Ekta íslenkst partý á Austurvelli - Harkan sex

Mynd 2009 01 21 00 18 26Set hér inn slatta af myndum frá í gær  en vísa á Nei. um umfjöllun þar til mér vinnst betri tími til.

Ég get þó sagt að ég kynntist því strax í upphafi dags í gær að sumir lögreglumenn vissu ekki hvert þeir ættu að beina dagskipun Björns Bjarnasonar og Ara Edwald um aukna hörku annað en af handahófi á hvern sem fyrir var enda ekki aðrir til að verða fyrir henni. Því kynntist ég á eigin beinum, án slysa þó, en greini betur frá því seinna með meiru. Nefndi líka við ýmsa að mér virtust þeir sérstaklega önugir við myndvélar og þá sem bæru þær.

- Ég var reiður allan daginn eftir þá reynslu og fann á sjálfum mér hvernig ruddaskapur sumra lögreglumanna hlýtur að æsa fólk, ég hélt mér þó við myndvélina en lét eftir mér að skammast yfir þessu í nokkrum lögreglumönnum sem virtust af alvöru vera tilbúnir að hlusta.

- En tuttugu handteknir eftir klukkutíma hávær en friðsamleg mótmæli og tugir urðu fyrir piparúða strax í upphafi - það var ekki glóra í þessu sem sést best á því að þegar einhverjir voru orðnir virkilega óþekkir um nóttina voru ekki „nema“ 4 handteknir.

Þeir handteknu eru áberandi í þessum myndapakka sem ég set inn en það er m.a. vegna þess að ég var spurður hvort ég ætti myndir sem sýndu tímasetningar atburða varðandi þá. Nafn myndanna er tímasetningin og allir sem eru að vinna þessu fólki vel mega notast við myndirnar til þess, - eins ef það þyrfti stærra frumrit má hafa samband á netfangi hehau@internet.is. Margir þeirra handteknu fengu á sig piparúða en nutu engrar aðlynningar heldur eru með hendur bundnar aftur fyrir bak og gátu því ekki einu sinni sjálfir nuddað framan úr sér. - Það hefur marg oft reynst mjög hættulegt. (Sjá eldri færslu: Engar nornaveiðar segir Björn og pikkar upp mótmælendur)

- Munum það að mótmælendur eru ekki einn massi heldur þúsundir einstaklinga þar sem hver ber ábyrgð á sér einum og sínum gerðum, lögregla getur ekki hrint eða barið aðra fyrir óhlýðni eða vanvirðingu einhverra mótmælenda.

 Slatti af myndum frá í gær  ATH! -tvísmella á mynd í albúmi til að stækka


Nýja-Framsókn klúðrar tækifærinu til að skilja eftir spillinguna

Heldur hinn nýi formaður Nýja-Framsóknarflokksins að hann hafi verið kosinn einvaldur?

Ekki aðeins klúðraði Nýja-Framsókn tækifærinu til að sýna þjóðinni að þar væri uppspretta nýrra og betri vinnubragða þegar víxlað var sigurvegurum formannskjörs, heldur er fyrsta verk nýkjörins formanns að gefa fingurinn framan í lýðræðið og nýmarkaða nær einróma ákvörðun flokksþings um að sækja um ESB aðild, flokksins sem hann bauð sig fram til að þjóna en virðist í þess stað ætla eins og aðrir spilltir stjórnmálamenn að láta flokkinn þjóna sér.

- Er þá ekki almennt öll stefnumótun flokksþings Framsóknarflokksins algerlega óþörf? - Einvaldurinn er tekinn við.

Mynd_2007-07-02_16-55-19Hvað eiga kjósendur að halda um slíkan flokk og slíkan flokksformann? Hve mikið mark mun hann síðar taka á vilja kjósenda og þjóðarinnar þegar hann gefur svo lítið fyrir skýrt samþykktan vilja síns eigin flokks.

Ekki hægt að leggja grunninn eftirá

Það er beinlíns brýnt að ákveða í upphafi hvar og hvernig á að taka grunn til að byggja nýtt Ísland. Það er ekkert hægt að segjast ætla bíða með grunninn þar til búið er að byggja. ESB aðild leysir ekki vandann en með inngöngu í ESB og upptöku evru leggjum við nýjan grunn að nýrri efnahagslegri uppbyggingu, vandaðri stjórnsýslu og nýju trausti innlendis og erlendis. - Við verðum svo sjálf að hanna og byggja samfélagið sem við reisum á grunninum, en á meðan húseiningarnar eru hannaðar, smíðaðar og reistar verður að vera ljóst á hvaða grunni fyrirhugað er að byggja. Krónan er ónýt og upptaka evru er óhjákvæmileg, við verðum því að fara í gegnum það að ákveða hvert við stefnum í þeim efnum og nú er tíminn til þess fyrst við vorum ekki löngu búin að því.

Þegar Sigmundur Davíð gefur þessari nýsamþykktu stóru og lýðræðislegu ákvörðun flokksins síns fingurinn er það beinlíns risastórt brot gegn lýðræðislegum vinnubrögðum og algerlega andstætt markmiðunum með kjöri hans sem er að sannfæra kjósendur um að spillingin hefi verið skilin eftir í Gömlu-Framsókn.

Lýðræðinu gefinn fingurinn á fyrsta degi

Í þess stað birtir nýi formaðurinn strax í upphafi ferilsins þá hlið sína gefa ekkert fyrir lýðræðislega samþykkt og er þá allt áfram eins og áður, engin leið er að vita fyrir hvað Framsókn stendur þrátt fyrir skýra samþykkt flokksþings.

Nýja-Framsókn hefur því ekkert skilið eftir í Gömlu-Framsókn þrátt fyrir ný andlit, ný nöfn og ný númer.  - Sé þetta rangt skilið eins og það blasir við af fréttum ætti Sigmundur að gefa út skýra yfirlýsingu um að hann fylgi af alhug svo stórri lýðræðislegri samþykkt flokks síns sem ESB-samþykktinni.


Ofurskuldir sjávarútvegs með veði í ofurverðlögðum kvóta

Í kvótanum og ofurskuldsettum sjávarútvegnum er í raun upphaf og endir íslenska fjármálaævintýrsins.  Til veiða undir JökliEf ég man rétt sagði Edda Rós Karlsdóttir í útvarpsviðtali í sumar að útlendingar sem ekki trúðu á íslenska fjármálaævintýrsið áttuðu sig ekki á hve kvótinn hefði aukið mikið „eigið fé“ og veðsetningamöguleika íslenskra fyrirtækja.

Þetta jafngilti því raun að stórir haugar af peningum væru prentaðir og gefnir útgerðarmönnum sem svo uxu eins og við töfra við það eitt að velta þeim fram og til baka í sömu fyrirtækjum, úr vinstri hendi í þá hægri og aftur til baka í þá vinstri, með sameiningum og myndun „group“-fyrirtækja um þau og öðrum hundakúnstum.

EN í stað þess að peningarnir nýttust til uppbyggingar í sjávarútvegi fóru menn með peningabunkana og keyptu banka, moll eða flugfélög og aðrir keyptu útlensk stórfyrirtæki við Oxfordstræti og víðar og léku þar einnig töfrakúnstirnar sem þeir höfðu lært með verðlagningu kvóta nema nú hét það einverjum fínni nöfnum, „viðskiptavild“ og fleiri fín orð yfir uppblásin tómamengi ...

- en það á enn eftir að finna einhvern til að borga kvóta-reikninginn...

... og ef við viljum hafa áhrif á að hann lendi ekki á börnunum okkar eins og allt hitt ættum við láta skoða ofurskuldir sjávarútvegsins með veði í ofurverðlögðum kvóta strax.

Brimið brýtur ströndinaKrisitinn Pétursson hefur lengi fjallað um þetta og Egill Helgason hefur nú dregið fram afar athyglisverðar upplýsingar (hér) frá  Dr. Ingólfi Arnarsyni.

Tölur um skuldir sjávarútvegsins eru þó á reiki eða frá 500 milljöðrum til 1000 milljarða. Ljóst er hinsvegar að kvóti var verðlagður útúr kú til að geta veðsett hann hærra - og prentað meiri peninga útá hann - á okkar kostnað.


Engar nornaveiðar segir Björn og pikkar upp mótmælendur

Mynd 2009 01 17 15 15 38

[Myndir frá mótmælafundinum í gær]

Björn Bjarnason dómsmálaráðherra hefur áorkað því að margfalt meira fé er nú varið til sérsveita lögreglu sem fylgjast með mótmælendum en til efnahagsbrotadeildar sem átti að gæta þess að þjóðin yrði ekki rænd. Lögregla tekur nú [sjá hér] ungmenni við vinnu sína t.d. á leiksskóla eða hvar sem til þeirra næst til yfirheyrslu hjá lögreglu án tilgreindra saka, grunsemda eða ávirðinga.

Við meinta atburði hafði verið hafður í frami hávaði.

A.m.k. sjö urðu fyrir því síðustu daga síðustu viku að lögreglu dugði ekki að boða ungmennin til spurninga heldur sótti þau úr störfum sínum, og úthlutaði þeim svo lögmanni sem opinberlega hefur lýst vanþóknun á mótmælendur og opinberlega skorað á þjóðina að stofna „hvítliðasveitir“ [sjá hér] sem merkir hópa hægrisinnaðra óbreyttra borgara handgengna stjórnvöldum sem tilbúnir eru til að berja á mótmælendum með velþóknun dómsmálaráðaherra og stjórnvalda.

