og skráð sig til Hafnarfjarðar til að fá að kjósa þá er engu líklegra að það séu nei-menn en já-menn, t.d. starfsmenn álversins og aðstendendur þeirra sem eiga allt sitt undir álverinu, trúlegast þó einhverjir úr báðum hópum.

Afar ósennilegt er að nokkur leið sé til að sanna þennan áburð hinna tapsáru, því er hann ekkert nema það -rógur. Ef ekki er einfaldlega hægt að sýna lista yfir 700 yfirlýsta andstæðingar álverins sem hafi flutt lögheimili sitt á heimilsfang þar sem þeir sannanlega eiga ekki raunverulegt heimili þá eru þessi orð "Hags Hafnarfjarðar" ekkert annað en rógur til þess eins fram settur að lítlsvirða niðurstöður þessarra merku kosninga.

Hagur Hafnarfjarðar segir brögð í tafli

Bæjarfulltrúar létu skoðanamótun öðrum eftir

Sá háttur sem Hafnfirðingar höfðu á kosningunni um álverið er á margan hátt lofsverður, þar á meðal að bæjarfulltrúar og bæjarstjórinn skyldu láta öðrum eftir skoðanamótun. Um það ber fulltrúum allra flokka í bænum lof.  Málið var einfaldlega ekki gert flokkspólitískt innan bæjarins.

Það er því hvort tveggja jafn ósmekklegt þegar reynt er að höggva til Samfylkingarinnar á þeirri forsendu að bæjarstjórinn hafi ekki tekið opinbera afstöðu -og þegar Samfylkingunni einni er bæði eignaður og kenndur þessi merki atburður. Vissulega átti Samfylkingin hér frumkvæði en aðrir flokkar í Hafnarfirði fylgdu henni og studdu þessa málsmeðferð um  allt sem mestu varðar, þar á meðal að láta bæjarbúum eftir að að taka afstöðu án þess að pólitíkusarnir stýrðu skoðanamyndun.
Það er þó ekki þar með sagt að öðruvísi geti ekki átt við undir öðrum kringumstæðum. Mál eru einfaldlega mis flokkspólitísk og eðlisólík t.d. hvort um grundvallarstefnu er að ræða eða einstaka ákvörðun þó stór sé, landsmál eða sveitarstjórnarmál. Það tíðkaðist t.d. ekki að stjórnmálamenn tækju afstöðu í kosningum um áfengisútsölur og hundahald hér áður, en næsta víst munu þeir taka afstöðu ef máli verður skotið til þjóðarinnar af forseta með synjun á staðfestingu laga, og auðvitað munu þeir taka afstöðu ef ESB samningur fær einhverntíman að fara fyrir þjóðina.

Líklega réð Davíð Oddsson úrslitum

.

Til hamingju Hafnarfjörður

Hafnfirðingar hafa sýnt einstakan karakter og styrk í öllu þessu máli og ber margfaldar hamingjuóskir. - Og þær hefði þeim líka borið þó 45 atkvæði hefðu breyst úr nei í já, og já-ið þannig sigrað, því þeir hafa einfaldlega staðið sig með miklum sóma í þessu máli og veitt lýðræðinu og Hafnarfirði sigurinn.

Líklega réð Davíð Oddsson úrslitum

Það er merkileg staðreynd að Davíð Oddsson seðlabankastjóri lagði andstæðingum álversstækkunarinnar í Straumsvík mikilvægt lið á nýafstöðnum aðalfundi Seðalbankans, þar sem hann sýndi fram á að með álversframkvæmdum yrðu vextir áfram háir og hvatti stjórnvöld til hægja á sér. - Sumir sem sögðu nei vitna nú til orða hans. Hvort það munar þeim 45 atkvæðum sem þurftu að flytjast milli fylkinga svo nei breyttist í já veit enginn fyrir víst, - en orð hans voru í fréttum sjónvarps kvöldið fyrir kosningar og í dagblöðunum að morgni kjördags. Telja verður að áhrif Davíðs séu enn veruleg þegar orð hans styrkja sterk sjónarmið sem þegar eru uppi, og að ekki sé órvarlegt þegar svo litlu munar að ætla að þau hafi ráðið úrslitum. Það verður í það minnsta að teljast óvenjulegt að seðlabankastjóri gagnrýni stjórnvöld eins og Davíð gerði svo stuttu fyrir tvennar mikilvægar kosningar. -Nú vænkast þó hagur Árna Sigfússonar bæjarstjóra Reykjanesbæjar því nú eru miklu meiri líkur en áður á að álver rísi við Helguvík, þó aðvörunarorð seðlabankastjóra hafi mögulega hreyfti við nógu mörgum Hafnfirðingum til að skipta sköpum, er líklegra en ekki að þau breyti engu um orku- og álbræðslustefnu stjórnvalda og að nýtt álver rísi í staðin í Helguvík.

Hafnfirðingar höfnuðu stækkun álversins

Sigur Hafnfirðinga er í höfn

Ljóst er af kjörsókninni og upplýsandi kosningabaráttunni að Hafnfirðingar og lýðræðið eru hér að vinna glæsilegan stórsigur hver sem niðurstaða kosninganna verður. Eftir að úrslit liggja fyrir mega því ekki tapsárir menn komast upp með að skyggja á þennan mikla sigur og gera lítið úr sameiginlegum stórsigri íbúalýðræðisins og allra Hafnfirðinga.

Tæplega 6.000 Hafnfirðingar hafa greitt atkvæði í álverskosningunni