Á sama tíma hefur vefritið Nei. upplýst með ljósmyndgrimuloggastor1 að mögulega hafi lögreglumaður klæðst andlitsgrímu og blandað sér í hóp mótmælenda við Landsbankann (óstaðfest af lögreglu).

Þá viðurkenndu yfirmenn lögreglu á borgarafundinum í Iðnó að þeir létu óeinkennisklædda lögreglumenn blanda sér í hóp mótmælenda m.a. til að taka af þeim ljósmyndir til viðbótar við myndir úr öryggismyndavélum lögreglu sem eru t.d. á Austurvelli.

Þá eru uppi rökstuddar grunsemdir um hleranir og hafa skýr dæmi þar um verið tilgreind þar sem ekki aðrar skýringar hafa fundist bæði hjá vörubílsstjórum í sumar og mótmælendum nú.

Eva Hauksdóttir aðgerðarsinni sem talaði í Iðnó hefur einnig upplýst með útskrift frá netþjóni sínum að maður sem setti inn ofstopafullt innlegg í hennar garð á bloggið hennar undir dulnefninu „Grímur“ gerði það af vef dómsmálaráðuneytisins og að sá einstaklingur var þann sólarhring a.m.k. jafngildi heils vinnudags inni á bloggi og vef Evu [sjá hér]

- og enginn helstu fjölmiðla hefur fylgt þessu sérstaklega eftir.

Mynd 2008 12 31 14 49 13Alvarlegast af öllu sem fram hefur komið er samt ítrekuð krafa forstjóra lang stærsta fjölmiðlafyrirtækis landsins um meira lögregluofbeldi á sama tíma og sjónvarpsstöð hans gegnir kalli hans með því að hæðast að mótmælendum og mótmælum, skrökva á þá sakir [sjá hér] og ofná allt saman hafa Stöð2 eða aðrir fjölmiðlar 365 enn ekki spurt eða flutt fréttir af hve margir mótmælendur slösuðust eða þurftu að leita læknishjálpar eftir ítrekaðar óþarfar piparúðaárásir lögreglu á mótmælendur við Hótel Borg [sjá hér] eða fyrr við lögreglustöðina.

Sú afstaða fréttastofu Stöðvar 2 og forstjóra 365 sem í því felst gagnvart mótmælendum er sú sama og helstu kúgunaröfl síðustu alda hafa sýnt andmælendum sínum - þeir eru einskis verðir ekki einu sinni þess að „fallnir og særðir“ séu taldir.

Þess vegna flytur fréttastofan engar fréttir af slösuðum mótmælendum hvorki hve margir þeir eru eða hve illa leinkir þeir voru, en vorkennir á sama tíma sér og sínum ómælanlega og margflytur fréttir sjálfum sér til samúðar. - Málsstaður mótmælenda og framganga er svo vísvitandi gerð að skrípafrétt hjá fréttastofu Stöðvar 2. Merkingalaus skrípalæti Ástþórs Magnússonar sem fáir urðu varir við á vettvangi tekur yfir fréttina um þúsundir sem mættu á mótmælafundinn á Austurvelli í gær, en ekkert er minnst á efni ræðumanna, þátttöku eða undirtektir.

Ari Edwald forstjóri Stöðvar 2 hefur kosið að persónugera mótmæli gegn úrræðaleysi stjórnvalda sem fram fóru við Hótel Borg, að taka persónulega til sín mótmælin sem beindust gegn úrræðaleysi og vanhæfni stjórnvalda. Það væri jafn rétt og ef hótelstjóri Hótel Borgar tæki atburðina sem persónulega gagnvart sér.

Ari hefur síðan aðeins endurtekið öfgafulla og ýkjukennda afstöðu sína til mótmælenda og lýsingu sína á þeim sem „ótýndum vopnuðum glæpamönnum“.

Með sama hætti hefur Björn Bjarnason dómsmálaráðherra kosið að taka mótmælin almennt persónulega til sín. Um leið og Björn hvetur til varfærni í garð þeirra sem grunaðir eru um að hafa sett Ísland á hausinn, þá ber Björn á borð ýkjukenndar túlkanir á mótmælum og hvetur beint og óbeint lögreglu til að sýna mótmælendum meiri hörku og ver persónulegar aðfarir lögreglu að einstökum mótmælendum.

Alvarlegt ástand ranghugmynda valdamestu manna

Loggur 2008 04 23 15 13Hér er að myndast mjög alvarlegt ástand ranghugmynda og vænisýki valdhafa og valdamikilla auðmanna í garð almennings. - Þeirra ranghugmyndir  eru miklu alvarlegri en almennings þar sem þessir menn fara með einkaréttinn til beitingu á obeldis á  Íslandi.

- Það verður að gera afar ríkar kröfur til þeirra sem geta haft áhrif á beitingu lögregluofbeldis, - miklu ríkari kröfur um að ganga fram af hófsemd en til óbreytts almennings.

Það eru miklu alvarlegri mistök að beita lögregluofbeldi af óþarfa en að beita því ekki þegar það gæti gert gagn. - Reyndar ætti aldrei að beita því ef með nokkru einasta móti er hægt að komast hjá því. Það hefur þegar sannast að jafnan þarf ekki nema þolinmæði, prúðmennsku og staðfestu lögreglu til að leysa mál með mótmælendum.

Piparúði er lífshættulegt og kvalafullt vopn beitt í refsingaskyni fyrir óhlýðni en ekki til að verjast.

Mynd 2008 12 31 14 48 02Eftir að vera sjálfur vitni að atburðunum á gamlársdag og geta margfarið yfir þá með mínum eigin ljósmyndum er ég ekki í neinum minnsta vafa um að bæði þegar lögreglan beitti piparúða inn og svo aftur úti var það bæði óþarft og mjög hættulegt.  Það var lang mesta hættan sem skapaðist þennan dag bæði vegna piparúðans sjálfs sem beitt var í alltof miklu magni að ástæðulausu og svo vegna þrengsla við undankomu mótmælenda sem fyrr urðu og að lögreglan hafði lokað annarri undakomuleiðinni en einnig var grjóti hent þegar seinni árás lögreglu stóð yfir og verður skoðast sem (óverjandi) viðbrögð við henni.

- Sjálfur gerði ég mér ekki grein fyrir alvarlegum afleiðingum piparúðans fyrr en ég kom að fórnarlömbum hans og las svo um réttarhöld vegna notkunar hans. Þá grunað mig ekki að hann væri sérstklega útbúinn til að loða við augu og öndunarfæri og valda viðvarndi kvölum sem ekki væri hægt að þvo í burtu með vatni.

Þetta er miklu alvarlegra mál en flestir gera sér grein fyrir. Við nýleg réttarhöld í USA vegna beitingu piparúða voru lögð fram gögn um 100 dauðsföll tengd beitingu lögreglu á piparúða. Í flestum tilviku er þó kennt um ofnæmisviðbrögðum, astma eða hjartagöllum - en ekki piparúðanum sem kallaði fram andateppu, hjartaáfall, ofurofnæmi eða panikviðbrögð þar sem fólk treðst undir eða fellur á flótta blindað af piparúða. - Það er svona eins og að kenna hjartastoppi um dauða manns sem fær byssuskot í hjartað.

Beiting piparúða í þessu tilviki var afar kvarlarfull refsing án dóms og laga fyrir meinta óhlýðni. - Að fara ekki nógu hratt í burtu [sjá hér].  Á það má minna að þrátt fyrir allt hafði lögreglan kynnst því að mótmælendur höfðu alltaf horfið sjálfviljugir fremur fljótt á braut þar sem þeir höfðu áður sest að t.d. í Seðlabankanum og víðar. Hér höfðu þeiri líka sest niður þegar lögregla lét til skarar skríða.
 

Fátt segir af borgarafundum en íþróttir ryðja dagskrá RÚV

Hve oft gerist það ekki að íþróttaviðburðir sem í sjálfu sér hafa enga þýðingu utan keppninnar sem fram fer, ryðja dagskrá Útvarps og Sjónvarps. Fyrirvaralaust er fréttum og helstu dagskrárliðum vikið til hliðar fyrir íþróttakappleik. Í því ljósi verður það að teljast sérstök ákvörðun hjá yfirmanni eða yfirmönnum ríkisfjölmiðlanna Mynd 2009 01 12 20 03 54+að sýna ekki beint frá opnum borgarafundum um þá djúptæku kreppu og vandamál sem við okkur blasa, bæði á Austurvelli og í Háskólabíói. 

Reyndar gengur Ríkisútvarpið svo langt að skrökva stórkallalega til um fjölda þátttakenda í mótmælum á Austurvelli. Á íslandi er trölla trú að gildi þess að „tala“ upp eða niður hin ýmsu mál - en ekki að leita allra sjónarhorna og byggja á leit að raunveruleikanum.

Það sem nú skortir mest af öllu er traust

Össur, Ingibjörg og Geir Haarde ættu ekki að reyna að segja okkur að vandinn framundan sé ekki eins stór og við blasir. - Það er enginn sem tekur mark á því. Það sem nú skortir mest af öllu er traust.

Án þess tekur hvort sem er enginn mark á orðum ykkar. - Segið okkur satt um efni og staðreyndir sama hve sárt það er, hafið raunveruleg allt uppi á borðum - og þá mun traustið koma smá saman til baka. - Ef þið snúið útúr og bullið í okkur fjarar það litla sem eftir er af trausti í burtu.

Sá tími er liðinn að hægt sé að „banna umræðu“ á þeim grundvelli að umræðan sé skaðleg. Jafnvel „skaðleg umræða“ verður alltaf gagnleg að lokum ef hún byggir á frjálsri, opinni og upplýsandi samræðuhefð.

- Það er eitt það skaðlegasta sem hefur yfir okkur gengið að menn tóku að trúa því að hagt væri og jafnvel ganglegt að „tala upp“ efnahagsástandið með blekkingartali og jafn rangt væri að tjá svartsýni og áhyggjur og það var kallað að tala efnahaginn eða krónuna eða eitthvað annað niður.

Tali, tali, tali, ...

Mynd 2009 01 12 21 22 55+Ekki skal efast um að Davíð Oddssyni tókst bæði að tala upp „góðærið“ og traustið á að raunveruleg innistæða væri fyrir góðærinu - eyðslunni, ofur-offjárfestingum og bruðlinu - og að umræður um að krónan stæði kannski ekki undir þessu öllu hefði áhrif á tiltrú á krónuna. - En hvers virði er „góðæri“ sem grundvallast á „blekkingatali“ upp eða niður og hafnar viðvarandi alvöru samræðum um viðfangsefnin? Þar sem bannað er að gagnrýna eða láta í ljós áhyggjur því þá hrynji, efnahagurinn, krónan eða lánstraust bankanna.

- Hverskonar efnahagskerfi höfðum við byggt upp þar sem helstu aðdáendur þess trúa því enn og vita að það standi á slíkum brauðfótum að neikvæðar vangaveltur geti „talað það um koll“ - og ásaka menn fyrir það.

Við þurfum að tala frjálst um efnahagsmál og við þurfum að fá að heyra aðra tala frjálst og óþvingað um allar hliðar efnahagsmála, sé um það hefð vex efnahagslífið á traustum grunni og sveiflur bæði upp og niður verða líka stilltari en annars og innistæða verður miklu fremur raunveruleg fyrir uppsveiflum. 


mbl.is Kreppan getur dýpkað
Tilkynna um óviðeigandi tengingu við frétt

Eigin reglur og rök ESB eru okkar beittustu vopn

Folk_0114Peter Örebech sleppir mörgu mikilvægu t.d. að Eystrasalt er innhaf og því eru þar „sérstakar aðstæður“ og þar gilda því „sérstakar reglur“ sem fólu meðal annars í sér að Eystrasaltsráð stjórnaði fiskveiðum, eins og Miðjarðarhafsráð á Miðjarðarhafinu.

Einnig að Malta er eyja á innhafi og fiskistofnar umhverfis Möltu eru allir sameiginlegir fiskistofnar með öllum öðrum Miðjarðarhafsríkjum.

Það er hinsvegar kjarni sérstöðu okkar að helstu nytjastofnar eru ekki sameiginlegir með öðrum ríkjum, því er sjálf grunnforsenda fiskveiðistefnu ESB sameiginlegur vandi krefst sameiginlegra lausna ekki til staðar hér.  - Að auki eru allar meginreglur sem skipta máli sem rök fyrir okkur nú þegar rök ESB fyrir helstu stefnum og ákvörðunum þeirra sjálfra, við notum því þeirra vopn gegn þeim.

Ekki aðeins er sjálf forsenda fiskveiðistefnunnar þessi: „sameiginlegur vandi krefst sameiginlegra lausna“ og því ekki til staðar hér, heldur eru hér líka „sérstakar aðstæður krefjast sérstakra lausna“  rök ESB fyrir sérstöku og aðskildu kerfi á Miðjarðarhafinu og Eystrasalti, sem og afskiptaleysi ESB af fiskveiðum fjarlægra eyja og lenda í eigu ríkjanna svo sem eyjum Frakka í Karabíska hafinu, og hér eru einnig „sérstakar aðstæður“. 

- Þá er „nálægðarregla ESB“ ein sú mikilvægast sem aftur eru mikilvæg rök fyrir því að fyrst hér er ekki sameiginlegur vandi ESB-ríkja heldur sérstakar aðstæður sem krefjist sérstakra lausna þá ber samkvæmt reglum ESB að fara með þær ákvarðanir eins nærri vettvangi og unnt er.

- Um Íslandshaf gildir þá að ákvarðanir varðandi það beri að taka á Íslandi.

Hér er því ekki um neinar undanþágur að ræða heldur útfærslu á megin hugmyndum ESB byggð á rökum og forsendum ESB.

Sérstaða okkar er allt önnur og eindregnari en Norðmanna og Færeyinga vegna vistfræðilegs aðskilnaðar hafsvæðanna, en til viðbótar þessu ber okkur að vitna til þess að EB lofaði Færeyjum á sínum tíma að finna ásættanleg lausn fiskveiðimála þeirra kysu þeir að verða aðilar og að Norðmenn hafi tvisvar fellt samning vegna fiskveiðimálanna og því sé nú komin tími til að ESB sýni fiskveiðiþjóðum norðursins alvöru samkomulagsvilja.

ESB er viðkvæmt fyrir sínum eign grunnreglum og ef við leggjum upp okkar mál með þeirra eigin grunnreglur að vopni kæmi mér það á óvart að það opnaði ekki leiðir til lausna.

Með þessari leið værum við að virkja staðfestu þeirra um eigin forsendur og grunnreglur okkur í vil.


mbl.is ESB myndi stjórna hafsvæðinu
Tilkynna um óviðeigandi tengingu við frétt

„Annað lýðveldið Ísland“ óhjákvæmileg nauðsyn

Stjórnarráðið undir nýju tungliEðli og gerð íslenska stjórnkerfisins er grunnorsök þeirra ófara sem við eru rétt að byrja að ganga í gegnum.  Stjórnkerfi okkar hefur eins og Vilmundur heitinn Gylfason varaði okkur við fyrir 30 árum, reynst algerlega vanmegnugt um aðhald og eftirlit með sjálfu sér, stofnunum samfélagsins og öllu viðskiptalífi landsins. - Í raun hefur það reynst gróðrarstía spillingar og sérhagsmunagæslu. Ég efast ekki um góðan vilja margra manna en augljóslega hefur hann hvergi nærri dugað til.


Allan lýðveldistímann hefur Alþingi ætlað að endurskoða stjórnarskrána. - Niðurstaðan hefur alltaf orðið sú sama - að aldrei hefur neinu verið breytt um stjórnskipun Lýðveldisins Íslands, og það þó stjórnarskráin sé samin undir danska kónginum fyrir Noreg, í kjölfar byltingaársins 1848, þ.e. fyrir 160 árum. Þær breytingar sem gerðar hafa verið hafa lotið að öðrum hlutum en stjórnskipuninni að undaskyldum allra brýnustu breytingum til stofnunar lýðveldisins árið 1944.

Sjálfstæð og ótengd þvers- og kruss umdæmi, stjórnvöld og stofnanir

Ólafur Borgarstjóri2Ef Ísland á að geta staðist sem sjálfstætt og fullvalda lýðveldi til frambúðar verður að endurstofna stjórnskipan íslenska lýðveldisins með algerlega nýrri stjórnarskrá og nýrri stjórnskipan, að gleyma því sem við búum við til að semja nýtt frá grunni sem til hins ýtrasta byggði á hugmyndum um  aðskilnað og  innibyggt aðhald og eftirlit. M.a. með allskyns skörun og þvers- og kruss uppbyggingu sjálfstæðra og ótengdra stofnanna, umdæma og sérstakra eftirlitsfunksjóna.

Dæmi mætti taka að umdæmi skipulagssvæðis annarsvegar og umdæmi byggingaeftirlits hinsvegar væru ólík. Kópavogur gæti verið ein skipulagsheild en að t.d. 3 umdæmi byggingaeftirlits næðu hvert yfir hluta Kópavogs, hluta Hafnarfjarðar og hluta Garðabæjar og heyrðu ekki beint undir eitt sveitarfélag. Sama hugsun næði til allra annarra þátta - en með annari skörun og mismunandi rótum valds og umboðs.


Þá verður  að kjósa handhafa framkvæmdavalds og löggjafarvald sitt í hvoru lagi - og það getur ekki verið forseti þingsins sem færi með framkvæmdavald eins og annars ágætar hugmyndir Njarðar P Njarðvík gera ráð fyrir.

Allir hagsmunir uppi á borðum og má aldrei hafa svarið tryggð við önnur félög

Hærri og lægriÞá verður að innleiða það í stjórnarskrá að þingmenn og kjörnir valdhafar geri opinberlega grein fyrir sérhagsmunum sínum, eignum og hagsmunatengslum og láti af öðrum störfum og ábyrgðastöðum á meðan þeir gegna þingmennsku, ráðherradómi og öðrum helstu valdapóstum í þágu samfélagsins.  Einnig ætti alltaf að vera ljóst að þeir sem gegndu opinberu embætti hefðu ekki svarið trúnað eða tryggð við önnur félög, leynifélög eða samfélög  en það sem þeir væru að bjóða sig fram til að þjóna. - Val manna stæði þar á milli annaðhvort að þjóna leynifélagi sínu eða samfélagi okkar en aldrei hvort tveggja.

Boða til sérstaks stjórnlagaþings núna

Núna, svo fljótt sem unnt er, verður að boða til sérstaks stjórnlagaþings og sækja hugmyndir og reynslu í alla samanlagða sögu lýðræðislegra stjórnkerfa heimsins og leitast við að skapa úr því það besta sem að völ er á. - Vel að merkja þeir sem gæfu kost á sér til þess þings  ættu að þurfa vera án sérstakra tengsla við sérhagsmuni og þá gefast kostur á að rjúfa slík tengsl séu þau til staðar, og alls ekki að hafa svarið leynifélögum  trúnað og tryggð.

Þekking og reynsla heimsins höfð að leiðarljósi

Gamli maðurinn og þinghúsiðNjörður P Njarðvík hefur rétt fyrir sér um að nú verður að stofna „Annað lýðveldið Ísland“ og það á ekki að vera hlutverk alþingis heldur sérkjörins stjórnlagaþings að semja nýja stjórnarskrá, en það verður að byrja á að afla þekkingar og reynslu úr reynslusjóði heimsins með þá útgangspunkta að búa til lagskipt þvers- og krusskerfi þar sem sjálfvirkar eftirlits- og aðhaldsfunksjónir eru innibyggðar í kerfið með skýrum aðskilnaði einstakra þátta, laga og funksjóna byggð á lýðræðislegri ábyrgð og kjöri til mismunandi grunnpósta, og ófrávíkjanlegum reglum um að fulltrúar þjóðarinnar séu ekki bundnir öðrum  miklum hagsmunum eða trúnaði og tryggð við önnur félög eða samfélög en það sem þeir bjóða sig fram til að annast.

Við eigum hér einstakt tækifæri til að byggja upp frá grunni á því besta sem reynsla heimsins ætti að hafa kennt okkur - vilji íslendingar í raun eitthvað læra.  - Áfallið væri þá ekki til einskis.


Nú fer að hitna undir stjórnvöldum, – þjóðin mætti

Mynd  2009 01 10 15 20 18... Og Mogginn heiðarlegastur um fréttaflutninginn eða hvað? - Segir „fjölmenni“ fremur en að skrökva að lesendum. RÚV segir að þetta séu 1500 manns hér á þeim fundi sem þessar myndir sýna. 

Ekki veit ég hvaðan lögreglu og þægum fjölmiðlum koma tölur yfir fjölda mótmælenda á Austurvelli en undarlegar eru þær.

Á sínum tíma þegar Austurvöllur var nær fullur af fólki árið 1984 í BSRB-verkfallinu, sagði lögreglan að 12 þúsund manns hefðu verið á vellinum og enginn véfengdi þá tölu. Venjulega miða ég við þá tölu þegar ég met fjöldann á svæðinu, þ.e. fullur en ekki troðfullur tæki Austurvöllur 12 þúsund manns.

Ég held jafnvel að fundastjóri og fundaboðendur átti sig ekki á hve margt fólk var í dag lengra frá þeim eða allt frá stéttinni kringum Jón Sig og að Borginni. Þar var t.d.  erfiðara að komast um til að taka myndir en framar, og þar sem ég sæki líka sjónarhronið frá sviðnu á margar myndir hef ég tekið eftir að þaðan er ómögulegt að átta sig á hvort margt eða fátt er handan fremstu runnanna. Mynd  2009 01 10 15 53 08- Sjónarhorn iðandi eftirlitsmyndavélar lögreglu er einmitt það sama og frá sviðinu (kannski ekki tilviljun hvar sviðið fær að vera).

Þá er heldur aldrei fullmætt fyrr en svona korter er liðið á fundinn. - Rétt fjöldatala ætti alltaf að vera þegar flest er.

Ef 12 þúsund manns komast með góðu móti fyrir á Austurvelli þá eru örugglega fleiri hér en 1500 manns eins og RÚV greindi frá.

- Nær væri að ætla að a.m.k. 6-7 þúsund manns hafi mætt á Austurvöll í dag.

- Um fundinn og ræðurnar má lesa hér á Nei.

Efstu myndir hér eru teknar frá sviðnu, en þéttnin var ekki minni frá Jóni Sig og að Borginni, það sést neðar:

Mynd  2009 01 10 15 34 56

Mynd  2009 01 10 15 06 44

Mynd  2009 01 10 15 34 32

Mynd  2009 01 10 15 07 04

 

... og svo aftar í mannhafinu eða frá bekkjunum við styttu Jóns Sigurðssonar:

Mynd  2009 01 10 15 23 58Mynd  2009 01 10 15 24 00


 

 

... og svo bara bland í poka:

Mynd  2009 01 10 15 26 40Mynd  2009 01 10 15 13 46Mynd  2009 01 10 15 16 24Mynd  2009 01 10 15 08 22Mynd  2009 01 10 15 08 52Mynd  2009 01 10 15 24 32Mynd  2009 01 10 16 03 10Mynd  2009 01 10 15 35 04Mynd  2009 01 10 15 34 44Mynd  2009 01 10 15 07 46Mynd  2009 01 10 15 13 56Mynd  2009 01 10 15 12 32Mynd  2009 01 10 15 08 52

 


mbl.is Fjórtándi fundurinn á Austurvelli
Tilkynna um óviðeigandi tengingu við frétt

Steingrímur sannar gildi þess að eiga „rödd“ á vettvangi

SteingrímurJSteingrímur J Sigfússon og Ögmundur Jónasson að ógleymdu ASÍ hafa margoft sannað hve mikilvægt er að eiga „rödd“ og aðkomu að vettvangi ákvarðanna Evrópu, þó svo hér sé Steingrímur að tala á vettvangi Evrópuráðsins en áhrif Ögmundar og ASÍ hafi verið í samráðsferlum við ákvarðanatökur ESB vegna málefna vinnumarkaðar Evrópu vegna aðildar íslenskra launþegasamtaka.

Í raun er öflug „rödd“ og rök miklu meira virði ein og sér en atkvæði eitt og sér. Þess vegna skiptir aðild okkar að ESB gríðlega miklu máli því þar fáum við „rödd“ og aðkomu að öllum ákvarðanatökuferlum ESB.

ESB er byggt upp á hugmyndum um „samstöðulýðræði

Í ESB er í raun iðkað „samstöðulýðræði“ sem merkir að leitast er við að mál séu ekki til lykta leidd við eindregna andstöðu einhvers aðila hópsins. Það birtist svo á margvíslega vegu, m.a. með því að allt annarskonar valdastofnun formar og leggur fram tillögur, þ.e. framkvæmdastjórn ESB, en sú sem tekur endanlegar ákvarðanir í málum sem er ráðherraráðið.

Á leiðinni þar á milli fara mál langa leið sem sumir kvarta yfir að sé of tímafrek. Tilgangurinn er þó samráð við alla sem mál snerta og að allar „raddir“ komist að. Á þeirri vegferð ákvarðanna frá tillögum framkvæmdastjórnar (einn frá hverju landi) til ráðherraráðs (einn frá hverju landi) er Evrópuþingið mikilvægasti áfanginn en það getur ýmist fellt mál, sent til baka til frekari vinnslu eða kallað eftir málum frá framkvæmdastjórninni.

Þessi vegferð mála kallar líka á að öll gögn séu raunverulega uppi á borðum, að allt sé þýtt á öll tungumálin og öll gögn séu aðgengileg öllum. Það gerir feikna kröfur en gefur líka stundum höggstað á ESB þegar ekki er hægt að fela neitt og 27 þjóðir horfa yfir axlir allra embættismanna, en opnari og traustari stjórnsýsla finnst ekki.

Í þessu ferli „samstöðu- og samráðslýðræðis“ sem íslendingar eru alls óvanir, hallar á þá stóru og valdmiklu í þágu þeirra litlu, - tilgangurinn er að það sé ekki afl heldur samstaða og sátt sem ráði niðurstöðu, þó svo stundum, jafnvel of oft, kosti það átök, samningatækni og hrossakaup að lenda málum.

Allir inn enginn út en við ein eftir í EFTA

Berlín manBandalagið var stofnað til að stuðla að varðveislu friðar í Evrópu með samstöðu, samskiptum og viðskiptum milli landanna. Árangurinn er sá að nær öll lýðræðisríki Evrópu hafa gengið í ESB en ekkert ríkjanna hefur íhugað úrsögn - á sama tíma sitjum við nær ein eftir í EFTA sem Bretar stofnuðu til að þurfa ekki að gang í EB en geta dreymt drauma um að ráða mestu allra um viðskipti bæði innan Breska Samveldis og í Evrópu. - En jafnvel Bretar eru löngu gengnir úr EFTA og í ESB.

Heimsveldisdraumar hafa áhrif á stöðu Breta

Enn leggja hagsmunaðilir sem eiga mikið undir í viðskiptum innan Breska samveldisins mikla áherslu á að eiga sína fulltrúa og talsmenn allstaðar þar sem viðskiptahagsmunir Breta koma við sögu, enda miklir hagsmunir í húfi fyrir sum bresk fyrirtæki, sem fremur vilja vegna þeirra hagsmuna auka áhrif og völd Breta byggð á heimsveldisdraumnum og Breska samveldinu en á Evrópu.

Meðal breskra samveldissinna heitir það „að horfa fremur til heimsins“ en til Evrópu - það merkir að fórna Evrópu-tengslum til að auka Samveldis-tengsl  - enda þar er Bretland krúnan. Samvedlishagsmunir Breta leiddu þá um hríð frá ESB með stofnun EFTA en voru nær þjóðagjaldþroti að sögn Daniel Hannan í grein hans í Mogga þegar Bretar gengu í ESB (- og björguðu sér þá væntanlega frá þjóðargjaldþroti með ESB-aðildinni), það má því segja að Samveldið og viðskiptahagsmunir fyrirtækja innan þess hafi veikt stöðu Breta í Evrópu með því að tefja, seinka og trufla ESB-þáttöku Breta.

Geng ESB og fyrir Breska samveldið í 15 ár

Daniel Hannan, bretinn sem ESB-andstæðingar hampa mikið er fyrst og fremst Samveldissinni sem vill fórna Evróputengslum Breta til að byggja undir Samveldis- og heimsveldisdrauminn og þá viðskiptahagsmuni sem þar eru í veði. Hann hefur í 15 ár verið þingmaður á þingi ESB til að berjast geng ESB. Hann lagði það til á sínum tíma að Bretar gengju úr ESB og aftur í EFTA  „til að geta byggt upp á grundvelli Breska samveldisins í stað Evrópu“ - þ.e. á leifum breska heimsveldisins og draunum um endurreisn þess sem viðskiptaheildar.

Og rök úr þessum þankagangi kópera svo sumir Íslendingar.

SigurvegararHins vegar vilja Norðurlandabúar ákafir fá okkur í  ESB til að efla sitt lið, en fulltrúar Breta hafa engan áhuga á aðild Ísland að ESB þó þeir verði að sætta sig við hana ef við viljum, heldur segja Bretar allir sem einn að við ættum að láta okkur EES duga því þá senda þeir okkur reglur í áskrift en eru lausir afskipti smáþjóðar með kröfur og áhrif innan bandalgsins.

Jafnvel nafn samtaka ESB-andstæðinga „Heimssýn“ er komið frá frasa breskra Samveldis- og heimsveldissinna „horfum til heimsins“ sem merkir í þeirra munni „eflum Breska Samveldið og látum okkur dreyma um heimsveldið“.

Við eigum að vera menn til að þora að setjast til borðs þar sem ákvarðanir eru teknar og láta í okkur heyra og til okkar taka eins og Steingrímur J gerði hjá Evrópuráðinu.

- Og við eigum ekki að láta nokkurn mann segja okkur að þar sem við höfum „rödd“ hefðum við ekki áhrif, - það sannar Steingrímur J manna best, hvað þá heldur þegar röddinni fylgir atkvæði og neitunarvald í grundvallarmálum.


mbl.is Frysting tekin fyrir hjá Evrópuráðsþinginu
Tilkynna um óviðeigandi tengingu við frétt

Afbragðs listaverk frá „skrílnum“

Á vefritinu Nei. er nú á forsíðu afbragðs gott margmiðlunarband um atburðina við Borgina. Slóðin er hér.

Þar er m.a. bent á í frábærum textanum að okkur er bannað að „persónugera“ afglöp stjórnvalda - en sömu stjórnvöld heimta að fá að persónugera skoðanir og mótmæli mótmælenda - heimta að sjá andlitin, heimta að geta skráð þátttakendur - þá sem ekki fá að vera þjóðin.

gamlarsdagur560


Beitingu hryðjuverkalaganna verður að prófa fyrir dómi

icesave_6_30_trongt.jpgBjörgvin, Ingibjörg og Össur þið viljið ekki láta minnast ykkar fyrir þetta, að prófa ekki rétt okkar.

Eitt ætti að vera öllum ljóst að þess mun Íslensk saga alltaf minnast að ríkisstjórn Íslands, íslensk stjórnvöld og Landsbankinn* ásamt öllum sem þeim tengdust voru einn dag sett undir ákvæði breskra hryðjuverkalaga. - Með sama hætti mun það heldur aldrei gleymast í okkar sögu hvaða stjórnmálamenn á vakt nú munu ekki gæta sæmdar þjóðarinnar og reka mál okkar og rétt fyrir breskum dómstólum til að prófa réttmæti þessarar ákvörðunar.

Það er ekki nóg að Kaupþing fari í mál því hryðjuverkalögunum var ekki beitt gegn Kaupþingi.

Ef einhver þessara aðila sem lögunum var beitt gegn; Ríkisstjórn Íslands, íslensk stjórnvöld og Landsbankinn*, hafa verðskuldað beitingu þeirra verða stjórnvöld að upplýsa okkur um öll atvik þess og gera okkur skýra grein fyrir því að af þeirri ástæðu sé málið ekki sótt, - það hafa þau ekki gert.

Við höfum nú haft langan aðdraganda að næsta miðvikudegi þegar frestur til að krefjast ógildingar gerningsins rennur út. - Hér er ekki um að ræða þá hröðu atburðaráðs sem ráðalausir ráðherrar gátu skýlt sér bak við við hrun bankanna.

Það má því segja að allar ákvarðanir sem nú verða teknar séu að yfirlögðu ráði. 

Björgvin, Ingibjörg og Össur þið viljið ekki láta minnast ykkar fyrir þetta, ekki aðeins að hafa ekki verið með á nótum þegar bankarnir hrundu og ekki lagt skýrar línur til ykkar undirmanna um „allt uppá borðin“ heldur nú að yfirlögðu ráði að vanrækja að prófa fyrir dómi stöðu okkar í þessu skelfilegasta efnahagslega hryðjuverki sem þessi þjóð hefur orðið fyrir.

*Klipp úr bresku tilskipuninni um hverja hún tók til:

Specified persons
3.—(1) The following are specified persons for the purposes of this order
a) Landsbanki
b) the Authorities and
c) the Government of Iceland.

The Authorities means:
a) the Central Bank of Iceland, Kalkofnsvegi 1, 150 Reykjavik;
b) the Icelandic Financial Services Authority (the Fjármálaeftirlitið); and
c) the Landsbanki receivership committee established by the Icelandic Financial Services Authority;

 


mbl.is Ríkið styður málshöfðun
Tilkynna um óviðeigandi tengingu við frétt

Stórhættulegur áróður Stöðvar2 í garð mótmælenda

Sannleikurinn skiptir gríðlega miklu máli við núverandi aðstæður - og fjölmiðlum verður að vera treystandi.

Afleiðingar ýkjufrétta Sigmundar Ernis, Ara Edvald og Stöðvar 2 af framkomu mótmælenda m.a. skrökfrétt um milljóna króna skemmdaverk á „hljóðkerfi og útsendingatækjum“ og „vopnaða glæpamenn“ eru raunverulega stórhættulegar. Ég gekk úr skugga um það á Stöð2 í dag að það eru engin skemmd tæki eftir gamlársdag hjá Stöð2 og búið var að gera við kaplana um hæl.

Ýkjuásakanir þeirra leiddu strax til þess að öfgafullir menn réðust að fólki sem það taldi ótýnda „skemmdarvarga“ og „glæpamenn“ og fannst stjórnvöld vera gefa sér veiðileyfi á af þeim sökum og unnu verri skemmdarverk og sýndu einstaklingum hættulega ögrandi ofbeldi langt umfram það sem mótmælendur hafa viðhaft til að mótmæla hruni Íslands og magnleysi stjórnvalda.

Klipp00 Ég fór á Stöð 2 í dag og gekk úr skugga um að þar eru engin skemmd tæki eftir gamlársdag. Hvað þá að mótmælendur hafi einhvernvegin vísvitandi  skemmt tæki fyrir milljónir króna eins og skilja mátti Sigmund Erni. - Og já, Ingibjörg Sólrún, fólkið þröngvaði sér inní anddyri Hótel Borgar og settist þar niður - fyllti gólfið - og söng - það var í setuverkfalli eins og þú áður, og ég horfði sjálfur á þetta eigin augum og tók af þeim myndir - og lögreglan réðst að fólkinu sitjandi inni, - og með hendur uppí loft úti. Fólkið vann ekki „skemmdarverk“ innandyra né sprengdi eða brenndi inni í húsinu, - og dós eftir saltpétur sem lögregla sýndi, brann úti sárasaklaus um einn metra frá mér. - Miklu meiri reykur kom ef venjulegu blysi en því dóti auk þess sem blys logar miklu lengur. - Enginn sást með vopn í þessum hópi þó einhver hafi við hina hlið hússins notað vasahníf til að opna glugga og koma eggi innum hann.

- Það var gamlársdagur var það ekki annars?

- Skrök- og ýkjusögur Sigmundar Ernis, Ara Edvald og Stöðvar 2 eru raunverulega stórhættulegar. Hægri öfgamenn halda raunverulega að þeir séu að jafna metin við „skemmdarvarga“ - þó mótmælendur hafi beinlínis forðast að skemma annað en að slíta snúrur. Mótmælendur sýna líka á upptökum MBL.is merkilega stillingu þegar tveir menn ögra þeim með ofbeldistilburðum.

- Bein afleiðing af skrök- og ýkjufrétt Sigmundar Ernis má telja árásina á verslun Evu Hauksdóttur með miklu fleiri brotnum rúðum en þúsundir mótmælenda hafa samanlagt asnast til að brjóta fram til þessa. - Þóra Kristín Ásgeirsdóttir, Magnús Bergmann og Daníel Eðvaldsson eru frábært fréttateymi á mbl.is með afbragðs myndum og frásögnum sem má sjá þarna. Ég leyfi mér að klippa nokkrar kyrrmyndir útúr hjá þeim. (Sjá hér og hér )

Svona ofbeldi hef ég ekki séð neina mótmælendur sýna fólki sem þessir sjálfskipuðu varðliðar gera hér.

PS Bætt við eftirá: Sagt er á bloggi að hér séu á ferð annarsvegar svæfinga- og gjörgæslulæknir og hinsvegar hagfræðingur hjá Seðlabankanum. - Það er nú ekki meira en svo að maður trúi því. Ég sá mennina gera hróp að fólki sem var verið að hlúa að og virtust sparka til einhverra, auk þess sem upptaka Mbl.is sýnir, - veit þó ekki hvort það hitti.

Klipp04Klipp06Klipp07Klipp02Klipp05Klipp08Klipp01

Sjá hér og hér 

 


Lögreglan úðaði á fólk með hendur upp í loft á leið í burtu

Mynd 2008 12 31 14 57 45Hér má sjá myndir mínar frá atburðum við Hótel Borg. Hér sést vel að fólk er með hendur upp í loft og á leið í burtu þegar 14 sekúndum seinna allt pipar-úðasettið er komið á loft. - Fólkið komst ekki greitt í burtu þar sem sundið er þröngt og þeir sem þar voru tepptu það, auk þess sem lögreglan lokaði sjálf annarri undankomuleiðinni - fyrir ráðamenn.

Sjálfur reyndi ég að benda lögrelgu á að ef hún ætlaði að rýma svæðið yrðu undankomuleiðir að vera opnar og greiðar á meðan.

Ég sá ekki að mótmælendur beittu annað fólk ofbeldi, hvorki sjálfskipaða löggæslumenn Stöðvar2 sem réðust á mótmælendur (sjá video á visir.is) og reyndu með handalögmálum að stöðva skarann sem þrýsti allur Þeim fremstu á undan sér, né þá sem gegna með réttu því vandasama starfi að vera löggæslumenn við þessar erfiðu aðstæður. - Ég saknaði reyndar Geir Jóns - hann kann á fólk.

- Þvert á móti virtist fólkið staðráðið í að greina skýrt á milli þess að það opnaði dyr og hlið og tók á „hlutum“ og svo þess að það legði ekki hendur á annað „fólk“.  Einu sinni sá ég mold úr blómabeði vera fleygt úr fjarlægð í lögreglumenn - og náði mynd af því - en sá aldrei neinu verra en mold fleygt - Hafi einhver hent grjóti er það ekki í takt við þær línur sem ég sá mótmælendur draga svo skýrt sem þeir gátu, og af því sem ég sá langlíklegast að um væri að ræða aðvífandi skeyti úr fjarlægð á meðan á árás lögreglu stóð, ef þetta er rétt - sem væri afleitt.

Sprengingar glumdu eins og endranær á gamlársdag en ég varð ekki var við neinar sem í reynd ógnuðu Hótel Borg, gestum staðarins eða lögreglu í sundinu. - Ég efast þó ekki um að Sigmundur Ernir hefur verið hræddur inni við hvellina og lætin útifyrir.

- Og sumir lögreglumennirnir hafi orðið óttaslegnir þegar fólkið söng fingravísuna í kór - enda kom gasið í beinu framhaldi af vísunni .. um vísifingur og löngutöng .. hvar ert þú .. hér er ég, hér er ég, góðan daginn, daginn, daginn, ...

Mynd 2008 12 31 14 23 56Mótmælendur settust niður þegar þeir komust inní Hótel Borg og þeir settust aftur úti þegar réttmæt lögregla hafði vísað þeim út. Kokkar Hótel Borgar og tæknimenn Stöðvar2 sem beita fólk ofbeldi (sjá myndband á Visir.is) er alveg jafn rangstætt um ofbeldi sitt og hver annar sem beitir fólk ofbeldi, sérstaklega þar sem lögregla var til staðar til að verja ráðmenn ef um það væri að ræða.

Upptökumenn og ljósmyndarar hafa óáreittir verið innan um mótmælendur alla tíð og það var ekki öðruvísi nú. Mótmælendur komust ekki í tæri við nema snúrur upptökutækjanna svo mig undrar hvernig þeir eiga að hafa eyðilagt tæki fyrir mikla peninga eins og Sigmundur Ernir ásakar þá um, mikilvægt að hann upplýsi það hvaða tjóni þeir urðu fyrir og hvernig það atvikaðist. - Er ekki undarlegt að fréttamaður sem svo aumlega barmar sér sýni okkur ekki sjálft milljónatjónið og hvernig það atvikaðist?

Sjá einnig myndband visir.is og mbl.is

---

Nafn myndanna minna er tímasetning þeirra. Efsta myndin hér fyrir neðan er: mynd_2008-12-31_14-39-00, sem merkir að samkvæmt klukku myndavélarinnar var hún tekin kl 14:39:00 þann 31. des 2008.

Það merkir að  fjórum mínútum áður en lögreglan úðar fólkið er það að syngja fingrasönginn í kór:

„vísifingur, vísifingur .. hvar ert þú .. hér er ég, hér er ég, góðan daginn, daginn, daginn, ... “

Mynd 2008 12 31 14 39 00 Mynd 2008 12 31 14 39 18

Næstu 4 myndir sýna fólk rétta upp hendur og snúa sér út sundið eftir aðvörun lögreglu, en kemst ekki hratt vegna þeirra sem utar eru,  - í kjölfarið kemur árás lögreglu í bakið á fólkinu.

Næstu fjórar myndir eru teknar frá 14:42:54 til 14:43:21 þ.e. á aðeins 27 sekúndna tímabili og  sýna viðbrögð fólksins við aðvörun lögreglunnar og skipun um að fara, fólkið réttir upp hendur, snýr sér undan og eftir því sem sundið og múgurinn leyfir mjakast það í burtu .. en þá á mynd tekin 14 sekúndum  seinna kl 14:43:35 stendur yfir árás lögreglunnar með úða - ekki geta það kallast  varnaraðgerð þegar fólk er á leið í burt með hendur upp í loft.Mynd 2008 12 31 14 42 54

Mynd 2008 12 31 14 43 16Mynd 2008 12 31 14 43 17Mynd 2008 12 31 14 43 21Hér eru aðeins 14 sekúndur milli þessara mynda hér næst fyrir ofan  þar sem fólk er með uppréttar hendur á leið í burtu, og þessarar næst fyrir neðan þar sem lögregla hefur þegar gefið góðan úða yfir allan hópinn úr mörgum brúsum á lofti.

Mynd 2008 12 31 14 43 35Mynd 2008 12 31 14 43 36

Mynd 2008 12 31 14 43 37
Hvað sem fólki finnst um aðgerðir mótmælenda þá er skrítið hvernig lögregla beitir „varnarúðanum í bakið á fólki með uppréttar hendur, - og í miklu magni við mjög þröngar og tepptar undankomuleiðir, þeir sem næstir eru lögreglu og verða fyrir úðanum komast ekki undan fyrir mannfjöldanum og þrengslunum. 

 

Sjá fleiri myndir - smella hér

Mynd 2008 12 31 14 49 13Mynd 2008 12 31 14 46 50Mynd 2008 12 31 14 52 10Mynd 2008 12 31 14 47 18Mynd 2008 12 31 14 48 02Mynd 2008 12 31 14 47 04Mynd 2008 12 31 14 49 07Mynd 2008 12 31 14 52 42

Sjá fleiri myndir - smella hér


mbl.is Gas Gas Gas á gamlársdag
Tilkynna um óviðeigandi tengingu við frétt

Verðtrygging lána og verðtrygging launa - bæði eða hvorugt

Það er ekki hægt að slíta réttmæti verðtryggingar lána-skuldbindingu úr samhengi við sögu verðtryggingar launa-skuldbindinga.  Þess vegna ætti nú að láta lán almennings fylgja launaþróun. Lífreyrssjóðir þurfa heldur ekki annað en það, það tryggir þeirra fé í takt við skuldbindingar sjóðanna.

mynd_2007-06-23_16-31-34.jpgÍ umræðunni um verðtryggingu hef ég varið verðtrygginguna fram til þessa. Ég hef heldur reynt að benda á að ákvæði í lánum um breytilega vexti  auk verðtryggingar  ætti að taka út.


Nú finnst mér vera nýtt ástand hvað varðar verðtrygginguna sjálfa  sem kalli á algera endurskoðun málsins.

Verðtrygging var fyrst tekin upp á laun svo umsamin laun héldu verðmæti sínu, en ríkið hafði það orðið fyrir sið eftir hverja kararsamninga að fella gengið til þess eins eins og Hannes Hólmsteinn orðar það að lækka launin fyrir vinnuveitendur „án blóðsúthellinga“.

Víxlverkunin launa og verðlags varð allsráðandi vegna verðtryggingarinnar og verðbólgan varð 40-99%. Af þeirri ástæðu var loks verðtrygging sparifjár heimiluð með Ólafslögum 1979.

mynd_2007-09-30_15-38-22.jpgMeð þjóðarsáttinni 1986 var verðtrygging launa afnumin með loforðum um aðrar leiðir til að viðhalda kaupmætti.

Það var líka sagt að þegar verðbólgan hefði verið eins stafs tala í 12 mánuði myndi ákvæði um breytilega vexti verða bannað á verðtryggðum lánum.  Enn lifa þó bæði, breytilegir vextir og verðtrygging á lánum - trúlega vegna viðvarandi vantrausts á krónuna

Í ljósi sögu tengsla verðtryggingar lána við verðtryggingu launa er ótækt að nú skuli verðtrygging lána og gengistrygging lána meira en tvöfalda greiðslubyrði þeirra á sama tíma og laun standa í stað og þúsundir missa vinnuna.

- Það er ekki hægt að slíta réttmæti verðtryggingar lánaskuldbindingu úr samhengi við sögu verðtryggingar launaskuldbindinga.

Þess vegna á nú að láta lán almennings fylgja launaþróun, í raun var það fyrirheitið sem gefið var þegar verðtrygging launa var afnumin, það er samt íþyngjandi fyrir launafólk í heild því margir eru að missa vinnuna.


Fullvalda með útlenskan kóng og utanríkismál hjá Dönum

Íslenskir þjóðernissinnar rangfæra ótrúlega margt til réttlætingar útlendingafordómum sínum í garð Evrópubúa.

-sigurgledi_i_paris_1273.jpgMegin þema þjóðernissinnaðra andstæðinga ESB er tvö, það fyrra að útlendingar/Evrópubúar hafi illan ásetning í garð Íslands; og hitt er að Íslendingar sem vilji föst samskipti við Evrópu hafi í raun ásetning um að selja landið sitt ef ekki að gefa það (vondum) útlendingum. Margskonar tilbrigði við þessi einföldu áróðursstef útlendingahaturs og þjóðernishyggju eru svo sungin í hvert sinn sem orðað er að Ísland ætti að eigi samskonar tengsl við fullvalda og sjálfstæðar þjóðir Evrópu og Danir, Svíar og Finnar hafa, þ.e. ganga í ESB.

Þetta eru einnig nákvæmlega sömu stefin og voru sungin fyrrum. Hvort sem er við inngöngu í EFTA, EES eða í þeim miklu deilum þegar lagður var símastreng yfir hafið frá Íslandi til Evrópu 1904 (ef ég man árið rétt). - Þessi söngur hefur alltaf mikil áhrif því enginn vill jú vera talinn ætla að svíkja land sitt í hendur ræningjum.

city0115.jpgMest ber á staðhæfingum um að með ESB-aðild værum við að afsala okkur „fullveldinu“ og sjálfu sjálfstæði þjóðarinnar (eins og áður). Foringjar þjóðernissinna til hægri og vinstri þ.e. bæði þess hóps sem fylgir Davíð Oddssyni og þjóðernissinnans Steingrími J Sigfússonar eru þó vel upplýstir og menntaðir menn og vita best hve röng og villandi þessi staðhæfing er. Þeir vita vel að ESB er samtök sjálfstæðra og fullvalda Evrópuríka og að öll aðildarríki ESB eru óvefengjanlega fullvalda og sjálfstæð bæði að þjóðarrétti og í augum umheimsins og þjóðanna sem ríkin byggja. Þeir vita líka vel að enginn getur átt samfélag við aðra án þess að deila með því samfélagi einhverjum ákvörðunum og um leið að fá hlutdeild í miklu fleiri ákvörðunum. Og að enginn í mannheimum er neitt einn, hvorki þjóð eða einstaklingur.

Þeir vita líka að þrátt fyrir allt er umfang ESB ekki meira en svo að það veltir um 1% af þjóðarframleiðslu ríkjanna og skilar þar af strax 50% til niðurgreiðslum landbúnaðarvara og svo stórum upphæðum til byggða-, vísinda og mennta.

1918: „Fullvalda“ með útlenskan kóng og utanríkismál í höndum annarar þjóðar

Folk_0114Þessir upplýstu en öfgafullu(1) þjóðernissinnar vita manna best að íslensk þjóð taldist „fullvalda“ frá og með 1. desember 1918 ...  - en réð þá samt engu um utanríkismál sín sem voru í höndum Dana og höfðu útlenskan kóng sem að stjórnarskrá skyldi staðfesta eða hafna lögum Alþingis.

Þ.e. óumdeilt er að við urðum fullvalda þennan dag en langur vegur var að við teldumst þátttakendur á skákborði heimsins eða sjálfstæð og fullvalda í þeirri merkingu sem við nú teldum hæfa.

Önnur mjög alvarleg skröksaga þjóðernissinna er að eignaréttur á orkuauðlindum Íslands sé í hættu með ESB-aðild þó vita þessir menn vel að ESB hefur almennt ekkert með auðlindir ríkjanna að gera hvað þá að bandalagið hafi nokkru sinni ásælst eignarétt eða nýtingarétt orkuauðlinda ríkjanna eða arðinn af þeim eða annarra auðlinda þeirra

Um fiskveiðar vita þjóðernissinnarnir líka vel að stjórn fiskveiða var og er umhverfisverndarmál í þeim skilningi að frá 1906 hafði verið reynt að koma á sameignlegri stjórn fiskveiða úr sameiginlegum fiskistofnum ríkjanna við Norðursjó. Fiskistofnar virða ekki landamæri og lögsögumörk sama hvað predikað er yfir þeim, en þörf fyrir vernd þeirra var og er rík svo til varð „sameiginlega fiskveiðistefnan“ CFP undir þemanu: „sameiginlegt vandamál krefst sameinilegra lausna“. Hluti af lausninni er að mismundandi reglur og stjórnkerfi gilda á ólíkum hafsvæðum til að ná þessu verndarmarkmiði. Þannig gildir annað stjórnkerfi á Miðjarðarhafinu og í Eystrasalti en á Norðursjó. Þ.e. „sérstakar aðstæður krefjast sérstakra lausna“ og að „hverja ákvörðun skal taka eins nærri vettvangi og unnt er“. Þessa vegna hafa þar lengst af stjórnað fiskveiðum Eystrasaltsráð í Eystrasalti og Miðjarðhafsráð í Miðjarðarhafi. OG  eyjur Frakka í Karabískahafinu sem teljast aðilar að ESB annast sína fiskveiðistjórnun án afskipta ESB. Stífni um fiskveiðistefnuna og meginreglur er stífni um verndarmarkmið hennar, ótrúlega margir aðilar í hverju landi vilja á hverju ári fá undanþágu fyrir sig til að veiða meira og vernda minna. Þeir félagar Davíð Oddsson, Steingrímur J Sigfússon og Styrmir Gunnarsson vita vel að það þarf ekki undanþágur fyrir Ísland til að semja um fiskveiðar fyrir Ísland eða að allar veiðar á Íslandsmiðum verði á höndum Íslendinga, heldur þekkingu og góða röksemdarfærslu til að draga fram eigin reglur ESB og rétt fordæmi sem best henta Íslenskum aðstæðum og hagsmunum, auk þess er ekki ágreiningur við ESB um verndarmarkmið - er það nokkuð?  Mantran: „engar undanþágur fást“ er því í senn villandi og merkingarlaus, fyrir utan að hún er röng.

Í tilefni fullveldisdagsins og ástandsins ættu allir að byrja segja satt, í það minnsta eins satt og þeir geta - líka öfgafullir þjóðernissinnar sem berjast gegn aðild að ESB. 

(1) Ég kalla þá öfgafulla þjóðernissinna sem endurtekið rangfæra um grundvallaratriði í þágu þjóðernishyggjunnar þó ljóst megi vera að þeir vita betur.


Íslensk rödd í Evrópu: „Steingrími vel tekið á Evrópuþinginu“

picture_14.pngFáir hafa spottað eins og hætt þá sem telja það mikilvægt að Ísland eigi rödd og áhrif í ESB og Steingrímur J Sigfússon. Ekki aðeins hafa hann og skoðanabræður hans um Evrópumál talið það einskisvert að eiga aðkomu og „rödd“ að borði ákvarðanna og samræðna í ESB heldur hafa þeir talið það einskis vert að eiga sæti í ráðherraráðinu, leiðtogaráðinu, framkvæmdastjórninni, á þingi Evrópusambandsins og jafnvel að eiga neitunarvald um stærri mál hafa þeir marglýst einskis vert, því Ísland sé svo smátt og meintur illur ásetningur Evrópu í garð Íslands sé svo eindreginn að engin von sé fyrir litla Ísland að gæta þar hagsmuna sinna eða að hafa þar nein áhrif sér í hag.

En nú segir Mogginn:
„Steingrímur J. Sigfússon, alþingismaður, tók beitingu hryðjuverkalaga gegn Landsbankanum í Bretlandi til umræðu á stjórnarnefndarfundi Evrópuráðsþingsins í Strassborg í dag [sjá framhaldið hér].“

 

mynd_2008-11-24_17-17-20_1_740246.jpgSvo undarlegt sem það er hefur hópur stjórnmálamanna og fylgissveina þeirra, annarsvegar undir forystu Davíðs Oddssonar og hinsvegar undir forystu Steingríms J Sigfússonar nú árum saman viljað skilgreina Íslands svo aumt og vanmegnugt að það væri ófært um að setjast til borðs með alvöru þátttakendum við borð ESB, enginn myndi hlusta á okkur eða virða okkur viðlits. Þannig viljað flokkað okkur með vesælustu örríkjum sem ekki eru raunverulegir þátttakendur á heimsborðinu, smærri en t.d. Lúxemborg og Malta sem hafa umtalsverð áhrif, og viljað setja okkur á bás örríkja Evrópu, punturíkja eins og Andorra, San Marínó og Mónakó, þ.e. ríkja sem aldrei hafa reynt að vera þátttakendur og haldið uppi sjálfstæðri utanríkisstefnu. 

Nú er Steingrímur sem sagt í öllum fréttatímum að segja okkur frá því hvernig hann fékk fulltrúa Evrópuríkja á Evrópuþinginu til að hlusta á sig einan og málstað Íslands gegn Bretlandi, skapaði talsverðar umræður um málið á fundinum, fjölmargir hafi tekið fram að fyrir upplýsingar hans sæju þeir málið í nýju ljósi og enn fleiri rætt við hann eftir þingfundinn, undrast og fordæmt framgöngu Breta og lýst því að þeir hafi ekki gert sér grein fyrir eðli málsins fyrr en við ræðu Steingríms.

Ekki efast ég augnablik um að þetta sé rétt hjá Steingrími enda í samræmi við reynslu allra annarra, að alltaf er hlustað á skýra „rödd“ hvaðan sem hún kemur. Það að eiga „rödd“ við borðið þar sem ákvarðanir eru teknar er því hvarvetna grundvallaratriði og enda helsta baráttu- og réttindamál hópa og heilda í heiminum í dag.  Því höfum við hafnað fyrir hönd Íslands með staðhæfingum um að rödd Íslands sé svo aum og vesæl að hún skipti engu máli, jafnvel þó hún ætti að auki atkvæðisrétt og stöku sinnum neitunarvald.

 


mbl.is Rætt um hryðjuverkalög Breta á Evrópuráðsþingi
Tilkynna um óviðeigandi tengingu við frétt

Enn von um að íslensk þjóð þroski samkennd og mannúð

 Mynd 2008 09 12 14 50 04Það eru miklar gleðifréttir að Björn Bjarnason og sú stjórnsýsla sem undir hann heyrir er nú tilbúin til að sýna fólki frá fjarlægum hörmungarlöndum sem hingað hrekst stuðning og mannúð. - Eða hvernig ætti íslensk þjóð að geta ímyndað sér að heimurinn og íbúar hans ættu að sýna okkur, íbúum einnar ríkustu þjóðar heims samúð og skilning í erfiðleikum ef við erum ófær sjálf að veita samúð, skjól og tækifæri þeim fáu sem til okkar leita, oft úr verstu hörmungum og fátækt sem yfir heiminn dynja.

Ég gef mér að fyrst almennt hefur verið miklu lakari viðtaka hælisleitenda á Íslandi en t.d. í Kanada og á Norðurlöndum (hlutfallslega) og sú meðferð hefur notið í reynd og verki stuðnings þjóðarinnar þá skorti okkur sem þjóð verulega uppá samkennd, samúð og mannúð, - sem og skilning um að við sjálf getum orðið hælisleitendur - þ.e. þann þroska að geta sett sig í spor annarra. 


mbl.is Tveir íranskir hælisleitendur fái bráðabirgðadvalarleyfi
Tilkynna um óviðeigandi tengingu við frétt

Lögbrjótar: Davíð, Moggi, máttarstólparnir eða mótmælendur?

mynd_2008-11-24_16-50-26.jpg

Nú hefur mótmælendum almennt og ekki síst anarkistum bæst öflugasti stuðningur við sín sjónarmið sem völ er á á Íslandi. Jafnt Davíð Oddsson seðlabankastjóri og forsætisráðherra í 13 ár sem og virtasti fjölmiðill landsins Morgunblaðið hafa fært fyrir því sterk rök og sýnt það í verki að engin ástæða sé til virða tiltekin lög við þær ástæður sem nú ríkja.  Hin háheilögu lög um bankaleynd eigi t.d. ekki við núna að mati Mogga og Davíðs og því til áréttingar hefur Morgunblaðið brotið þau með afgerandi hætti.

mynd_2008-11-24_17-17-18b.jpgÞetta er sama hugsun og liggur að baki hjá „aktivistum“ að brjóta viljandi óréttlát eða óviðeigandi lög. Þetta var líka inntak baráttu Mahatma Gandhi sem t.d. stofnaði til skilríkjabrenna í Suður-Afríku, einnig þegar hann fór gönguna miklu á Indlandi niður að strönd til að búa til smávegis af salti, þar sem lög veittu Bretum einkaleyfi á framleiðslu salts. Þannig sýndi hann fram á fáránleika laganna. Fyrir það galt hann með fangelsun í allnokkur skipti.

Gandhi var löglærður og beitti aldrei ofbeldi og bar ekki hönd fyrir höfuð sér, hann vildi engan mann skaða þó auðugu bresku einokuninni hafi vafalaust fundist hann ræna spóni úr sínum aski, og yfirvöldum þótt hann óþolandi.

Þegar Bónusfánamaðurinn var handtekinn heyrði ég alloft „hann braut lög“.

Mynd  2008 11 22 15 10 26

Ef kemur til frekari mótmæla og „gerninga“ sem þó skaða ekki líf og limi verður íslenska valdastéttin, lögreglan og yfirvöld að hafa það í huga að máttarstólpar valdastéttarinnar Davíð Oddsson og Mogginn og fleiri hafa eindregnast fært fram rökin fyrir því að nauðsyn brjóti lög. - Þingmenn og ráðherrar réttlæta það jafnvel að ný lög sem þeir nú setji séu mögulega handan ystu marka stjórnarskrár og mannréttindasáttmála með sömu rökum. Einnig brýtur lögreglan sjálf „óvart“ lög eins og boðun til afplánunar og fl.

- Hvernig ætla þessi aðilar að hafna rökum mótmælenda um að „nauðsyn brjóti óréttlát lög“?

Ég vil þó eindregið mæla með að öll stjórnvöld og máttarstólpar samfélagsins virði sjálf lög og mannréttindi almennings og tjáningarfrelsi mótmælenda í víðum skilningi.


Það er óhjákvæmilegt að Samfylkingin sýni gott fordæmi...

Og viðskiptaráðherra axli pólitíska ábyrgð. Það er mikill misskilningur Björgvins G Sigurðssonar að bíða þurfi niðurstöðu rannsóknanefndar til að ráðherra axli pólitíska ábyrgð og segi af sér. Það er algerlega andstætt pólitískri siðmenningu vesturlanda þar sem stjórnmálamenn axla pólitíska ábyrgð með afsögn ef þeirra málaflokkur verður fyrir alvarlegum áföllum.

Althingishusid_f045Í þeim anda krafðist Ingibjörg Sólrún afsagnar stjórnar Seðlabankans og tók fram að hún snérist ekki um t.t. sök.

Ég hef því um hríð vonað að Samfylkingin og Björgvin Sigurðsson væru nógu stór og þroskuð til að sýna það fordæmi að Björgvin stæði upp og segði af sér án þess að sérstök sök væri sönnuð á hann. Þannig væri sýnt það fordæmi sem Samfylkingin þarf nú að sýna þjóðinni og samstarfsflokki sínum.

mynd_2008-11-24_16-59-10b.jpgEnginn vafi er á að eftirá  að hyggja má finna fjölmargt sem viðskiptaráðherra landsins, hver sem hann annars væri, hefði getað gert með öðrum hætti á 18 mánaða valdatíð fyrir svo hastarlega atburði sem þessa þar sem allt fór á versta veg. Bæði krafist meiri og betri upplýsinga sett sig betur inn í hluti og kveikt á perunni í það minnsta fljótlega eftir að allir fjölmiðlar fluttu okkur svartsýnustu fréttir í febrúar, mars og apríl sl. Einnig  krafist gerðar vel prófaðra og yfirvegaðra neyðaráætlana í tíma og mikið fleira.

- Um það dugir ekki að segja „það er alltaf auðvelt að vera vitur eftirá“.  Viðskiptaráðherra eins og aðrir æðstu yfirmenn fá laun fyrir að vita fyrirfram - sýna fyrirhyggju og forsjá.
Fyrst þetta gerðist með svo harkalegum hætti má alltaf finna ábyrgð og sök hjá þeim sem voru yfir málaflokknum þegar þeir gerðust. Þeir bera bæði ábyrgð ef þeir vissu ekkert og líka ef þeir vissu en aðhöfðust of lítið.
Björgvin Sigurðsson er svo ungur og efnilegur stjórnmálamaður að hann á greiða endurkomu aftur síðar í ráðherrastól - en nú er óðum að lokast gluggi hans fyrir afsögn með sæmd og sem lýsandi fordæmi um ábyrgð sem við viljum krefja bankastjóra seðlabankans.

Afsögn Björgvins er óhjákvæmileg, aðeins er spurning um með hve miklum fyrirgangi hún þarf að verða. Björgvin sagði frá upphafi þegar hann var spurður um ábyrgð Seðlabankastjóra að alls ekki væri hægt að leggja ábyrgð á Davíð - þar með tók Björgvin þá ábyrgð líka á sig og Samfylkinguna - nú veður hann að axla hana - með sæmd.


Eru konur lausnin? Eða anarkistar? Munur á gerning og ofbeldi

Mynd  2008 11 22 15 31 02„Neyðarstjórn kvenna“ stóð fyrir „mótmælagerning“ og klæddi Jón Sigurðsson í bleikan kjól á mótmælafundinum sl. laugardag.

Það kryddaði tilveruna og skaðaði engan en skýrum skilaboðum var komið á framfæri með „gerning“.Það skaðaði heldur engan þó Bónusfáninn héngi nokkra mínútur yfir Alþingi - þó ég mæli ekki með slíkri athöfn.

 Kreppa 2008 11 08 15 36 58++

--Nú þegar gengur á ýmsu í mótmælum er afar brýnt að allir geri skýran greinarmun á ofbeldi og saklausum „gerningum“ sem er athöfn til tjáningar hvort sem er til mótmæla, til að koma skoðun á framfæri eða vekja spurningar - í raun listform án ofbeldis.

Anarkistar nota m.a. gerninga til að tjá sig, þ.e. þeir eru aktívístar. Margir halda að anarkistar hylji andlit sín til að geta falið sig fyrir lögum - svo er alls ekki. Mynd  2008 11 22 14 54 06Þeir klæða af sér persónuna til að aðskilja hana skilaboðunum. Venjulegir pólitíkusar gera allt til að koma andliti sínu í sviðsljósin og fjölmiðlana en hugsjónaríkir anarkistar vilja láta skilaboð, málefni og sjónarmið standa ein án andlits eða persóna. Það er það sem liggur að baki svartra klæða með svartan höfuðklút um hár og andlit, -að fjarlægja persónuna úr skilboðunum. 

Vilmundur heitinn Gylfason vakti mig til umhugsunar með merkum útvarpsþáttum um að frumkvöðlar anarkismans byggðu á fögrum hugsjónum. Það má þó segja að hugsjónin um foringjaleysi hafi skapað svo margskonar anarkisma að undir þeim hatti er nært allt til - gott og slæmt, hægri og vinstri - og þar innan um afar fögur sýn á manninn og mannkynið. - Það má hafa það í huga.
Mynd  2008 11 22 15 19 02AMynd  2008 11 22 15 19 50[Fleiri myndir smella og fletta hér - Smella ítrekað til að stækka]


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband